Lucas 1:12 - Dios Iwene

¹² Jejenö öwawachiökwe, Zacaríasma yelösöda tjö̧awinobe yebabinö.

Lucas 1:12 Referans Kwoze

Jueces 6:22

Jejenö balediökwe, Gedeonma öwaisachibinobe, —Angeldanö ichejekwo̧ Isabenö Jo̧nöda chedajabeta, —jö̧ba̧lö, ja̧danö öwaisachibajo̧, yöa̧linobe, —Isabenö Jo̧ Dios, ötjöwe, angeldanö ichejekwo̧ Isabenö Jo̧nöda chedajobetjö̧, ötjöwe, debö chi̧'yena, —jö̧ba̧lö.

Jueces 13:22

Ja̧danö waisachibajo̧, Manoama ilekwonö yöa̧linobe, —¡Ayö, ökwödöwe! Isabenö ö'wö badibakwedösa, Diosnöda dedajobetjö̧, —jö̧ba̧lö.

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.

Hechos 10:4

Ja̧danö, Cornelioma jo̧banö edö jwiinö yebaibijetö. Atadijetö: —¿Tajida Chuluwo̧?— jejenö atadökwe ángelma jö̧ba̧lijetö: —Cornelio, Diosma ökwö akebi̧ma a̧ja̧kwö omukwato̧, ja̧danö usula jojodönö pjakati̧bi edö omukwato̧.

Lucas 1:29

Jejenö yöa̧lioko, ¿Tajijö? ¿Dakwö jö̧ba̧lö jejenö ötjönö yöa̧lobejö? jö̧ba̧lö jo̧'wo̧ tjo̧bekwö jomukwatinobe Maríama.

Marcos 16:5

Jo̧kwaobetjö̧ i̧lȩdo̧ okwa tebachijadötö. Tebachibö tjöwaisobekwöchobe tjedemi möayo̧ma, kamijido̧ dewado̧ 'dubawo̧ bi̧jetö. Jo̧banö edö jwiinö yebaibijadötö.

Daniel 10:7

Ötjö Danielda jo̧banö chedijatö, ju'wedö ötjökwö ji̧nadöma ö'wiakwaö dötjibajinobetjö̧. Jobadöma chedökwenö tjedököjayonö, bakwo̧ ökwödökwö ö̧jobe jö̧ba̧lö tjöwaisinobe, ja̧danö yebabinö tjö̧bawö, ö'wiakwaö dötjibajinobe.