Jueces 5:30 - Dios Iwene

³⁰ —Lekwe ȩwa̧jökönö tjö̧ji̧ma, tjöpöjojodö tjiteaja̧ma tjemobetjö̧ lekwamachibobe, tjitea tjemaja̧ 'da̧batö tjujunobetjö̧ lekwe ichöködö. Tjujuluwajawö̧ ya̧dötjö bakwo̧kwena ömöayuju bakwujuena, du̧ju̧tajaena tjemobetjö̧, lekwemachibena. Ja̧danö Sisarama kamiji̧do̧ otiwa̧do̧, inesö otiwanö otikwa̧do̧ dödo̧lataja 'dutawakwa̧do ichejebobö emobetjö̧, lekwe ichökö, —jö̧ba̧lö jomukwatinobe Sisara ojo'doma, jitji̧ lekwe ichiokoko.

Jueces 5:30 Referans Kwoze

Éxodo 15:9

Kwöpöjojodöma yötja̧lakwawinobe, Israel jojodönö lubö döbadekwajo, jö̧ba̧lö. Jobe ichibö tjiteatjö okobe jwiinö dösödi̧da emibö diyabikwobe, jö̧ba̧lö yötja̧lakwawinobe. Ja̧danö, yötja̧lakwawinobe, ikenama dökwölöte'iju töbekwö bulabinö lododönö, jö̧ba̧lö. yötja̧lakwawinobe. Jejenö omukwatö junö yötja̧lakwawinobe kwöpöjojodöma ökwödönöma.

2 Samuel 13:18

—Weökwe, ömöayo̧ma Tamarnö laebinobe, ja̧danö apjude ipje'datinobe. Tamarma kamijido̧ ödöado̧ 'dujawinobe, öja ödöado̧ma, ju'wedö la'aka luwo̧ i̧tji̧mu ya̧dö ina i̧so̧kwö jö̧kö̧dö 'dubawiatji̧danö.

Génesis 37:3

Ja̧danö, Jacob, ju'wi imi Israel mikwo̧ma jwiinö ile nibebijetö itji̧ Josénöma, ida̧ökö pöe 'yaebinökweobetjö̧. Ju'wedö i̧tji̧mutjö o̧penönö ile nibebijetö Josénöma. Ja̧danö, Israelma 'dö̧bijetö kamisi wamesado̧ jwiinö otiwado̧, ödöado̧, öja ödöado̧ jwiinö ile niebökwe itji̧ Josénö iyobö.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.

Jueces 5:29

Jömöayedö waisadöbi, isujudabi atada̧lakwawö tjomukwatinobe baikwö,

Proverbios 16:19

Ja̧danö, ju'wibi yötawa, wanedö: Jojodötjö ju'wedöma idödada baikwönönöbedösa, jö̧ba̧lö omukwatadö. Jobadöma balada, tjitea nöinöma jwibadö. Ja̧danö jojodötjö ju'wedöma nöinö juna̧ladö, sulabenö ja̧tjinatjö tjȩmina jawa. Jobadöma idödada waisadösa, jö̧ba̧lö omukwatadö. Ja̧danö, jobadötjö ¿didökwö otiwanö kwö̧jaduwenada? Isabenö yötawa: Jobadö nöinö juna̧ladöma, ökwödönö atjebena, ökwödökwö kwö̧jaduwo, dujuna̧li̧tjö̧ diyabi, jö̧ba̧lö. Jobekwö jö̧tja̧lijayonö jobadökwö kwö̧jaduwoböma jwiyobe, sulabenö omukwatadötjobetjö̧. Jwibadökwö, baikwönönöbedösa, jö̧ba̧lö omukwatadökwö kwö̧jaduwoböma otiwobe.

Éxodo 27:16

Ja̧danö cheju apetu tjöekwemi apjude okwi'iju ö'wejemu jawa okwi'iju tjujuno, bakwa'okwena la'aka pjaeba̧li̧ o'iju broncetjö otikwa o'ijunö 'di'yö, ö'wejemu jawa o'ijuma. Jemi teachakwawemi ti̧lawa'wo, möakwö nueve metros o'woma ötebiyanö tjö̧no. Ja̧'woma jwiinö otiwa'wo, lino mikwi̧tjö ti̧lawa opjiya, ö̧'dö̧wi̧, ö̧'dö̧yuwi̧, duwi̧ luledö dölawa opjiyatjö ti̧lawa'wo. Ja̧danö, bakwo̧ 'dö̧awa waiso̧ma ju'wi jawabi ju'wi jawabi otiwanö 'dö̧o ja̧'wonö.

Isaías 9:2

Jobadö yȩa'wo okwa kwebachinadöma inesö dewi̧ tjedajabe, ja̧danö Diosnö tjöpöjödinobetjö̧ jobe bakwaida yȩa'woda ji̧najayonö, jobadönö dewinö idejatajabe.