Lucas 1:80 - Dios Iwene

⁸⁰ Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Lucas 1:80 Referans Kwoze

Lucas 2:40

Ja̧danö tjemuma öda̧peachinobe, ja̧danö ujuluwachibinobe, ja̧danö waisakwawa öwaisachibinobe, ja̧danö Diosma jo̧banö ösödö otiwanö pjaatinobe.

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

Mateo 3:1

Jemi tupakwö baikwö baledinobe, Juan Ojwenö Bu̧dato̧ ötjabökwema jojodö deobe kwebachö yöawinobe:

Juan 1:31

Ajayinöma ötjöma chöwaisachibijökötö, Jo̧bada Dios weinökwe, jö̧ba̧löma. Chöwaisachibököjayonö ökwödö israel jojodönö yöbawö, ojwenö bu̧datiachijatö. Jejenö yöbawö bu̧datiachijatö ökwödönöma, jo̧ba ichena edinö kwöwaisachibaduwobö, Biteda, jö̧ba̧lö—yöawinobe Juanma.

Lucas 1:15

kwitji̧ma isabenö Dios öba a'otjö juluwo̧ ö̧jakobetjö̧. Ja̧danö, kwitji̧ma Dios wei̧da ja̧bö ö̧jakobetjö̧, la'akatjöda ubasobu o̧'dobubi, ju'wi nio ojwiyobi owöbi owökakwo̧. Ja̧danö ojo'do jukwa'wo okwa ina a̧jayi, Dios O̧'wo̧ Luwo̧ma jo̧bakwö ö̧jakobe.

Mateo 11:7

Jobadö Juan öba̧ja̧di̧ waisachadö Jesús ö̧jelö tjȩwa̧jonö, Jesúsma ju'wedö jobe ko̧ko̧kwajadö jojodönö yöawinobe Juannö, baikwö: —Chömöledö, belö jojodö deobe kwi̧'yinaduwobe, ¿jö̧tö? ¿Tajawedö edö kwi̧'yinaduwobeda? ¿Sule jobe pokwi̧ jawa edinö, jwa̧lȩ'epjo jwa̧lȩ'ewena isa'ye bȩachibobe kwedaduwotö jö̧ba̧lö jobe edö kwi̧'yinaduwiji̧?

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.

Hechos 18:28

Jojodö tjeda̧lonö Apolosma judío jojodö öpöjödö atjeba̧li̧ma atadijetö. Ja̧danö, Dios iwene jweinö labebö lobö yöbawijetö, Jesúsda Dios weinökwema, jö̧ba̧lö, jojodö tjö̧jibinö pjabato̧ma Jesúsda, jö̧ba̧lö. Jejenö judío jojodönö jweinö labebö lobö yöawiawö̧, Jesúsnö ösödadöma a̧ja̧kwö tjo̧'wo̧ ösöwachibanö ju̧kwijadötö.