Jueces 7:7 - Dios Iwene

⁷ Ikenama, Isabenö Jo̧ma Gedeonnö yöawinobe, —Bidö trecientosbedö tjömamunö owajadöda tjölakwabikwawonö, madianitas jojodötjö kwö̧jibaduwinö pjatatocha. Okobe deinö ju'wedönö tjȩwa̧jobö webidönö, —jö̧ba̧lö.

Jueces 7:7 Referans Kwoze

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.

Jueces 7:6

Ja̧danö, sule trecientosbedöda tjömamunö ojwiyo tjowinobe, okobe deinö ju'wedöma, tju̧yu̧kijunö ba̧nö, bȩbachibö tjowinobe.

Jueces 7:8

Jo̧kwajabetjö̧, jejenö weobetjö̧, trecientosbedöma öla̧kwabikwawadö tjichejebaja̧ kwakwawa jawabi, trompetabi e'ewö, Gedeonkwö tji̧'yinobe, ja̧danö okobe deinö ju'wedönö tjȩwa̧jobö weinobe Gedeonma. Ja̧danö, Gedeonbi, jo̧bakwö ju̧kwadö trecientosbedöbi mösa'onö tjö̧jinobe, ja̧danö mösa'o la'aka wabekonö madianitas jojodö tjö̧jinobe.

1 Samuel 23:4

Tjatadökwe, Davidma yemidanö Isabenö Jo̧nö abebö a̧ja̧kwinobe, —Isabenö jobe di̧'yobö jo̧beji̧? —jö̧ba̧lö. Aebökwe, Isabenö Jo̧ma atadinobe, —Jau, a̧la̧ibö, Keila comunidadbe 'ya̧duwi, isabenö filisteo jojodönö kwujuluwaduwobö pjatatakobetjö̧, —jö̧ba̧lö.