Lucas 1:63 - Dios Iwene

⁶³ Abebö tja̧ja̧kwenama, abe'do Zacaríasma ömamunö i̧sebö aebinobe, wȩyukwöte ösöte tjichejebobö. Ikenama Zacaríasma tjichejebajötenö iwȩyudinobe, Chitji̧ imima Juan mikwo̧, jö̧ba̧lö. Jejenö iwȩyudiawö̧, ¿Tajijö? ¿Tajawedö Juan jö̧ba̧lö tjimidobejö? jö̧ba̧lö tjomukwatinobe.

Lucas 1:63 Referans Kwoze

Lucas 1:60

Jo̧kwaijayonö, ojo'doma atadö yöja̧linobe: —Chitji̧ma Zacarías jöba̧löma mikwö̧kö̧. Juan jö̧ba̧lö mikwo̧— jö̧ba̧lö.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Isaías 30:8

Diosma ötjönö weinobe, baikwö: —Ökwödönö yötawi̧ kwi̧wȩyudo, kwiyalu'yenö kwödo, Juda jojodö tjujuna̧lobö. Ja̧danö, jejenö kwiyiawö̧, baledakwa̧ jawa baledenama, i̧sȩkwa baibanö tjujuna̧lakwedö, ja̧danö tupakwöbi ba̧kwelöjateböbi tjujuna̧lakobetjö̧.

Proverbios 3:3

Ja̧danö, ju'wibi jwebebö yötawakwö: Chitji̧ ba̧kwȩlö̧jatebö jojodökwö otiwanö ösödö kwö̧jo, ba̧kwȩlö̧jatebö pjabatö. Ja̧danö, ba̧kwȩlö̧jatebö jojodönö ajayinö yöbawö kwujuninadanö badekwachinö i̧sebö kwö̧jo. Wanedö yötawakwö: La̧wo̧sopja jwiinö otiwopja kwölawobe otiwanö öwawi̧danö ökwö jojodökwö otiwanö kwö̧ji̧ma otiwanö öwawakobe. Chitji̧, jobekwö kwö̧ji̧ma ba̧kwȩlö̧jatebö omukwatö kwö̧jo. Wanedö yötawakwö: Ösöjanö wȩyudö lödawadanö kwomajadenö wȩyudö kwödawo kwo̧'wo̧ jwikibökakobetjö̧, jojodökwö otiwanö chö̧jobö jo̧be jö̧ba̧lö.

Mateo 8:10

Jejenö yöa̧liökwe, Jesúsma jo̧bakwö ichajadönö yöawinobe: —Ayö, bitema Israel jojobö̧kö̧jayonö isabenö otiwanö chujulu ösödo̧. Okobe jwiinö Israel niji ju̧kwadötjö bakwo̧bi bite chujulu ösödi̧danö ösödo̧nö chöbadekwajokobe. Bitema isabenö otiwanö omukwato̧.