Jueces 19:21 - Dios Iwene

²¹ jobadönö öbibö teatinobe ejube. Ja̧danö, tebatajo̧, bu̧lu̧dönö tju̧kwa iyinobe, ja̧danö teatajawö̧nö ojwiyo iyinobe, tjömasapiya tjidichawobö. Ikenama kwanöbi tjukwinobe, ja̧danö owöbi tjowinobe.

Jueces 19:21 Referans Kwoze

Lucas 7:44

Ja̧danö jojosuju jö̧bobekwö jalachibö, Jesúsma Simónnö yöa̧linobe: —Bisu jojosujunö edi. Kweju okwa tetachenama, ojwiyo kwiyökötö, chömasapiya chidichawobö, jo̧kwaijayonö bisuma jubudesobunö chömasapiya jidichajabe, ja̧danö dichaju, jöwö'yenö 'do̧bö chömasapiya jököködajabe.

Génesis 43:24

Ikenama José ömöayo̧ma José eju okwa tebatijetö José ömöledönöma. Tebachajadönö ojwiyo iyijetö tjömasapiya tjidichawobö. Ja̧danö, tja̧jwi̧mu bu̧lu̧dönöbi iyijetö tjukwobö.

Génesis 18:4

Ja'yubeda ojwiyo weto tjichejebobö kwömasapaduwi kwidichawaduwobö. Ja̧danö, dichawö kabatöma towi la'aka ba̧nö kwö'wachaduwo, tiyuwena.

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

2 Samuel 11:8

Ikenama, Urias tjölakwabikwawi̧ wene yöawaja̧ ikenama, Davidma jo̧banö webö loinobe, —Kwejube da̧ji̧, ja̧danö kwömasapiya dichawö, ölakwabikwawö kwö̧jajabetjö kwejunö ö'wachö kwö̧jo, —jö̧ba̧lö. Weökwe, Uriasma la'aka luwo̧ David ejutjö laebinobe, ja̧danö laebaja̧ ikena, Davidma iyawa kwakwawa weinobe, Urias ejube e'ewö tjiyobö.

1 Samuel 25:41

Yötjawoko, Abigailma jöba nijakwö bȩbachibö yöja̧linobe, —Otiwa, jo̧ba ömöayujusa. Ja̧danö ju'wibi jo̧ba ömöayedönö pjabatö tjömasapiya dichö lotakwujusa, —jö̧ba̧lö.