Jueces 5:3 - Dios Iwene

³ Ökwödö inesö la'aka luwedö a̧ja̧kwaduwi, ja̧danö ökwödö ju'wedö la'aka luwedöbi omukwatö kwa̧ja̧kwaduwo, Isabenö Jo̧nö ösödö lo̧tonö. Jau, ökwödö israel jojodö dösödökwe Isabenö Jo̧ Diosnö ösödö lo̧tonö, a̧ja̧kwö kwomukwataduwo.

Jueces 5:3 Referans Kwoze

1 Reyes 19:14

Abebö a̧ja̧kwökwe, —Ötjöma jwaikwöda Isabenö Jo̧, okobe jwiinö juluwo̧ Diosnö ösödö ja̧nö, wei̧ a̧ja̧kwö jo̧sa. Jau chuluwo̧, ju'wedö chömöledö israel jojodö weköbi̧ a̧ja̧kwökönö katjatibijayonö, ja̧danö ökwönö iyawemi pjolo lotjijayonö, ja̧danö ökwö yökawi̧ yöbawadönö kwölöte'onö dȩdȩbö lotjijayonö, jwaikwöda ökwö weköbi̧ a̧ja̧kwö jo̧sa. Okobe deinö ökwö yökawi̧ yöbawadötjö, ji̧bo̧ma ötjödasa, ja̧danö babema ötjönöbi kwabö lotjobö isakwadö israel jojodöma, —jö̧ba̧lö atadinobe Eliasma.

1 Reyes 19:10

Abebö a̧ja̧kwökwe, —Ötjöma jwaikwöda Isabenö Jo̧, okobe jwiinö juluwo̧ Diosnö ösödö ja̧nö, wei̧ a̧ja̧kwö jo̧sa. Jau chuluwo̧, ju'wedö chömöledö israel jojodö weköbi̧ a̧ja̧kwökönö katjatibijayonö, ja̧danö ökwönö iyawemi pjolo lotjijayonö, ja̧danö ökwö yökawi̧ yöbawadönö kwölöte'onö dȩdȩbö lotjijayonö, jwaikwöda ökwö weköbi̧ a̧ja̧kwö jo̧sa. Okobe deinö ökwö yökawi̧ yöbawadötjö, ji̧bo̧ma ötjödasa, ja̧danö babema ötjönöbi kwabö lotjobö isakwadö israel jojodöma, —jö̧ba̧lö atadinobe Eliasma.

1 Reyes 18:22

Jemi ikenama, Eliasma jojodönö yöa̧linobe, —Chömöledö, Isabenö Jo̧ yöawi̧ yöbawadötjö, ötjöda chö̧jibajabe, ötjödasa ina Isabenö Jo̧ yöawi̧ yöbawo̧ jo̧dawo̧ma. Jo̧kwaijayonö, Baal yöawi̧ yöbawadöma, cuatrociento cincuentabedö tjö̧jobe.

Jueces 5:7

Jwiinö labobetjö̧, jojodöma pjei̧ comunidadnö tjö̧jinokobe, Deborama tjuluwuju bajibenanö kabatö, tjojo'dodanö ja̧nö, tjuluwuju babibö, jobadönö pjajatenanö kabatö.

Deuteronomio 32:3

Jau, otiwanö ösödö yöta̧locha Isabenö Jo̧nö, duluwo̧ Dios inesö ujulu yötawocha, jo̧kwajabetjö̧ lo̧bö yöta̧li̧ma ojwiyo o̧bawa paati̧danö, kwö̧da̧peachaduwinö pjaatobö jo̧be.

Deuteronomio 32:1

Baikwö laebobe Moises israel jojodönö lo̧awa yöawina: Mölejenö ju̧kwadöma tja̧ja̧kwobö jo̧be, yötawakwa̧ tja̧ja̧kwobö, ja̧danö bö̧jenö ju̧kwadöbi yötawakwa̧ tja̧ja̧kwobö jo̧be.

Éxodo 31:6

Ja̧danö, jelo̧nöbi omudawö chujunijatö Bezaleelkwö pjabatö otidobö, Aholiabnö, Ahisamac itji̧, Dansasotjö jojonöma. Ja̧danö, jo̧banö, ju'wedö ömadönöbi okobe jwiinö ökwönö wetina otiwanö tjotidobö tjöwaisakobetjö̧ pjabato̧sa.

Génesis 9:9

—¡A̧ja̧kwaduwitjö! Babema ötjö chiwene ökwödönö yöbawö chujuna. Ja̧danö, ökwödönöbi, ökwödötjö tupadanö jojodönöbi biya̧ pjatatakwa̧ chiwenema yöbawö chujuna.

Génesis 6:17

Ja̧danö, jö̧ba̧lijetö Diosma: —Noé, a̧ja̧kwi. Ötjöma jwai balawa okwatibanö wetakwo̧sa böjȩ bakwemeachibanö. Jejenö okobe deinö tjo̧'wo̧nö emadönöma söbebö lotakwo̧sa. Noé, okobe deinö böjȩnö ju̧kwadöma o̧bibö debö tji̧'yakobe— jö̧ba̧lijetö—.