Lucas 1:43 - Dios Iwene

⁴³ Jau María, inesö la'aka duluwo̧akwo̧ ojo'doja, ja̧danö isabenö ötjöma mikwawökujusa, Chuluwo̧ ojo'do ötjönö edö kwichoböma. Jejenö ötjönö mikwawökujunö edö kwichobetjö̧ chösöda, otiwa, jö̧ba̧lö.

Lucas 1:43 Referans Kwoze

Juan 20:28

Jejenö jö̧a̧liökwe: —Ökwöma ötjö chuluwo̧ja. Isabenö ötjö cho̧'wo̧ chöwana̧lökwe Diosja— jö̧a̧linobe Tomásma.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

1 Samuel 25:41

Yötjawoko, Abigailma jöba nijakwö bȩbachibö yöja̧linobe, —Otiwa, jo̧ba ömöayujusa. Ja̧danö ju'wibi jo̧ba ömöayedönö pjabatö tjömasapiya dichö lotakwujusa, —jö̧ba̧lö.

Filipenses 3:8

Jau chömöledö, ja̧ jawabi, okobe jwiinö ju'wi jawabi mikwawökö ji̧ jö̧ba̧lö, inesö mikwawi̧da chisakwobe chömöledö, jwaikwöda Chuluwo̧ Cristo Jesúsnö chöwaisobö chisakwobe babema chömöledö, ja̧da inesö mikwawi̧ jö̧ba̧lö. Wanedö yötawa: Sula'wo tjikwi̧danö ikwö lotinobedanö ichejekwa, mikwawökö ji̧ jö̧ba̧lö, Cristonöda chemo jö̧ba̧lö,

Juan 13:13

Yötawaduwakwö. Ökwödöma ötjönö ökabiduwobe, Ba̧ja̧dakwawa jojo, jö̧ba̧lö. Ja̧danö, Duluwo̧, jö̧ba̧lö, ökabiduwobe. Jejenö ökabiduwi̧ma otiwanö ökabiduwobe. Ötjöma ökwödönö ba̧ja̧dakwawa jojosa. Ja̧danö, ökwödö kwuluwo̧duwisa ötjöma. Jo̧kwaobetjö̧ otiwanö ökabiduwobe, Ba̧ja̧dakwawa jojo, jö̧ba̧lö— yöawinobe Jesúsma—.

Lucas 7:7

Jau chuluwo̧, ötjöma mikwawö̧kö̧chobetjö̧, ötjöda kwöba a'o ichibökönö, ju'wedönöda wetajabe ökwönö yötjawobö. Jo̧kwajabetjö̧ baikwö atebakwö, jelöda kwö̧jelötjöda chömöayo̧ otiwanö baibobö weköbobö, ja̧danö jejenö weköbitjö̧ma, otiwanö baibakwo̧ chömöayo̧ma.

Mateo 3:14

Jejenö aebökwe, Juan öpöjödinobe ajayinöma, ja̧danö baikwö abebö a̧ja̧kwinobe: —¿Tajawedö akebobeda ötjö mikwawö̧kö̧nö, ökwönö ojwenö chubu̧datoböma? Ötjöda ökwönö ojwenö bu̧datakwawa atebobö jo̧be— jö̧ba̧lö.

Mateo 12:46

Jesús jojodö ko̧ko̧kwajadönö yöawonö, Jesús ojo'dobi, ö̧ja̧wo̧döbi a̧petube tjö̧jinobe, ja̧danö jo̧banö yötja̧lakwawobö tjösödinobe.

Lucas 1:42

ja̧danö Dios O̧'wo̧ Luwo̧ jo̧'wo̧ luwo̧nö yöawioko, Elisabetma labinö yöja̧linobe Maríanö: —Isabenö ju'wedö ya̧dötjö bajalekwönönö Dios otiwanö pjaatokoja, María, ja̧danö isabenö Dios pjaatökwenö kwemakwo̧ kwitji̧nöma.

Lucas 1:44

Jau María, ichibö ¿dokwa? jö̧ba̧lö akebobe cha̧ja̧kwenama, chukwa'wo okwatjö chitji̧ma o̧'wo̧ ösöwachibanö yu̧ku̧ibatö.