Lucas 10:32 - Dios Iwene

³² Jelo̧ Dios eju otidadö Levíta jojodö ötjabawö̧tjöbi bakwo̧ jena öbaledinobe, ja̧danö jo̧babi jojonö edö, pjabatökönö söpödibö bakwachamabenö öbaledinobe.

Lucas 10:32 Referans Kwoze

Hechos 18:17

Labebajadötjö ju'wedöma jelo̧nö, judío jojodö yötjaweju la'aka luwo̧nö, Sóstenes mikwo̧nö, do̧batibö kwakwabijadötö a̧petutjö, lȩekwa yöawakwawa wa̧kwawaka badeibö. Jejenö kwakwatjonö Galiónma jö̧ba̧lökönö ji̧jetö.

Proverbios 27:10

Ja̧danö, ju'wibi yötawa: La'akatjöda kakatiboko lekwe kwipjeanö ju̧kwadö kwömöledönö, kwabe'do lekwe ipjeanö ju̧kwinadönöma. Isabenö, ökwönö wene baledena kwipjeanö ju̧kwadönöda pjatjatobö akebo. Ju'wedö kwömöledö ödö ju̧kwadö tjuju̧kwobekwö kwi̧'yoko, jobadönö abebö, pjabataduwi, jö̧ba̧lö. Kwipjeanö ju̧kwadö kwömöledöma kwipjeanö tjuju̧kwobetjö̧ ju'wedö kwömöledö ödö ju̧kwadö pjatjati̧tjö̧ bajalekwönönö otiwanö pjabatadö.

2 Timoteo 3:2

Jojodöma idödada ösödabikwawö tjö̧jakobe, ja̧danö jwaikwöda balada tjösödakobe, ja̧danö otiwadösa jö̧ba̧lö tjomukwatakobe, ja̧danö ju'wedötjö bajalekwönönöbedösa jö̧ba̧lö tjomukwatakobe. Ja̧danö, ju'wedönö sulabenö yötja̧lakobe, ja̧danö tjabe'dodönö tja̧ja̧kwökakobe, ja̧danö iyawa edö otiwanö iyajabe jö̧ba̧löma tjösödökakobe, ja̧danö Diosnö omukwatökönö sulabenö ja̧bö tjö̧jakobe.

Isaías 58:7

Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.

Lucas 10:31

Ja̧danö, ja'yubeda lekwajabetjö, jojo jobe ö̧bena ö'öbönö, Diostjö jojodötjö ö'weje pjabatadötjö bakwo̧ jena öbaledinobe, ja̧danö jojonö edö, pjabatökönö söpödibö bakwachamabenö öbaledibinobe.

Lucas 10:33

Jemi ikenama jelo̧bi jena öbaledinobe, judío jojodö, Sulabedö, jö̧ba̧lö tjömukwatawö̧ samaritano jojodötjö bakwo̧ma. Naukwabidö kwakwatjajökwenö edö, ömöledöso̧bö̧kö̧jayonö o̧'wo̧ tjo̧achinobe, ja̧danö lȩlö̧jinö edinobe jo̧banö.

Hechos 16:28

Ja̧danö, jo̧banö edö Pabloma labinö jö̧ba̧lijetö: —¡Bulatakwawöma loköba! Edi, okobe deinö ökwödö beju okwanö ba̧jadöma bena dö̧baja. Ladekwokobe— jö̧ba̧lijetö.