Jueces 19:1 - Dios Iwene

¹ Ja̧danö, israel nijitjö inesö la'aka luwo̧ ina deayi, baikwö baledinobe. Efrainsaso niji mösa'ijutjö, jalemi comunidadtjö ödö, bakwo̧ Levisaso jojo ö̧jinobe. Ja̧danö, jo̧ba Levisaso jojoma, Judasaso niji comunidad Belen jojosujunö eminobe, ömöayujubi ilekwobi bajibanö.

Jueces 19:1 Referans Kwoze

Jueces 18:1

Ja̧ möle inesö la'aka luwo̧ma deinobe israel nijitjö̧. Ja̧danö, ju'wibi Dansaso jojodöma ina tjitebo niji tjujuna̧lobö tjisakwinobe. Damötjö tjitebo niji baibobö Dios 'da̧batö ujuninajayonö, ina ja̧ niji tjemobö tjujuluwinokobe Dansaso jojodöma, ju'wedö bakwasokwena jojodö tjitebo baibanö tjujuluwinadanö.

Jueces 17:8

Jo̧bama Belen comunidadtjö laebinobe, jelobe kwebachö, tupakwö otidö ö̧jakwemi isakwö. Ja̧danö, kweachonö, Efrainsaso niji mösa'iju jȩmi kweachinobe, ja̧danö Micaias ejube ichibinobe.

Mateo 2:6

Judea niji comunidad Belenma, ja'yuwemijayonö, ju'wi Judea niji comunidadteniatjö nijakwönönöma mikwawokobe Belenma, isabenö mikwawemi, jobetjö la'aka luwo̧ ichakobetjö̧, ja̧danö jo̧bama chömöledö Israel jojodönö ite'ada̧lakobe, jö̧ba̧lö iwȩyudinobe—.

Jueces 21:25

Ja̧ möle inesö la'aka luwo̧ deinobe israel nijitjö, ja̧danö okobe deinö israel jojodöma bakwo̧nökwena iteda omukwati̧danö ja̧bö tjö̧jinobe.

Jueces 17:6

Ja̧ möle inesö la'aka luwo̧ deinobe israel nijinö, israel jojodö ja̧bö tjö̧ji̧ webo̧ma, ja̧danö Micaiasbi, ju'wedö israel jojodöbi idöda tjomukwati̧danö ja̧bö tjö̧jinobe, idöda bejenö otiwa jö̧ba̧lö tjomukwati̧danö.

Josué 24:33

Ja̧danö, Aaron itji̧ Eleazar mikwo̧bi ö'wö baibinobe, ja̧danö jo̧banö tjo̧tjinobe iteda itji̧ Fines itebo comunidad Guibeatjö. Ja̧ Efrain niji mösa'iju jȩmi comunidad Guibeama, Fines mikwo̧nö tjiyinemi, iteda itebo baibanö.

Josué 24:30

Ja̧danö ö'wö babibajo̧nö tjo̧tji̧nobe, iteda itebo comunidad Timnat Seratjö, iteda itebo baibanö israel jojodö Josuenö tjiyinemi nijinö. Ja̧ Timnat Sera comunidadma, Efrain niji mösa'iju jȩmi comunidad, Gaas mösa'otjö u'dakwöchobe.

Daniel 5:3

Jejenö weawö̧, ömöayedöma Jerusalénseju Dios ejutjö tjichejebina dȩja̧'di̧ju tjichejebinobe, ja̧danö Belsasarbi, ömöayedötjö la'aka luwedöbi, i̧lȩkwa̧mubi ja̧tjö tjowinobe.

1 Reyes 11:3

Isabenö ba̧jȩkwadönö eminobe Salomonma, ju'wedö la'aka luwedö tji̧tji̧mu ya̧dötjö, setecientasbedönö eminobe, ilekwamu batjibanö, ja̧danö ju'wedöbi ömöayedödanöbedö ilekwamunö, trescientasbedönö eminobe. Ja̧danö, Dios ajayinö yöa̧linadanö baledinobe, jobadö Salomon ilekwamuma, jwaikwöda Diosnö ösödö ö̧ji̧ kaatibobö ötjibinobe.

2 Samuel 20:3

Jejenö Davidma Jerusalenbe ȩwa̧jö, ejube ichibinobe. Ja̧danö, ejube ichibö, ilekwamu domulatajabedö, eju tjiteada̧lobö ujunibinawönö jelejunö pjolatö ujuninobe. Jelejunö pjolatö junö, ipje'datinobe jobadönö, ja̧danö teada̧ladönö ujuninobe, ilekwamubajadönö tjiteada̧lobö. Ja̧danö, jemi tupakwö ba̧kwelöjatebö tju̧kwa iyö iteada̧lijayonö, la'akatjöda yemidanö jobadökwö ö̧jinokobe, bidönö Absalon sulabenö 'da̧'da̧bö ö̧jinawö̧, jö̧ba̧lö. Jo̧kwajabetjö̧, jejenö ipje'datajawö̧, jobe tjilekwamu wobö tjujunibinawö̧danö tjö̧jinobe, ö'wö batjibenanö kabatö.

2 Samuel 19:5

Jejenö balediökwe, Joabma la'aka luwo̧ David ö̧jeko̧ tebachö yöa̧linobe, —¡Sulabenö ja̧köba! Babema okobe deinö kwömöayedö ölakwabikwawa jojodönö taba lö̧jobö ja̧köbajabe. Jobadöda ökwöbi, kwitji̧mu ömadöbi, kwitji̧mu ya̧döbi, kwilekwamubi woawatjö kwö̧jibaduwinö pjatjatajabeta, jo̧kwaijayonö jejenö pjatjatiökwe, taba lö̧jinö tjö̧jobö sulabenö ja̧köbajabe.

2 Samuel 16:22

Jo̧kwajabetjö̧, Ajitofel yöa̧laja̧danö ja̧inobe. Absalon ömöayedöma i̧sȩdo̧tjö otikweju la'aka luwo̧ eju mö ba̧ba̧lawobe tjujuninobe, okobe deinö tjedobö öwawobema. Ikenama okobe deinö tjedonö, Absalonma iteda i̧sȩdotjö otikweju okwa tebachö, abe'do ilekwamunö 'da̧'da̧bö ja̧inobe.

2 Samuel 5:13

Hebrontjö labebö, Jerusalen comunidadnö ö̧jobö i̧'yinobe Davidma, ja̧danö Jerusalennö ja̧nö Davidma ju'wedö ilekwamunöbi eminobe, ja̧danö ajayitjö bajalekwönönö ba̧jȩkwadö i̧tji̧mu ömadönöbi ya̧dönöbi 'yaebinobe Jerusalentjö.

2 Samuel 3:7

Ja̧danö, ju'wi möle baikwö baledinobe. Saul ilekwamu wobö ujunibinawö̧tjö bakwuju Aya itjiju Rizpa mikwuju jö̧jinobe, ja̧danö ju'wi mölȩ la'aka luwö̧ Isbosetma Abnernö jö̧a̧linobe, —Abner, tajawedö sulabenö chabe'domine ilekwo Rizpakwö kwö̧jaja̧da? Ökwöda la'aka luwo̧ bakibotö jö̧ba̧lö chabe'domine ilekwonö kwemobö kwomukwatiji̧? —jö̧ba̧lö.

Jueces 17:1

Efrainsaso nijinö mösa'iju jȩmi bakwo̧ Micaias mikwo̧ ö̧jinobe.

Génesis 35:19

Jejenö wobijotö Raquelma, ja̧ mölema. Wobajujunö o̧tjijetö Efrata comunidad, babe mölȩ Belen mikwemi 'ya̧kwawama ö'öbö. Babebi ja̧ma mana Jerusalénbe dötewama.

Génesis 25:6

Jo̧kwaijayonö ina ö̧ja̧yida ju'wedö i̧lȩkwa̧mu̧, Ketura, Hagar tji̧tji̧munö ju'wi jawa iyö jelobe tji̧'yobö webijetö, ja̧wo̧ laebobekwö, itji̧ Isaac öjȩlöma ödö.

Génesis 22:24

Jeluju ilekwo, Reúma mikwujuma bidönö ö'wejemu luwanö 'yabebijotö: Tebanö, Gahamnö, Tahasnö, Maacanö.

Jueces 17:7

Ja̧danö, Judasaso niji Belen comunidadtjö bakwo̧ ö̧jinobe, möayo̧ Levisaso jojo.

Jueces 19:2

Ja̧danö, jobujuma jilekwenö kabatibö, jabe'do ejube jȩwa̧jinobe, Belen comunidadbe, ja̧danö jabe'dokwö jö̧jinobe, jawo̧dö ö'wejemubedö baledibanö.

Jueces 19:16

Ja̧danö, yö̧te baibenama, bakwo̧ pöe jobe ichibinobe, batjotjö otidö ȩwa̧jö. Jo̧bama Efrainsaso niji mösa'iju jȩmi niji jojo, jo̧kwaijayonö Benjaminsaso niji comunidad Guibeanö ö̧jinobe.

Jueces 3:27

Ja̧danö, jobe Efrain niji mösa'ijube ichibajo̧, Aodma trompeta pjuinobe, —Dios pjaatonö döpöjojodönö dölakwabikwawajo, —jö̧ba̧lö. Ja̧danö jejenö pjuiawö̧, israel jojodöma jo̧bakwö ölakwabikwawö tji̧'yinobe. Tjabönö öbibö i̧'yonö, israel jojodöma mösa'ijutjö yutubajö tjölakwabikwawobö tji̧'yinobe.

Jueces 12:8

Jefte ö'wö baibaja̧ ikenama, Belen comunidad jojo Ibsan mikwo̧ israel jojodötjö la'aka luwo̧ ö̧jinobe.

Jueces 18:13

Ikenama, jobetjö labebö, Efrainsaso mösa'iju jȩmi nijibenö tji̧'yinobe, Micaias ejube tjichibenanö kabatö.

1 Reyes 4:8

Jobadö gobernadorbedö tjimibiya wȩyukwöja baikwö laebobe: Ben Jur mikwo̧ma, Efrainsaso nijitjö mösa'iju jȩmi niji̧ la'aka luwo̧ ö̧jinobe.