Jueces 19:3 - Dios Iwene

³ Jemi ikenama, ö'wejemubedö jawo̧dö baledibaja̧ ikenama, jilekwe Levisaso jojoma Belenbe i̧'yinobe, ilekwonö dösölö̧jinö yöba̧lö, ejube tjejachajobö aebakobetjö̧. Ja̧danö, jobe i̧'yenama, ömöayo̧ bakwo̧nö öbibö, ja̧danö bu̧lu̧dö du̧ju̧tajanö öbibö, i̧'yinobe. Jejenö ichibioko, jabe'do ejunö tejatinobe jilekwenö, ja̧danö ichibiökwe, jabe'doma o̧'wo ösöwanö o̧jo̧li öjobekwö ichinobe, —Otiwanö kwichajabe, —jö̧ba̧lö.

Jueces 19:3 Referans Kwoze

Génesis 50:21

Jo̧kwaobetjö̧ yötawaduwakwö: Yekabiduwa. Isabenö, ötjöda ökwödönö, ja̧danö, kwömöledöduwinö chite'dada̧lakwo̧ma— yöbawijetö Joséma öpöedönöma. Ikenama ösödinö yöba̧lijetö jobadönöma tjo̧'wo̧ ösöwanö tjö̧jobö.

Génesis 34:3

Ikenama jo̧bama o̧'wo̧nö jwiinö ösödijetö jobujunö, Chemobö jö̧ta̧la chilekwo baibanö, jö̧ba̧lö. Jobujunö jwiinö ösödobetjö̧ döyötö yöba̧lijetö jobujunöma, jo̧banö jösödobö.

Gálatas 6:1

Chömöledö, wanedö yötawa: Ökwödötjö bakwo̧ sulabenö ja̧bö meitjö̧ma, ökwödö Dios O̧'wo̧ Luwo̧ yöawi̧ a̧ja̧kwadöma jo̧banö dösölö̧jinö pjabatö kwa̧lapedaduwonö. Ja̧danö, jejenö kwa̧lapedaduwenama, omukwatönö kwö̧jaduwo, jo̧ba sulabenö ja̧i̧danö ökwödöbi ja̧köbaduwobö kwösödaduwapji jö̧ba̧lö.

Juan 8:11

—Bakwo̧bi deobe, Chuluwo̧— jö̧ja̧liökwe: —Ökwönö lȩebakwawa ötjöbi yötawokobe. Kwejube daji. Yemidanö suli̧ ja̧köboko— weinobe Jesúsma jobujunöma.

Mateo 1:19

Jemakwo̧ José mikwo̧ma Dios wei̧ a̧ja̧kwö ö̧jinobe, ja̧danö metu'wo jö̧jiökwe emökönö Maríanö kaatibobö omukwatinobe. Jo̧kwaijayonö, kaatibobö omukwatinajayonö, Maríama sulabenö ja̧buju, katatibajö jö̧ba̧lö jojodö tjöba a'otjö yöawobö öpöjödinobe, jobujunö taba lö̧japji jö̧ba̧lö. Jo̧kwajabetjö̧ sulabenö ja̧jaja̧ yöbawökönö kaatibobö omukwatinobe.

Jueces 15:1

Jemi ikenama, ja'yubenö lekwajabetjö, trigo waji̧ emajitja möle baibena, Sansonma ilekwonö edö i̧'yinobe Timnat comunidadbe. Jobe 'ya̧nö, chivo ja'yuwo̧nö öbibö i̧'yinobe, ilekwonö iyobö. Ja̧danö, ilekwo jejube ichibö, ilekwo jabȩko̧ teachobö jö̧a̧linobe, ilekwokwö ö̧jobö, jo̧kwaijayonö teachobö jö̧a̧liökwe, jabe'doma weinokobe.

Jueces 19:2

Ja̧danö, jobujuma jilekwenö kabatibö, jabe'do ejube jȩwa̧jinobe, Belen comunidadbe, ja̧danö jabe'dokwö jö̧jinobe, jawo̧dö ö'wejemubedö baledibanö.

Jueces 19:4

Ja̧danö, ilekwo jabe'do jo̧ba öjaba jobe ö̧jobö a̧debiökwe, wapötakwa möle baledibanö ejunö ö̧jinobe. Ja̧danö, jobe ja̧nö, öjabakwö kwanöbi, ubasobu owöbi, öjaba ejunö abinobe Levisaso jojoma.

Jueces 19:26

Ja̧danö, juluwo̧ ö̧jobekwö jȩwa̧bijinobe, ja̧danö apjude a'o ichibö me'dawachibö mejinobe, ja̧danö jobe jö̧bi̧nobe, möle baibenanö kabatö.