Lucas 1:13 - Dios Iwene

¹³ Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.

Lucas 1:13 Referans Kwoze

Hechos 10:31

Jo̧bama öwawachö jö̧a̧lijatö, baikwö: Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.

Génesis 25:21

Ja̧danö, Rebecama tjemu dejiökwe Isaac abebijetö Isabenö Jo̧ Diosnö, Rebecanö pjaatobö. Ja̧danö, Isabenö Jo̧ Diosma, Isaac aebi̧ma a̧ja̧kwobetjö̧ Rebeca metu'wo ji̧jotö.

Lucas 2:21

Jemi ikenama, jelemutjö wa̧pötakwa möle baledibajenama, tjemu ötade bajalesado̧ wibebö lotjobö baibinobe, Israel jojodö wibebö lobiatji̧danö. Ja̧danö, ötade bajalesado̧ wibebö lotjenama, Jesús jö̧ba̧lö imi tjimidinobe, ángel ajayinö weinadanö. Ina metu'wo jwijayi ángelma Maríanö weinobe, Jesús jö̧ba̧lö kwimidonö, jö̧ba̧lö, ja̧danö weinadanö Jesús jö̧ba̧lö imi tjimidinobe.

Génesis 18:14

Abraham, ötjö, Isabenö Jo̧ Diosma ¿baledobö weti̧ waiyi̧ma jo̧beji̧'? Jo̧okobe. Jweinö yöta̧la Abraham, kwilekwo Sarama kwitji̧nö jemakobe. Babedajayena ju'wi o̧ba ichenama yemidanö chichocha. Chichenama Sara jitji̧nö jujuna̧lakobe— jö̧ba̧lijetö Isabenö Jo̧ Diosma Abrahamnöma.

Mateo 14:27

Jo̧kwaijayonö Jesúsma juluwanö yöawinobe: —Juluwachibaduwi. Ötjöma Jesússa. Yebabökönaduwi— jö̧ba̧lö yöawinobe.

Génesis 17:19

Jejenö aebijayonö Diosma atadijetö Abrahamnöma: —Jo̧batjömaökö. Kwilekwo Sarama ökwö kwitji̧nö 'yajebakobe. Jo̧banöma Isaac, jö̧ba̧lö kwimido. Jo̧banöda yöbawö chujuni̧ chiwenema badekwachinö pjatatakwo̧sa. Ja̧danö jo̧batjö tupadanö jojodönöbi yöbawö chujunobetjö̧, ja̧ yöbawö chujuni̧ chiwenema ba̧kwȩlö̧jatebö ja̧kobe— jö̧ba̧lijetö Diosma.

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Daniel 10:12

Jejenö tjöbawö chö̧jiökwe, yöawinobe baikwö: —Daniel, yekabi, Diosma isabenö akebi̧ a̧ja̧kwobetjö̧. Jau Daniel, ökwöma Dios öba a'otjö, mikwawö̧kö̧sa̧ jö̧ba̧lö, kwedina jawa kwöwaisachibobö akebinobe Diosnö, ja̧danö ja̧ möletjö baikwö bajalenö, akebi̧ a̧ja̧kwo̧ Diosma, ja̧danö jejenö akebiökwe ökwönö yötawobö weajabe Diosma.

Jueces 6:23

Jo̧kwaijayonö Isabenö Jo̧ma Gedeonnö yöawinobe, —Wene jwiköba, yebabökönui, ötjönö kwedajayonö, woköbökakwo̧ja, —jö̧ba̧lö.

Génesis 17:10

Baikwö kwa̧ja̧kwaduwobö weta: Ökwö, ja̧danö ökwö kwömöledö babe ju̧kwadönöbi, ja̧danö ökwötjö tupadanö jojodödönöbi okobe deinö ömadönöma tjötade bajale sado̧ 'wibekwö loköbaduwobö weta.

Lucas 1:30

Jemi ikenama tupakwö yöawinobe ángelma jobujunö baledakwa̧: —Yebabökönuwi, María. ¡Diosma isabenö lȩlö̧jinö edakwö ökwönöma!

Isaías 8:3

Jemi ikenama, chilekwo Dios yöawi̧ yöbawujukwö chö̧jijatö, ja̧danö metu'wo bajibinobe. Jemi ikenama, jitji̧nö jemenama, Isabenö Jo̧ma ötjönö weinobe, —Kwitji̧ jemajökwenö, Maher Salal Jasbaz jö̧ba̧lö kwimidonö, –Juluwajadö, juluwanö tjujuluwajawö̧ tjitea 'döbebö emawa, –jö̧ba̧lö.

Marcos 16:6

Yetjaibiökwe Dios weajökwe ángelma jö̧ba̧lijetö: —Yekabiduwa— jö̧ba̧lijetö—. Chöwaisa kwichaja̧duwama. Ökwödöma Jesús Nazaretso̧nö, towisa'onö bȩbö tjujuninökwenö edö kwichajaduwobe. Yötawaduwakwö: Jo̧bama benama deobe. Yemidanö tjeachajabe. Yemi edaduwi, jo̧banö ödinemi. Deobe. Yemidanö tjeachajabe— jö̧ba̧lijetö—.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Lucas 1:14

Jejenö baibobetjö̧ jwiinö kwo̧'wo̧ ösöwachibanö kwö̧jakwo̧ja, ja̧danö kwilekwo jitji̧nö jemiawö̧, ba̧jekwadö jojodöma tjo̧'wo̧ ösöwanö tjösödakobe,