Lucas 11:10 - Dios Iwene

¹⁰ Jau chömöledö, okobe deinö abebadö atjebiökwe iyo̧ Diosma, ja̧danö okobe deinö isakwadöma badekwajadö, ja̧danö okobe deinö tetjachobö abebadönöma, apjudema po̧ekwakobe. Jo̧kwajabetjö̧ taba jwiinö kwabe'doduwi Diosnö akebaduwo chömöledö, ökwödönö iyobö ösödo̧ jö̧ba̧lö.

Lucas 11:10 Referans Kwoze

Santiago 4:3

Ja̧danö, Diosnö akebaduwenabi kwujuna̧laduwobö badekwachokobe chö̧ja̧wo̧dö, jweinö omukwatö akebaduwokobetjö̧. Isabenö, ökwödöma ökwödö böjȩ jawa kwösödaduwi̧da omukwatö akebaduwobe. Jo̧kwaobetjö̧ Diosnö akebaduwijayonö kwujuna̧laduwokobe, jelobekwö omukwatö akebaduwobetjö̧, böjȩ jawa kwösödaduwi̧da kwujuna̧laduwobö.

Santiago 5:11

Jau chö̧ja̧wo̧dö, jobadö usula emawinadö, usula tjemawijayonö tjo̧'wo̧ 'dibachibö 'yi̧nadöma jwiinö tjo̧'wo̧ ösöwanö tjö̧jinobe. Ja̧danö, kwöwaisaduwa damötjö, Job mikwo̧ ö̧jinama. Jo̧bama yelösöda usula emawijayonö o̧'wo̧ 'dibachibö jwaikwöda i̧'yinobe. Ja̧danö, Duluwo̧ Diosma bajaliyanö pjaatinobe jo̧banö, o̧'wo̧ luwo̧ okwa juluwachibanö. Ja̧ baledinama ökwödönö i̧sekwobe, Duluwo̧ Diosma isabenö jojodönö ile nibebö, lȩlö̧jino edo̧, jö̧ba̧lö. Jejenö omukwataduwi chö̧ja̧wo̧dö, damötjö ji̧na Jobnö baledinama.

Lucas 18:1

Ju'wi möle Jesúsma iteda öba̧ja̧di̧ waisachadönö ba̧ja̧dö yöawinobe, me'dawachibökönö ba̧kwȩlö̧jatebö Diosnö atjebobö. Ja̧danö, ba̧ja̧dö, jobadönö wanedö yöawinobe baikwö:

Mateo 5:42

Ja̧danö, ökwönö abeba̧lo̧nö a̧'dȩlökönö kwiyo, ja̧danö jelo̧ kwöbalewobö aebitjö̧ma, öpöjödökönö kwöbalewo— jö̧ba̧lö yöawinobe Jesúsma, jwaikwöda otiwanöda jojodönö ja̧köbaduwo jö̧ba̧lö.

Mateo 7:8

Jau chömöledö, okobe deinö abebadö atjebiökwe iyo̧ Diosma, ja̧danö okobe deinö isakwadöma badekwajadö, ja̧danö okobe deinö tetjachobö abebadönöma, apjudema po̧ekwakobe. Jau chömöledö, Kwabe'doduwima otiwanö ökwödönö te'ada̧lo̧.

Lucas 11:9

Diosnö akebaduwi̧bi ja̧danö chömöledö. Taba jwiinö yebabökönö akebaduwo. Ja̧danö baikwö yötawaduwakwö: Diosnö akebaduwitjö̧ma, ökwödönö iyakwo̧, ja̧danö kwisakwaduwitjö̧ma, kwisakwaduwi̧ kwöbadekwajaduwakobe, ja̧danö tekachaduwobö akebaduwitjö̧ma, apjude po̧ekwakobe.

Lucas 11:11

Baikwö wanedö yötawa chömöledö: Ökwödö tjabe'dodöma, ¿suli̧ jawa kwi̧tji̧muduwinö kwiyaduwenaji̧? Kwitji̧ ökwönö ba̧i̧ ukwobö aebitjö̧ma, ¿jo̧banö nibo̧ a̧ko'danö kwiyaduwenaji̧?