Jueces 14:11 - Dios Iwene

¹¹ Ja̧danö, Sanson ichibö ba'ali ujuniawö̧, ilekwo jömöledöma ömadö treintabedönö tja̧debinobe, Sanson ömöledö batjibanö jo̧bakwö ba'ali tjujunobö.

Jueces 14:11 Referans Kwoze

Juan 3:29

Ökwödö yökawaduwi̧, Jesús ba̧jekwadönö ojwenö ubu̧datobe, jö̧ba̧lö, yökawaduwi̧ a̧ja̧kwö jwiinö chösöda, otiwa, jö̧ba̧lö— yöawinobe—. Wanedö yötawa: Ilekwonö emi̧ pjiesta ja̧nö, emakwo̧ma ösödinö ö̧jobe, iteda ilekwonö emakobetjö̧. Ja̧danö, jo̧ba ömöledöso̧bi ösödinö ö̧jobe, ömöledöso̧ ilekwonö emiökwe. Ja̧danö, jo̧bama ilekwonö emakwo̧ ösödö yöa̧li̧ a̧ja̧kwö, bakwainö ösödobe. Chömöayedö, Jesúsma ilekwonö emakwo̧danö jo̧. Ja̧danö, ötjöma ilekwonö emakwo̧ ömöledöso̧danö jo̧sa. Ötjöma Jesús jojodönö ösödö yöa̧li̧ a̧ja̧kwö ösödo̧sa. Jo̧kwaobetjö̧, cho̧'wo̧ luwo̧nö jwiinö ösödö jo̧sa, Jesús ojwenö ubu̧dati̧ yökawaduwi̧ a̧ja̧kwö— yöawinobe Juan Ojwenö Bu̧dato̧ma ömöayedönö.

Mateo 9:15

Jejenö atjebökwe, Jesúsma atadö wanedö yöawinobe: —Kwöwaisaduwa, tji̧lȩkwa̧munö emawa pjiesta tjujunenama, iteda ilekwonö emajo̧ ömöledöma jo̧bakwö pjiesta tjujunena. Ja̧danö, jejenö pjiesta tjujunenama o̧'wo̧ tjo̧achöma budekwöködö, ¿jö̧tö? Ötjöma ilekwonö emajo̧danö ichejekwo̧sa, ja̧danö jobadökwö chö̧jayi, o̧'wo̧ tjo̧achöma ö̧tö̧chö ja̧böködö chöba̧ja̧di̧ waisachadöma. Jo̧kwaijayonö ju'wi möle detakobe, ja̧danö detena baibenama jobadöbi o̧'wo̧ tjo̧achö tju̧kwa ö̧tö̧chö ja̧tjakwedö— jö̧ba̧lö atadinobe Jesúsma.

1 Samuel 16:6

Jemi ikenama, ba'ali junö tjichenama, Samuelma Isai itji̧ abönö pöe Eliab mikwo̧nö edinobe, ja̧danö edö, —Isabenö biteda Isabenö Jo̧ omudawö ujunajökwema, —jö̧ba̧lö omukwatinobe.

1 Samuel 10:23

Yöawawö̧, juluwanö Saulnö tjisakwinobe, ja̧danö badekwajadö, okobe deinö jojodö tjö̧'da̧de öjamatobö tjujuninobe. Ja̧danö jojodö tjö'da̧de ja̧nö, Saulma isabenö okobe deinö ju'wedö israel jojodötjö bajalekwönönö möbo̧ ö̧jinobe, ju'wedö jojodöma sule Saul öböbe'onönö tjichibanö.

Jueces 14:10

Sanson abe'doma filisteo jojosujunö emakwa̧ jawa otidobö i̧'yinobe, ja̧danö Sansonma jobe ba'ali ujuninobe, jemi ju̧kwadö ichö tjukwobö. Jemi ju̧kwadö tjilekwamunö tjemakwedö ömadöma, jejenö ba'ali juniatjinobe, jo̧kwajabetjö̧ juniatji̧danö Sansonbi ba'ali ujuninobe.

Jueces 14:12

Ja̧danö, tja̧debawö̧ treintabedönö yöa̧linobe Sansonma, baikwö: —Ju'wi yöa̧lakwawa jawa abebö cha̧ja̧kwobö jö̧ta̧la ökwödönö, labebö loawa kwöwaisaduwojobö jö̧ba̧lö. Jelemutjö dötölataja möle ba'ali dujunakobe, ja̧danö ba'ali 'dö̧ibakwa̧ abönö, labebö loawa waisachibö atadö yökawaduwitjö̧ma, ötjöma ökwödö treintabedönö bakwo̧nökwena kamijido̧ otiwa̧do̧ chiyocha, wamesa̧do̧ linotjö otikwa̧do̧bi, ju'wi kamijido̧bi.

Diosnö ösödo̧ Job mikwo̧ usula emawina jawa 41:6

Jo̧banö do̧batajadö, kwakwawa iyawedöma, kwakwawa iyawejutjö jo̧banö mikwanö tjiyobö jö̧tja̧lenaji̧? Ba̧i̧ tjiyidanö, nöbo̧obetjö̧, itebiya 'wi'wibö tjiyenaji̧?