Jueces 14:3 - Dios Iwene

³ Aebawö̧, abe'dobi ojo'dobi tjatadinobe, —Ökwödö dömöledötjö bakwujunö kwemakwuju dejobeji̧? Ja̧danö dömöledösaso jojodötjö dejitjö̧ma, jeleso israel jojodötjö bakwuju kwemakwuju dejobeji̧? Isabenö israel jojosuju kwemakwuju jö̧jena, jobujunöda kwemobö. Jau Sanson, tajawedö idö tjötade bajalesa̧do̧ 'wibekwöködö filisteo jojodö tjitijunö kwemobö, otiwökena, —jö̧ba̧lö. Jo̧kwaijayonö tjatadökwe, öpöjödinobe Sansonma, ja̧danö weinobe, —Yayonö jobujunöda chemobö chösöda, jobujuma edö chösödoko, —jö̧ba̧lö.

Jueces 14:3 Referans Kwoze

1 Samuel 17:36

Isabenö yötawakwö chuluwo̧, jejenö didibadönöbi, ojwe yawi ödöbaedönöbi kwabö lotijatö. Ja̧danö, ju'wibi isabenö yötawakwö, filisteo jojo Goliatma, 'Yaba̧lo̧ Dios ömöayedö ölakwabikwawa jojodönö sulabenö yöa̧lajabe, Dios ömöayedöma juluwöködö, yebabidö jö̧ba̧lö. Jo̧kwajabetjö̧ Diosda ömöayedönö jejenö yöa̧lobetjö̧, kwabö lotinawö̧ tebonö ju̧kwadönö baledinadanö baledakobe, jo̧banöbi kwabö lotakobe.

Jueces 15:18

Jejenö filisteo jojodökwö ölakwabikwawajo̧, jwiinö ojwiyo o̧ti̧löjachibinobe Sansonma, ja̧danö o̧ti̧löjachibiökwe, Isabenö Jo̧nö aebinobe, —Chuluwo̧, otiwanö pjakatajabe, ötjö kwömöayo̧ filisteo jojodönö jwiinö chujuluwobö. Jo̧kwaijayonö, babema ojwiyo o̧ti̧tjö ö'wö batibena ichejekwa. Jejenö o̧ti̧löjachibökwe ö'wö batibitjö̧ma, ajayinö filisteo jojodönö chujuluwajayonö, bajaleapo jobadöda ötjönö tjujuluwena. Jejenö ö'wö batibobö weköbakwa̧ji̧? Ötjönö pjakatökenaji̧? —jö̧ba̧lö aebinobe.

2 Samuel 1:20

Baledina wene yöbawökönaduwi döpöjojodö tjitebo comunidad Gatnöma, Ascalon comunidad mananö kwebachö yöbawökönaduwi. Jobadö filisteo jojodö tjitebo comunidadnö yöbawökönaduwi, filisteo jojodötjö ya̧döma tjo̧'wo ösöwachibanö tja̧ja̧kwapji jö̧ba̧lö, ja̧danö a̧ja̧kwajadö, jobadö Diosnö öpöjödadötjö ya̧döma tjo̧'wo ösöwanö jwötjeba̧lapji jö̧ba̧lö, –Israel jojodönö dujuluwajabe, –jö̧ba̧löma.

1 Samuel 31:4

Jejenö jamatekwajo̧, Saulma ömöayo̧ ölakwabikwawa jawa kwebato̧nö weinobe, —Kwölöte'o do̧batö, kwabö lobitjö, idö Diosnö öpöjödadö tjötade bajalesa̧do̧ 'wibekwöködö ötjönö, ina ya̧ba̧lo̧nö do̧tjatjapji jö̧ba̧lö, ja̧danö do̧batajadö, ötjönö tibatö alewö otjapji jö̧ba̧lö. —Weökwe, ömöayo̧ma öpöjödinobe, uluwo̧nö kwabö loobö yeabobetjö̧, jo̧kwajabetjö̧ jejenö öpöjödiökwe Saulma iteda kwölöte'o nijinö dobö junö, tibatakwawö lobö, nijinö meinobe.

1 Samuel 17:26

Jejenö yötja̧lakwawiökwe, Davidma ipjeanö ju̧kwadönö abebö a̧ja̧kwinobe, —Dakwö? Di̧ya jawa iyakwa̧da, ite filisteo jojonö kwabö loakwo̧nöma? Jo̧ba filisteo jojoma ökwödö israel jojodötjö bajalekwönönö juluwo̧sa jö̧ba̧lö omukwatobö jwibo̧. Jau, isabenö ökwödö israel jojodöda yaba̧lo̧ Dios ömöayedö ölakwabikwawa jojodöma, ja̧danö jo̧ba filisteo jojoma, ötade bajalesa̧do̧ 'wibekwö̧kö̧ Diosnö öpöjödo̧, ¿jö̧tö? Jo̧kwajabetjö̧ isabenö jo̧ba sulabo̧ma, ökwödö Dios ömöledötjö bajalekwönönö juluwo̧sa jö̧ba̧lö omukwatobö jwibo̧. Dakwö yöka̧laja̧duwada, bitenö kwabö lobö, tabakwö dö̧ji̧ söbebö loakwo̧nö dakwö iyakwa̧da Saulma? —jö̧ba̧lö abebö a̧ja̧kwinobe Davidma.

1 Samuel 14:6

Ja̧danö, Jonatanma iteda ömöayo̧ ölakwabikwawa jawa kwebato̧nö yöa̧linobe, —Yai tupakwö idö Diosnö ösödöködö tjötade bajalesado̧ 'wibekwöködö tjöjobe di̧'yaduwo. Jobe di̧'yitjöma, Isabenö Jo̧ma ökwödönö pjaatena, isabenö juluwo̧obetjö̧. Du̧ju̧tajada tjö̧jitjö̧böbi, ba̧jekwadö tjö̧jitjö̧böbi bakwaiobe Diosnöma, jo̧bama isabenö juluwo̧, dö̧jibanö pjaatobö, —jö̧ba̧lö yöa̧linobe Jonatanma.

Génesis 34:14

—¿Dakwö wedobö döjawujunöma bakwo̧nö, ötade bajale sa̧do̧ 'wibekwö̧kö̧nö, jo̧ba ilekwo baibanö? 'Wibekwö̧kö̧nö jemitjö̧ma jwiinö tabalö̧jena. Wedokobe.

Génesis 13:8

Ikenama Abram a̧jwi̧munö te'ada̧ladökwö Lot a̧jwi̧munö te'ada̧ladökwö wene tjujuna̧liökwe jö̧ba̧lijetö Abramma Lotnö: —Chitji̧ a̧ja̧kwitjö. Ökwödöma dömöledö. Jo̧kwaobetjö̧ wene jwiinö dö̧jo, Ja̧danö cha̧jwi̧munö te'ada̧ladökwöbi ökwö kwa̧jwi̧munö te'ada̧ladökwöbi wene jwiinö dö̧jobö jo̧be.

Génesis 21:27

Ikenama, Abrahamma o̧bȩja̧dönö, pa̧ka̧yö̧nö Abimelecnöma iyijetö. Jejenö Abrahamkwö Abimeleckwö tjiwene yöbawö junijadötö.

Jueces 14:2

Jo̧kwajabetjö̧, ejube ȩwa̧jenama, abe'donöbi ojo'donöbi yöa̧linobe, —Bakwuju filisteo jojosujunö chedijatö, Timnat comunidadtjö. Jobujunö chemobö chösöda, jo̧kwajabetjö̧ chilekwo bajibanö chemobö pjabataduwi, —jö̧ba̧lö aebinobe.

Josué 23:12

Jau chömöledö, isabenö Diosnö ösödö kwö̧jaduwobö jo̧be, baikwö yötawaduwakwö: Diosnö ösödö kwö̧jaduwi kabatibö, bemi nijinö ji̧nadötjö ji̧bajadökwö bakibaduwitjö̧ma, jobadötjö kwilekwamu batjibanö kwemaduwitjö̧ma, isabenö kwö̧jaduwima waekwakobe chömöledö.