Jueces 18:23 - Dios Iwene

²³ Ja̧danö yö̧ne ichibö, jwötjeba̧linobe Dansaso jojodönö, ja̧danö jwötjeba̧liawö̧, Dansaso jojodöma jalachibö abebö tja̧ja̧kwinobe Micaiasnö, —Taji waekwa? Tajawedö ba̧jȩkwadökwö dökömanö lukibaduwaja̧da? —jö̧ba̧lö.

Jueces 18:23 Referans Kwoze

Isaías 22:1

Baikwö laebobe Dios yöawi̧, Jerusalen comunidad, tji̧'wi̧didanö baledakwa̧ edawemi wabeko jö̧ba̧lö ötjabemi baledakwa̧ jawa: —Ökwödö Jerusalennö ju̧kwadö, tajawedö okobe deinö kwejuduwi mö kwönöchaduwaja̧daja?

2 Reyes 6:28

Dakwö pjatatobö akebobeda? —jö̧ba̧lö yöa̧linobe la̧'aka luwo̧ma. Yöa̧loko, —Bakwuju chömöledösujuma, mada ötjönö yöja̧linobe, –Babe ökwö kwitji̧nö kwiyo, bakobe jo̧banö tobö dukwakobetjö̧. Ja̧danö, itekwai ötjö chitji̧nö dukwakobe, –jö̧ba̧lö yöja̧linobe chömöledösujuma.

2 Samuel 14:5

Ajebökwe, la'aka luwo̧ Davidma abebö a̧ja̧kwinobe, —¿Dakwö pjatatobö, wene kwujuna̧lima di̧ya? —jö̧ba̧lö. Abebö a̧ja̧kwoko, —Ötjöma usulasujusa, chilekwe wobö ujunibinokosa.

1 Samuel 11:5

Jejene baledonö, Saulma pa̧ka̧yadökwö batjo sobö otidinobe, ja̧danö batjotjö ȩwa̧jenama, jojodö tjubudekwi̧ a̧ja̧kwinobe. A̧ja̧kwö, Saulma abebö a̧ja̧kwinobe, —Taji waekwa, jojodö tajawedö tjubudekwobeda? —jö̧ba̧lö. Abebö a̧ja̧kwawö Jabes jojodö yötjawaja̧ yötjawinobe Saulnö.

Génesis 21:17

Ja̧danö, Diosma Agar jitji̧ ubudekwi̧ a̧ja̧kwö mölejebetjö webijetö ángelnöma. Jo̧ba Dios weajökwe ángelma jwöbijetö Agarnö: —Agar ¿taji waekwaja̧da? Yebabökönuwi. Diosma kwitji̧ ubudekwi̧ a̧ja̧kwajabe.

Jueces 18:22

Ja̧danö, Micaias ejutjö ja'yubenö ödö tji̧'yaja̧ ikenama, tje'ewaja̧ waisachibö Micaiasma ipjeanö ju̧kwadönö jwöinobe, ja̧danö jo̧bakwö ko̧ko̧kwö Dansaso jojodönö lutjinobe, yö̧ne tjichibenanö.

Jueces 18:24

Atjebökwe, Micaiasma atadinobe, —Kwöwaisaduwa waekwaja̧ma. Ökwödöma chotidinawö̧ chösödawö̧ diosbedönöbi kwemaduwajabe, ja̧danö chömöledöso̧ tjö̧'da̧de pjabato̧nöbi kwemaduwajabe. Jejenö kwemaduwi̧tjö̧ jwibo̧ chö̧jibajabe, dakwö –Taji waekwa, –jö̧ba̧lö yöka̧laduwobö? Kwöwaisaduwa sulabenö kwemaduwaja̧ma, —jö̧ba̧lö.