Jueces 15:14 - Dios Iwene

¹⁴ Sansonnö öbibö tjichejebinobe Lehi comunidadbe, filisteo jojodö tju̧ju̧kwobekwö. Ja̧danö, tjichejebiawö̧, filisteo jojodöma jwöbeba̧lö tjichinobe Sanson ö̧jobekwö. Jejenö tjichiökwe, Isabenö Jo̧ o̧'wo luwo̧ma juluwanö Sansonkwö ichibinobe, ujuluwachibanö, ja̧danö Sansonma juluwanö kaa'bodanö 'döbekwö loinobe a̧la̧chi'bo tjunu'yaja̧'boma. 'Yaya'bojayonö, ökwölanö ubaja'bo ichejekwinö 'döbekwö loinobe, ömamijutjö meinö.

Jueces 15:14 Referans Kwoze

Jueces 14:19

Ikenama Isabenö Jo̧ o̧'wo luwo̧ma juluwanö Sansonnö ujuluwachibanö ichibinobe, ja̧danö Sansonma Ascalon comunidadbe i̧'yinobe. Jobe ichibajo̧, Ascalon comunidad ömadö filisteo jojodötjö treintabedönö kwabawö loinobe Sansonma, ja̧danö kwabö lobajo̧, tjiteajama 'döbebö eminobe. Ikenama, emajo̧, tjiteaja̧ kamijido̧ e'ewö ȩwa̧bijinobe Timnat comunidadbe, ja̧danö yöa̧lakwawa labebö lobinadönö iyinobe, —Chiyocha, —jö̧ba̧lö yöa̧lina badekwachinö. Ikenama, jwiinö dameakwö, ilekwonö le'dedibö ȩwa̧jinobe Sansonma, iteda abe'do ejube.

1 Samuel 17:35

ötjöma lubö kwabiachijatö, chajwi ö̧jibinö. Ja̧danö, kwatajökwe, döbibajökönö ötjönö meibitjö̧ma, öwö'ye aka teebesa'ye do̧batö, 'dobö lobiachijatö.

1 Samuel 11:6

Yötjawökwe, Dios O̧'wo Luwo̧ma juluwanö Saulkwö ichibinobe, ja̧danö Nahas sulabenö yöa̧lina a̧ja̧kwö, jwiinö ödameakwinobe Saulma.

Jueces 14:6

Jejenö Sansonnö meibenama, Isabenö Jo̧ o̧'wo luwo̧ma juluwanö Sansonkwö ichibinobe, ujuluwachibanö, ja̧danö didiba meibiökwe, Sansonma ömamunöda do̧batö 'yadebö loinobe didibanö. Didiba jwiinö ujuluwijayonö, jojodö chivo ja'yuwo̧ iteba'o 'yadebö lotji̧danö, didibanö 'yadebö loinobe. Jo̧kwaijayonö jejenö didibanö kwabö loajayonö, abe'donöbi, ojo'donöbi yöawinokobe Sansonma.

Jueces 3:10

Isabenö Jo̧ o̧'wo luwo̧ma Otonielkwö ichibinobe, ja̧danö pjaatinobe, otiwanö israel jojodönö jweebobö. Israel jojodönö öbibö, Cusan Risatayinkwö ölakwabikwawobö i̧'yinobe, ja̧danö Isabenö Jo̧ma pjaatinobe, jo̧banö tjujuluwobö, ja̧danö israel jojodö jo̧batjö tjö̧jibanö jo̧banö ujuluwinobe Otonielma.

Filipenses 4:3

Ja̧danö, ökwönö weta chömöledöso̧, ökwöma otiwanö ötjökwö otido̧ja, jo̧kwajabetjö̧ jobadö ötjönö pjabatinadönö ya̧dönö pjakato, bakwainö omukwatö tjö̧jo jö̧ba̧lö. Jau chömöledöso̧, jobadö ya̧döma ötjökwöbi, Clemente mikwo̧kwöbi, ju'wedö ötjökwö otiwa jawa wene yöbawö otidinadökwöbi tjotidinobe. Ja̧danö, jobadö ötjökwö otidinadönö baikwö yötawa: Dios ujuna̧la'ye, ja̧kwawa juna̧ladö tjimibiya wȩyukwa'yenö Diosma jobadö tjimibiyabi wȩyudö ödinobe, Bidöma ja̧kwawa juna̧ladö, jö̧ba̧lö.

1 Samuel 4:5

Ja̧danö, ja̧pjo Dios weina a̧ja̧pjo ichejebö ölakwabikwawadö tjö̧jobe tjichibenama, tjo̧'wo ösöwachibanö jwötjeba̧linobe israel jojodöma, jwiinö labinö jwötjeba̧linobe, niji̧bi tjö̧awenanö baibanö.

Jueces 16:24

Ja̧danö, ju'wedö jojodöbi Sansonnö tjedenama, jobadöbi tjösödökwe Dagonnö tjösödinobe, —Ajayinö Sanson ökwödötjö ba̧jȩkwadönö kwabö loinajayonö, ja̧danö nöinö döbatjiju suli̧ öwaedinajayonö, dösödökwe Dagonma otiwanö pjaatinobe, jo̧ba döpöjojonö otiwanö dujuluwobö, —jö̧ba̧lö yötja̧linobe.

Jueces 16:12

Yöa̧loko, Dalilama a̧la̧chi'bo 'yaya'bo emibö Sansonnö junu'yinobe, ja̧danö ömadö okwasȩko̧nö tju̧ju̧kwawonö, yemidanö Sansonnö wiludö jwöjeba̧linobe, —¡Sanson, filisteo jojodö ökwönö metjibobe! —jö̧ba̧lö. Ja̧danö wilubö, ja'yuwopja juluwanö 'döbekwö lotji̧danö, Sansonma a̧la̧chi'bo juluwanö 'döbekwö loinobe.

Jueces 5:30

—Lekwe ȩwa̧jökönö tjö̧ji̧ma, tjöpöjojodö tjiteaja̧ma tjemobetjö̧ lekwamachibobe, tjitea tjemaja̧ 'da̧batö tjujunobetjö̧ lekwe ichöködö. Tjujuluwajawö̧ ya̧dötjö bakwo̧kwena ömöayuju bakwujuena, du̧ju̧tajaena tjemobetjö̧, lekwemachibena. Ja̧danö Sisarama kamiji̧do̧ otiwa̧do̧, inesö otiwanö otikwa̧do̧ dödo̧lataja 'dutawakwa̧do ichejebobö emobetjö̧, lekwe ichökö, —jö̧ba̧lö jomukwatinobe Sisara ojo'doma, jitji̧ lekwe ichiokoko.

Éxodo 14:5

Ja̧danö, faraónma Israel jojodö 'dötjibaja̧ yötjawi̧ a̧ja̧kwena jo̧bama, iteda ipjea ömöayedöbi Israel jojodönö latjebobö katjatakwawaja̧ jelobekwö omukwatö yöba̧lakwawijadötö: —¡Ayö! tajawedö omukwatökönö latjebobö wedajada, ökwödö wedi̧ tjotidobö weba̧lajidawö̧nöma. Jweinö domukwatijökötö— yöba̧lakwawijadötö.

Éxodo 14:3

Ja̧danö, faraónma jobekwö kwi̧'yaja̧duwa omukwatibö, Israel jojodöma Egiptotjö labebö tji̧'yobö wajwibö jelobeda kwetjachena, jö̧ba̧lö, omukwatena. Dakwö latjebobö, jojodö deemi nijima jobadö latjebobö tjöeba̧lobe, jö̧ba̧lö, omukwatena faraónma.

Jueces 15:13

Yöa̧lawö̧, —Ökwödöma isabenö ökwönö kwabö lodökakwedösa, sule nu'yajadö, filisteo jojodönö diyakwedösa, —yötja̧linobe. Ikenama, yöba̧lajadö, a̧la̧chi'bo do'bolataja 'yayio'bijunö tjunu'yinobe Sansonnö, ja̧danö nu'yajadö, Etam inaba ö̧jinelö öbibö latjebinobe, filisteo jojodö tju̧ju̧kwobekwö.

Jueces 15:9

Tjömöledönö kwabö loiawö̧, ju'wedö filisteo jojodöma israel jojodökwö tjölakwabikwawobö tjichinobe, Judasaso nijibe, ja̧danö ichibajadö, tjabakwemi tjujuninobe Leji comunidad ö'öbönö. Ikenama, Lehi comunidad jojodönö ölakwabikwawö tjichiawö̧,

1 Samuel 10:6

Ja̧danö jobadönö kwöbadekwajenama, Isabenö Jo̧ O̧'wo Luwo̧ma ökwökwö ichibö ö̧jakobe, ja̧danö jelo̧danö balewachibö, ökwöbi jobadökwö kwekachakwo̧ja, Dios yöawi̧ yöbawö.

1 Samuel 10:10

Samuel yöawaja̧danö, Saulbi ömöayo̧bi Guibeabe tjichibenama, Dios yöawi̧ yöbawadökwö tjöbadekwinobe, ja̧danö ju'wibi, Dios O̧'wo Luwo̧ma Saulkwö juluwanö ichibinobe, ja̧danö yöbawadökwö kwebachö, tjö̧'da̧de 'ya̧nö Saulbi Dios yöawi̧ yöbawö kweachinobe.