Lucas 1:4 - Dios Iwene

⁴ Jau Teófilo, belö otiwanö ökwönö yötjawinobe biya̧ ökwönö chiwȩyudi̧ma, ja̧danö babema böja wȩyudö wetakwö, böja waisachö otiwanö yötjawina kwöwaisobö.

Lucas 1:4 Referans Kwoze

Juan 20:31

Biya̧ chiwȩyudi̧ma ökwödönö pjabatö chiwȩyuda, kwöwaisaduwobö, Jesúsma Dios weinökwe jojodö tjö̧jibinö pjabatö, jö̧ba̧lö. Ja̧danö, Jesúsma Dios Itji̧, jö̧ba̧lö, kwöwaisachibaduwobö chiwȩyuda bi'yema. Jejenö waisinö, Jesúsma jojodö dö̧jibinö pjabato̧, jö̧ba̧lö, jo̧banö kwösödaduwobö chiwȩyuda bi'yema. Ja̧danö, Jesúsnö ösödö do̧batö kwemaduwobetjö̧, ba̧kwȩlö̧jatebö ja̧kwawa kwujuna̧laduwobö chiwȩyuda biya̧ jawama.

Hechos 18:25

Apolosma ajayima, Duluwo̧ jawa waisachiabijetö. Ja̧danö, o̧'wo̧ ösöwanö, jweinö yöbawiabijetö Jesús jawama. Jo̧kwaijayonö Juan Ojwenö Bu̧dato̧ yöbawiainada waisijetö, Jesús iminö ojwenö bu̧datakwawa öba̧ja̧di̧maökö.

Gálatas 6:6

Ja̧danö, bakwo̧ ökwödönö Dios iwene ba̧ja̧dö pjabato̧nöma, ökwödö otiwa jawa kwujuna̧laduwi̧tjö jo̧ba ökwödönö ba̧ja̧do̧nö pjakataduwo, usula emawö jwibö ö̧japji jö̧ba̧lö.

1 Corintios 14:19

Jo̧kwaijayonö, Jesúsnö ösödadökwö ko̧ko̧kwö ba̧nöma, ju'wedö tjiwenenö yöta̧lökö chömöledö. Jau chömöledö, diez mil jenanö jawa wajwitji̧ tjiwenenö yöta̧lijayonö, a̧ja̧kwadönö pjatatökena, tja̧ja̧kwokobetjö̧, ¿jö̧tö? Jo̧kwaijayonö bakwamu jawada tja̧ja̧kwi̧ tjiwenenö pjaati̧ jawa yötawitjö̧ma, jobadönö da̧pedö pjatatena, ¿jö̧tö? Jo̧kwajabetjö̧, ja̧tjö o̧penönö chösödi̧ma ja̧da chömöledö, tja̧ja̧kwi̧ tjiweneda yötawobö.

Romanos 2:18

Dios weina kwujuna̧laduwobetjö̧, Dios ösödi̧ma kwöwaisaduwena, ja̧danö okobe jwiinö biya̧ma otiwa, biya̧ma sula, jö̧ba̧lö kwöwaisaduwena.

Proverbios 22:21

Ja̧ yötawi̧ma ökwödönö öbibö pjaatakobe, isabenö mikwawinö ja̧kwawama kwöwaisachibaduwobö. Jobekwö mikwawinö ja̧kwawa jawa kwöwaisaduwobetjö̧ jweinö kwatadaduwakwedöja̧ ökwödönö kwöwaisachaduwobö webinadönöma.