Lucas 1:25 - Dios Iwene

²⁵ Ja̧danö, metu'wo jö̧jobetjö̧, Elisabetma jo̧'wo̧ ösöwanö yöja̧linobe: —Ajayinöma chi̧tji̧mu debuju chö̧jobetjö̧, jojodö tjöba a'otjö tabakwö chö̧jijatö. Jo̧kwaijayonö Diosma isabenö otiwanö pjaatajabe ötjönö. Babema taba jwiinö chö̧jakwujusa, Diosma chitji̧nö chemobö otiwanö iyajabetjö̧— jö̧ba̧lö yöja̧linobe Elisabetma.

Lucas 1:25 Referans Kwoze

Isaías 4:1

Ja̧ möle, o̧bukwedöda tjö̧jakwedö, ömadöma, jo̧kwajabetjö̧ ya̧dö jelemutjö du̧ju̧taja bakwo̧nö do̧batö atjebakwedö: —Ökwödönö kwemobö adebakwö, kwilekwamu badibanö. Ökwödönö kwiteada̧lobö adebökö, ökwödöda du̧kwa kwakwawa dukwakwedösa, ja̧danö ökwödöda dökamisi 'dudawakwedösa. Dilekwe debadö dö̧jobetjö̧, taba lö̧jawö̧sa, jo̧kwajabetjö̧ adebakwö, ökwödönö kwemobö, kwimi yöba̧lö, –Ite ilekwamusa, –jö̧ba̧lö taba jwiinö yöda̧lakobetjö̧. Jobekwö taba dö̧ji̧ söbebö lobö, ökwödönö kwemobö adebakwö, —jö̧ba̧lö atjebakwedö, Juda jojodötjö ömadöma deakobetjö̧.

Hebreos 11:11

Ja̧danö Abrahamma pöe, ilekwo Sara tjemu debujubi jö̧jijayonö Diosnö o̧'wo̧ wana̧lö ö̧jiökwe Abrahamnö pjaatinobe Diosma, itji̧nö 'yaebobö. Isabenö Abrahamma, Dios jö̧a̧li̧danö badekwachakobe, jö̧ba̧lö, ösödiökwe Diosma pjaatinobe jo̧banö, itji̧nö 'yaebobö.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

1 Samuel 1:6

Ja̧danö, jejenö baledioko, Ana jöpöjojosuju Peninama sulabenö jo̧'wo sulinö ojinobe Ananö, chi̧tji̧munö 'yatebobö weijayonö, ökwö 'yakebobö webö̧kö̧ Isabenö Jo̧ma jö̧ba̧lö.

Génesis 25:21

Ja̧danö, Rebecama tjemu dejiökwe Isaac abebijetö Isabenö Jo̧ Diosnö, Rebecanö pjaatobö. Ja̧danö, Isabenö Jo̧ Diosma, Isaac aebi̧ma a̧ja̧kwobetjö̧ Rebeca metu'wo ji̧jotö.

Jueces 11:37

Jo̧kwaijayonö ja'yubenö kwiteada̧lobö atebakwö chabe'do, yöbawö kwujuninadanö ja̧köbakwa̧ abönöma. Jawo̧dö du̧ju̧tajanö kwiteada̧lobö atebakwö, chömöledö ya̧dö möayedökwö chubudekwonö. Jau chabe'do, la'akatjöda chilekwenö emökuju batibajabe, jo̧kwajabetjö̧ ja̧ jawa budekwö, chömöledökwö mösa'iju jȩmi kwebachö chubudekwabobö jö̧ta̧la, —jö̧ba̧lö jatadinobe Jefte itjijuma.

Isaías 25:8

Ö'wö baibakwawabi söbebö loakobe duluwo̧ Isabenö Jo̧ma, ja̧ möle tupakwö, la'akatjöda ö'wö batjibökakobetjö̧. Ja̧danö o̧'wo tjo̧achö tjubudesobuma, okobe deinö tjöbajaletjö 'do̧bebö loakobe. Ja̧danö, ökwödö israel jojodö, iteda ömöledö tabakwö dö̧ji̧bi söbebö loakobe, jemi tupakwö la'akatjöda tabakwö dö̧jökakobetjö̧. Jobekwö yöawajabe Isabenö Jo̧ma, ja̧danö isabenö yöawaja̧danö badekwachinö baledakobe.

Lucas 1:24

Ja̧danö, ja'yubeda lekwajabetjö, ilekwo Elisabetma metu'wo jö̧jinobe, ja̧danö metu'wo ja̧nö, ja̧wo̧dö bakwamuluwa jejutjö labebökönö jö̧jinobe, jojodö metu'wo jö̧ji̧ tjedapji jö̧ba̧lö.

2 Samuel 6:23

Ja̧danö, Saul itjiju Mical mikwujuma, ji̧tji̧mu debuju jö̧jinobe, ö'wö bajibenanö baibanö.