Jueces 20:8 - Dios Iwene

⁸ Jejenö yöa̧liawö̧, okobe deinö bakobe jamatö yötja̧linobe, —Isabenö Guibea jojodönö lȩdebobö jo̧be. Ökwödöma dejubiyabe dȩwa̧jökakwedösa, ökwödötjö bakwo̧bi ejube ȩwa̧jökakwo̧, jobadönö lȩdebenanö kabatö.

Jueces 20:8 Referans Kwoze

Jueces 20:1

Ja̧danö, okobe deinö israel jojodöma tjo̧ko̧kokwinobe, u'dakwö Dan comunidadtjö, a̧li̧kwö Berseba comunidad baibanö jojodöbi, Galaad niji jojodöbi, okobe deinö Mizpa comunidadnö Dios öba a'otjö bakobe tjo̧ko̧kokwinokobe.

Proverbios 21:3

Ja̧danö, ju'wibi yötawa: Isabenö Jo̧ma ökwödö dö̧joböma baikwö ösödo̧: Iteda wei̧ a̧ja̧kwö dö̧jobö ösödo̧. Ja̧danö, otiwanö ja̧bö dö̧jobö ösödo̧ Isabenö Jo̧ma. Isabenö, jojodö jo̧banö juwö tjiyi̧tjö̧ bajalekwönönö ösödo̧ Isabenö Jo̧ma iteda wei̧ a̧ja̧kwö, ja̧danö, otiwanö ja̧bö dö̧joböma. Ja̧ dö̧ji̧ma isabenö mikwawobe.

Jueces 21:5

Ajayinö wene baibinenama, israel jojodöma yöbawö tjujuninobe, —Okobe deinö israel jojodöma bakobe Isabenö Jo̧ öba a'o Mizpa comunidadbe dichibobö jo̧be, wene baibaja̧ otidö lodobö. Ja̧danö, jejenö isabenö do̧ko̧kokwobö jo̧betjö̧, jelesotjö, ja̧danö ju'wi comunidadtjö ichö tjo̧ko̧kokwobö tjöpöjöditjö̧ma, jobadö öpöjödadönö kwabö lodakwedösa, —jö̧ba̧lö.

Jueces 21:1

Ajayinö, Mizpatjö israel jojodö tjo̧ko̧ko̧kwinenama, ju'wedö israel jojodöma Dios öba a'otjö yöbawö tjujuninobe, —Benjaminsaso jojodö sulabenö ja̧tjobetjö̧, ökwödötjö bakwo̧bi wedökakwedösa, ditji̧mu ya̧dö Benjaminsaso jojodö tji̧lekwamu batjibanö, —jö̧ba̧lö.

Jueces 20:11

Jejenö jö̧ba̧lö, okobe deinö israel jojodöma bakobe omukwatö tjo̧ko̧kokwinobe, Guibea jojodönö lȩbebö tjölakwabikwawobö.

Jueces 20:7

Jo̧kwajabetjö̧, baledina wene waisachibajadö, ökwödö israel jojodöma omukwatö yöka̧lakwawaduwo, ja̧danö waisanö yöba̧lakwawajadö, otiwanö ja̧dakwa̧ yökawaduwo, —jö̧ba̧lö yöa̧linobe Levisaso jojoma.

Jueces 20:9

Isabenö Guibea jojodönö dölakwabikwawobö jo̧be, jo̧kwajabetjö̧ inawiya pjei̧ öwiya jabö dedakobe, ökwödötjö didö abönö Guibea jojodönö tjölakwabikwawobö Dios weojobö jö̧ba̧lö.