Lucas 1:66 - Dios Iwene

⁶⁶ Okobe deinö ja̧ wene a̧ja̧kwadöma ja̧ baledina omukwatö yötja̧lakwawinobe, Jo̧banö tjimidena jejenö baledatjö̧ma, tjemuma ¿dakwö bo̧ ö̧jakwajö? Isabenö mikwawo̧ ö̧jakwo̧ena bite tjemuma, jö̧ba̧lö. Jejenö tjomukwatinobe, Duluwo̧ma isabenö jo̧banötjö iteda ujulu öwaetjöda i̧sebinobetjö̧.

Lucas 1:66 Referans Kwoze

Hechos 11:21

Ja̧danö, Duluwo̧ Jesús ujulunö yötjawiawö̧ judío jojodöböködöma a̧ja̧kwö ba̧jekwadö sulabenö tjomukwati̧ma kabatibö balewachö, Jesúsma dö̧jibinö pjabato̧, jö̧ba̧lö, Jesúsnö ösödijadötö.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.

Lucas 2:19

Maríabi jobadö yötjawi̧ ja̧ja̧kwinobe, ja̧danö a̧ja̧kwö, jomajadenö ja̧ jawa jomukwatinobe, ¿Dakwö badekwachobejö? jö̧ba̧lö.

Génesis 39:2

Ja̧danö, Isabenö Jo̧ Diosma Josénö pjabatö ö̧jobetjö̧ Joséma uluwo̧ Potifar ejunö ja̧nö okobe jwiinö otidi̧ma otiwijetö.

Lucas 9:44

—Babe okobe deinö ötjönö tjösödobedanö ichejekwijayonö, isabenö yötawaduwakwö, ja'yubenö lekwajabetjö ötjö jojo baibanö jeminökwenö iyö lotjakobe, ötjönö kwabö lotjobö. Ja̧ wene isabenö wene, ja̧danö kwo̧'wo̧ jwikibaduwoko jejenö yötawaja̧ma chömöledö— jö̧ba̧lö yöawinobe Jesúsma iteda öba̧ja̧di̧ waisachadönö.

Lucas 2:40

Ja̧danö tjemuma öda̧peachinobe, ja̧danö ujuluwachibinobe, ja̧danö waisakwawa öwaisachibinobe, ja̧danö Diosma jo̧banö ösödö otiwanö pjaatinobe.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

1 Reyes 18:46

Jo̧kwaijayonö, juluwanö ö'öakwawijayonö, ö'öakwawi̧tjö bajalekwönönö juluwanö ö'öakwawinobe Eliasma. Juluwanö mebökönö ö'öakwawakobetjö, Eliasma ö̧kamijido̧ di̧atinobe, ja̧danö di̧batajo̧, ö'öakwawinobe Eliasma Jezrelbe. Ja̧danö Isabenö Jo̧ ujuluwachibanö pjaatiökwe, Acab ichibakwa̧ abönö Jezrel comunidadbe ichibinobe Eliasma.

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 2:18

Samuelma, ina tjemu bo̧, Dios öba a'otjö otidö ö̧jinobe, tjö'da̧de pjabatadö 'dutjawi̧danö pjewö̧ka̧do̧ linotjö otikwa̧do̧ otiwa̧do 'dubawö.

Génesis 37:11

Ja̧danö, José öpöedöma jwiinö labijadötö Josénöma. Jo̧kwayijayonö abe'doma José i̧'wi̧dikwaja̧ yöawaja̧ma ba̧kwȩlö̧jatebö o̧'wo̧ junabijetö, ¿Tajijö? jö̧ba̧lö.

Colosenses 1:5

Jau chömöledö, isabenö wene otiwa jawa wenema kwa̧ja̧kwinaduwobe, ja̧ wene ösödadöma mölejȩbe otiwanö tjö̧jakwedö jö̧ba̧lö. Jo̧kwajabetjö̧, mölejȩbe dö̧jakwedösa jö̧ba̧lö Cristo Jesúsnö kwösödinaduwobe, ja̧danö kwömöledö Jesúsnö ösödadönö ösödabikwawö kwö̧jaduwobe.