Jueces 3:24 - Dios Iwene

²⁴ Aod ȩwa̧jaja̧ okobe, Eglon ömöayedö tjuluwo̧ öjobekwö tjȩwa̧bijinobe mösȩko̧be, jo̧kwaijayonö tjöbadekwajinokobe tjuluwo̧nö juluwanöma. Apjude 'diiawö̧, ja̧danö tjide'o 'dö̧ekwiawö̧, —Aaa, duluwo̧ Eglonma okwasȩko̧tjö yo'oena, —jö̧ba̧lö tjiteada̧linobe.

Jueces 3:24 Referans Kwoze

1 Samuel 24:3

Ja̧danö, jobe kwebachö, obejadönö teada̧lakwawa tjöekwemi jȩmi öbaledinobe, inawa ötöla nööla jȩmi. Ja̧danö, jöla ötöla teachinobe Saulma, jobetjö yo'oobö, jo̧kwaijayonö wajwiinobe, Davidbi ömöayedöbi ötöla okwa ju̧kwawö ba̧jadö jö̧ba̧lö.

Jueces 3:20

ja̧danö eju mö tiyuwȩko̧nö ö̧bonö, Aodma jo̧ba ö̧jobekwö ichibinobe, tja̧ja̧kwokonö yötawakwö jö̧ba̧lö. Ö̧jobekwö ichibö, Aodma yöawinobe, —Chuluwo̧, Dios ökwönö yöawi̧ yötawakwö, —jö̧ba̧lö. Yöawökwe, Eglonma iteakatjö a̧la̧ibinobe, a̧ja̧kwobö.

Jueces 3:23

Ikenama, Eglonnö kwabö lobajo̧, Aodma ö̧jȩko̧tjö labebö, apjudebiya ipje'datinobe, ja̧danö ȩwa̧jinobe.

Jueces 3:25

Jo̧kwaijayonö lekwe tjiteada̧lonö, apjude po̧bebö laebiököwö̧, tjo̧'wo tjo̧tjekwinobe, wene baibajena jö̧ba̧lö. Jo̧kwajabetjö̧ bajaliyanö llavesapi̧ emö, apjude po̧tjebinobe, ja̧danö po̧bebajadö, tjuluwo̧nö tjöbadekwajinobe, nijinö ba̧nö ö'wö babibajo̧nö.