Lucas 10:11 - Dios Iwene

¹¹ Pjadatobö kwöpöjödaduwobetjö̧, ökwödötjö 'da̧bachibö di̧'yobe, Bidöma öpöjödadö, jö̧ba̧lö. Jau, kwöpöjödaduwobetjö̧, kwiteboduwi nijiso̧pja̧bi dömasapiyatjö 'do̧bekwö lodobe, Bemi jojodöma isabenö ökwödödanöböködö, jö̧ba̧lö. Ja̧danö, kwöpöjödaduwobetjö̧ Dios lȩebakwawö̧ja. Dios la'aka luwo̧ ö̧jakwa̧ma isabenö yöneawachibajabe, ja̧danö ökwödönobi pjaatobö jö̧a̧lajabe, jo̧kwaijayonö kwöpöjödaduwobetjö̧ Dios lȩebakwawö̧ja, jö̧ba̧lö, yökawaduwo.

Lucas 10:11 Referans Kwoze

Hechos 13:51

Ja̧danö, a'dewö lotjajawö̧ Pablo, Bernabé tju̧kwa sapatu pjusawijadötö, letiya. Ja̧ tjupjusawi̧ma i̧sebijadötö, Tjo̧wi̧, bidöma Dios iwene tja̧ja̧kwijayonö jwiinö tjöpöjödobe, jö̧ba̧lö. Ikenama jobetjö labebö Pablo, Bernabé Iconiobe 'yi̧jadötö.

Lucas 10:9

Ja̧danö jobe ja̧nö, ö'wöchadönö otidö loköbaduwo, ja̧danö jojodönö yökawaduwo, Dios la'aka luwo̧ ö̧jakwa̧ma, ida̧ökö yöneawachibobe jö̧ba̧lö.

Hechos 13:46

Jejenö tjöpöjödiawö̧ Pablo, Bernabé yebabökönö atada̧lijadötö jobadönö: —Ökwödöma abönö yödawo jö̧da̧lijatö Dios iwene ökwödönöma, judío jojodönöma. Jo̧kwaijayonö ¿dakwö yödawobö kwöpöjödaduwobema? Jejenö kwöpöjödaduwobetjö̧ Dioskwö ba̧kwȩlö̧jatebö kwuju̧kwaduwoböma ökwödöma jwiobe. Yötawaduwakwö: Ja̧ ba̧kwȩlö̧jatebö kwuju̧kwaduwobö jwii̧ma ökwödöda jawada. Jejenö kwöpöjödaduwajabetjö tjo̧wi̧kwada, ju'wedö jojodönö yödawakobe, judío jojodöböködönöda.

Hechos 13:40

Jo̧kwaobetjö̧, yötawi̧ma tjöbeba̧lö̧jönö a̧ja̧kwaduwi, ökwödönöma Dios lȩebi̧tjö baledökakobetjö̧, damötjö Dios yöawi̧ yöbawina iwȩyudinadanö. Damötjö Dios yöawi̧ yöbawinama baikwö wȩyudijetö:

Hechos 13:26

Ina yöbawijetö: —Chömöledö, Abrahamtjö tupadanö jojodöbi, ju'wedö Diosnö yebabinö ösödadöbi a̧ja̧kwaduwitjö. Diosma yöbawijetö iteda otiwa jawa wene, ji̧kwa wenema ökwödönö, Israel jojodönö.

Marcos 6:11

Jo̧kwaijayonö comunidadbe kwichibaduwena jobe ju̧kwadöma ökwödönö teatakwawabi a̧ja̧kwakwawabi tjöpöjöditjö̧ma, kwömasapaduwitjö kwupjusawaduwo, letiya. Ja̧ kwupjusawaduwi̧ma jobadönö i̧sebakobe, Ökwödöma Dios iwene kwa̧ja̧kwaduwobö kwöpöjödaduwitjö̧ma tjo̧wi̧ta, ökwödönöma kadatiba, jö̧ba̧lö— webijetö Jesúsma iteda öba̧ja̧di̧ waisachadönö jelobe tji̧'yakwa̧ abönö.

Mateo 10:14

Jau chömöledö, jelejunö ju̧kwadöbi, ju'wi comunidad jojodöbi kwichaduwobö tjöpöjöditjö̧ma, ja̧danö yökawaduwi̧ tja̧ja̧kwobö tjöpöjöditjö̧ma, jobe nijiso̧pja kwömasapatjö kwupjusawaduwo, bemi jojodönö pjadatobö jö̧da̧lijayonö, sulabenö öpöjödadö, jö̧ba̧lö.

Romanos 10:21

Ja̧danö, Israel jojodönöbi iwȩyudinobe Isaíasma. Dios jobadönö yöawinama baikwö iwȩyudinobe: Möle baledibanö cha̧debijatö weti̧ a̧ja̧kwöködönö, ötjönö öpöjödadönöma tjö̧jibobö, jö̧ba̧lö yöawinobe Diosma, Israel jojodönöma.

Romanos 10:8

Jau chömöledö, wainö weobe Dios iwene, kwomukwataduwobö. Baikwö laebobe: Ji̧kwa wenema ödöokobe ökwödötjöma, isakwö kwi̧'yaduwobö, ida̧ökö ökwödökwö jo̧betjö̧. Ja̧danö, ida̧ökö kwinenenöbi, kwomajadenöbi jo̧be ichejekwa, ji̧kwa wenema, ödöokobe, jö̧ba̧lö laebobe Dios iwene. Jau chömöledö, ja̧ ji̧kwa wenema, ökwödönö yötawi̧ weneda.

Mateo 3:2

—Sulabenö kwomukwataduwi̧ kabatibö balewachaduwi, Dios yöbawö weakwa̧ möle yöneawachibobe— jö̧ba̧lö.

Mateo 10:7

Kwekachaduwonö, baikwö yöbawö kwekachaduwo: Mölejȩbe jo̧ Dios la'aka luwo̧ ö̧jakwa̧ mölema yöneawachibobe, jö̧ba̧lö.

Lucas 9:5

Ja̧danö comunidad jojodö ökwödönö tjöpöjöditjö̧ma, ja̧ tjöpöjödi̧ i̧sebö nijiso̧pja̧ kwömasapatjö kwupjusawaduwo, jelö labeböma, isabenö bemi jojodönö pjadatobö jö̧da̧lijayonö, sulabenö öpöjödadö jö̧ba̧lö—.

Lucas 10:10

Jejenö pjakataduwo pjakataduwobö ösödadönö chömöledö. Jo̧kwaijayonö, ju'wikwenama comunidad jojodö pjakataduwobö tjöpöjödena chömöledö, ja̧danö pjakataduwobö kwichaduwijayonö, tjöpöjödena. Jejenö tjöpöjöditjö̧ma, labebö, mana nöamatjö ja̧nö tjöba a'otjö yökawaduwo: