Jueces 8:21 - Dios Iwene

²¹ Ikenama Zebabi, Zalmunabi Gedeonnö yötja̧linobe, —Möayo̧nö weköboko ökwödönö kwabö looböma, ökwödönö kwabö loawama, möayo̧ jawamaökö, damö jawada. Ökwöda ökwödönö kwabö loköbo, —jö̧ba̧lö. Yötja̧lökwe, Gedeonma a̧la̧ibö, jobadönö kwabö loinobe, ja̧danö tjitjeaja̧, tja̧jwi̧mu camello̧dö tjulume'anö tjönawi̧ jawa orotjö otikwa jawama, Gedeonma do̧batö eminobe.

Jueces 8:21 Referans Kwoze

Isaías 3:18

Jau chömöledö, ja̧ möle okobe jwiinö jobadö ya̧dö tjotikwi̧ jawa 'döebakobe Diosma, tjökesayu nönawa jawabi, tjöba nönawa jawabi, tjulume'anö nönawa jawabi,

Jueces 8:26

Jemi ikenama tjiyaja̧ oro tjöninobe, dokwa nöinö ömökojobö jö̧ba̧lö, ja̧danö Gedeon aebaja̧danö tjiyaja̧ oroma, diecinueve kilo jenanö ömökinobe. Ja̧danö ju'wibi nöinö oro tjeminobe ja̧ möle, madianitas jojodötjö luwedö tjöni̧ jawabi, tja̧jwi̧mu kameyudönö tjulume'anö tjö̧ni̧ jawabi, ja̧danö juwibi inesö nöinö mikwawi̧ luwedö 'dutjawi̧ ka̧miji̧do̧bi tjeminobe.

Apocalipsis 9:6

Ja̧ mölema, bakwo̧ loibajökwema, ¡Akö, akö, ö'wö batibowe! jö̧ba̧lö, ubudekwabijayonö ö'wö baibökakwo̧. Inia tjöbö kabatibökönö ö̧jakwo̧.

1 Samuel 31:5

Ja̧danö, jejenö ja̧iökwe, —Chuluwo̧ Saulma ö'wö baibajabe, —jö̧ba̧lö, Saul ömöayo̧bi itea kwölöte'onö tibatakwawö loinobe, uluwo̧ tibatakwawö loaja̧danö.

1 Samuel 31:3

Ja̧danö Saul ö̧jobekwö yö̧ne ichibö labinö ölakwabikwawö tjö̧jinobe, ja̧danö 'böawa jojodöma Saulnö 'bötjinobe, ö'wöchenanö inia tjöinö.

Jueces 9:54

Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.

Jueces 8:20

Ja̧danö, yöbalajö̧, Gedeonma iteda itji̧ abönö pöe Jeter mikwo̧nö weinobe, —Jobadönö kwabö lobi, —jö̧ba̧lö. Jo̧kwaijayonö, weijayonö, Jeterma yeabinobe, ina möayo̧ ö̧jobetjö̧, ja̧danö kwölöte'o do̧a̧linokobe, jobadönö kwabö looböma.

Jueces 8:22

Jemi ikenama, israel jojodöma Gedeonnö atjebinobe, —Ökwöda inesö la'aka duluwo̧ kwö̧jobö dösöda, ja̧danö woköbaja̧ ikena kwitji̧da duluwo̧ ö̧jo̧bö, ja̧danö jo̧ba ikena kwö̧'nö duluwo̧ ö̧jobö. Jau Gedeon, ökwöma madianitas jojodötjö dö̧jibinö pjakatajobetjö̧, duluwo̧ kwö̧jobö dösöda, —jö̧ba̧lö atjebinobe.

Josué 10:26

Ikenama, jejenö yöba̧lajo̧, Josuema jobadö bakwamubedö la'aka luwedönö kwabö loinobe kwölöte'onö, ja̧danö jemi ikenama tjiteba'iju bakwamu jawa towibiyanö mö öninobe. Ja̧danö, jejenö önajawö̧, tjiteba'iju jobe tjö̧linobe, yi̧bena baibenanö kabatö.

Jueces 15:12

Yöa̧lawö̧, yötja̧linobe, —Ökwödöma ökwönö do̧batö, dunu'yobö dichajabe, do̧batajadö filisteo jojodönö diyobö, jobadöma ökwödönö kwabö lotjapji jö̧ba̧lö. —Yötja̧lökwe, —Ökwödöma kwabö lobökönö, sule nu'yöda kwunu'yaduwitjö̧ma, kwunu'yaduwobö wetawocha. Jo̧kwajabetjö̧ yöbawö junaduwitjö, –Isabenö kwabö lobökönö, sule nu'yöda dunu'yakwedösa, –jö̧ba̧lö. Jejenö yöbawö kwujunaduwitjö̧ma, kwunu'yaduwobö wetocha, —jö̧ba̧lö.