Jueces 5:10 - Dios Iwene

¹⁰ Okobe deinö ja̧ baledaja̧ wene yöbawö lo̧köbaduwo, ökwödö nöinö juna̧ladö sabana'wo otiwa'wo wa̧nibö, dewadö bu̧lu̧dö tjoma'anö kwebachadöbi, jo̧kwadabedö tjömasapiyanö kwebachadöbi, okobe deinö ösödinö lo̧köbaduwo.

Jueces 5:10 Referans Kwoze

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,

Jueces 10:4

Jo̧ba Yairma itji̧mu ömadö treintabedönö ujuna̧linobe, ja̧danö jobadöma tjabe'donö pjatjatinobe, israel jojodö tjuluwedö ja̧nö. Jobadö treintabedö Yair itji̧muma, bakwo̧nökwena tjajwikwena bulo oma'anö kwetjachinobe, ja̧danö bakwo̧nökwena Galaad niji comunidadkwena la'aka luwedö tjö̧jinobe. Ja̧ treinta comunidadbiya wetjinemima, babe mölȩ baibanö Yair comunidadbiya jö̧ba̧lö ötjabobe, Yair itji̧mu jobe ja̧nö wetjinobetjö̧.

Isaías 28:6

Ju'wibi ja̧ möle Diosda lȩekwa luwedönö pjaatakwo̧, okwa jawa waisanö tjomukwatakobetjö̧, jadanö jobada israel jojodötjö ölakawabikwawadönö tjujuluwachibanö pjaatakwo̧, comunidad apjude a'ö ölakwabikwawö, tjitebo comunidad tjötjeba̧lakobetjö̧.