Jueces 20:18 - Dios Iwene

¹⁸ Ja̧danö, tjölakwabikwawakwa̧ abönö, ju'wedö israel jojodöma Betel comunidadbe tji̧'yinobe, Dios oba a'o ichibö, abebö tja̧ja̧kwobö. Ja̧danö, Diosnö abebö tja̧ja̧kwinobe, —Ökwödö israel jojodötjö, diso jojodö abönö Benjamin jojodökwö tjölakabikwawobö jo̧beda? Diso jojodö abönö tjölakwabikwawobö weköbobeda? —jö̧ba̧lö. Atjebökwe, Isabenö Jo̧ma atadinobe, —Judasaso jojodöda abönö ölakwabikwawö tji̧'yobö jo̧be, —jö̧ba̧lö.

Jueces 20:18 Referans Kwoze

Jueces 20:7

Jo̧kwajabetjö̧, baledina wene waisachibajadö, ökwödö israel jojodöma omukwatö yöka̧lakwawaduwo, ja̧danö waisanö yöba̧lakwawajadö, otiwanö ja̧dakwa̧ yökawaduwo, —jö̧ba̧lö yöa̧linobe Levisaso jojoma.

Jueces 19:18

Aebökwe, —Juda niji comunidad Belentjö dichajabe, ja̧danö Efrain niji mösa'iju jȩmi nijibe, comunidadtjö ödöobe di̧'yobe, ötjö chitebobe. Belen comunidadtjö chȩwa̧jabe, ja̧banö bemi jojodötjö bakwo̧bi ökwödönö a̧debokobe, eju tedachobö.

Jueces 18:31

Dios eju, jo̧banö tjösödobö weinejuma Silo comundidadnö ji̧nobe, otiwanö jobetjö jojodö tjösödobö. Jo̧kwaijayonö Dios eju Silo comunidadnö jȩmi baledibanö, Dansaso jojodöma Micaias otidinökwe o̧'wo jawa ösödö tjö̧jinobe, bitema dösödökwe dios jö̧ba̧lö.

Josué 18:1

Jemi ikenama, Canaan niji juluwajadö, okobe deinö israel jojodöma Silo comunidadtjö tjo̧ko̧ko̧kwinobe, ja̧danö jobetjö Dios eju tjujuninobe.

Josué 9:14

Tjatadawö̧, israel luwedötjö ju'wedöma tju̧kwatjö emö, Isabenö damö jawaobe, isabenö ödötjö tjichajabe, jö̧ba̧lö tjomukwatinobe. Jo̧kwaijayonö, Isabenö Jo̧nö abebö tja̧ja̧kwinokobe, isabenö atjebaja̧danö dösölö̧jinö tjö̧jakwa̧ wene yöbawö tjujunojobö, tjujunokojobö, jö̧ba̧lö.

Jueces 20:17

Ja̧danö, ju'wedö israel jojodötjö, cuatrocientos milbedö ölakwabikwawa jojodö tjö̧jinobe, kwölete'onö ölakwabikwawadöma.

Jueces 20:19

Yöawiawö̧, ikena möle yȩayi, israel jojodöma Guibea comunidad yöneawinö 'ya̧nö, tjabakwemi tjujuninobe.

1 Samuel 10:3

Ikenama, jobadönö edajo̧, tupakwö 'ya̧nö, towi nöowi Tabor comunidad ö'öbösowi jo̧be kwichibakobe, ja̧danö jobe ichibajo̧, wamedukwa ömadö ökwönö tjöbadekwakobe, Betelbe Diosnö tjösödobö 'ya̧döma. Jobadötjö bakwo̧ chivodönö wamedukwanö öbibo̧nö kwedakobe, ja̧danö jelo̧ pan öpji̧ya̧ wapöpja̧kwa e'ewo̧nö kwedakobe, jelo̧ ubasobu o̧'dobu̧sa'wo e'ewo̧nö kwedakobe.