Jueces 13:23 - Dios Iwene

²³ Yöa̧loko, ilekwoma jatadinobe, —Chedemi isabenö ökwödönö kwabö loobö omukwatatjö̧ma, diyaja̧ ösödoko jö̧a̧lajena Isabenö Jo̧ma, ja̧danö iteda ujulu ökwödönö i̧sȩboko jö̧a̧lajena, ja̧danö tupakwö otiwanö baledakwa̧ jawa yöawoko jö̧a̧lajena, chedemi ökwödönö kwabö loökena, —jö̧ba̧lö jatadinobe.

Jueces 13:23 Referans Kwoze

1 Corintios 12:21

Ja̧danö, okobe jwiinö bakwa'oda baibanö jo̧betjö̧, wanedö yötawa: Öbajalema yöa̧lobö jwia, ömamuma pjaatökötjö, mikwawi̧ jwia jö̧ba̧lö. Ja̧danö, uuma yöa̧lobö jwia, ömasapama pjaatökötjö, mikwawi̧ jwia jö̧ba̧lö.

Juan 15:15

Belöma, Chömöayedö, jö̧ba̧löda ötabijatö ökwödönöma. Jo̧kwaijayonö babema jejenöma ötabököwö̧ja. Babema, chömöledö, jö̧ba̧löda, ötabiwö̧ja. Kwöwaisaduwa, bakwo̧ uluwo̧ omukwatö ja̧akwa̧ma wajwiobe. Jo̧kwaijayonö ökwödö ötjö chömöledököbaduwobetjö̧ ötjö omukwatö ja̧takwa̧ma kwöwaisaduwobe, ökwödönö yötawobetjö̧. Jau chömöledö, okobe jwiinö Chabe'do ötjönö yöawi̧ma ökwödönö yötawobe kwöwaisachibaduwobö— yöawinobe—.

Juan 14:20

Ja̧ mölema, ötjönö yemidanö edö kwöwaisachibaduwakobe, Jesús, iteda abe'do Diosma bakwo̧da, jö̧ba̧lö. Ja̧danö, kwöwaisachibaduwakobe, Ökwödöbi Jesúskwö bakwo̧ iteba'odanö ja̧dösa, jö̧ba̧lö. Ja̧danö, kwöwaisachibaduwakobe, Jesúsma ökwödökwö, bakwo̧ iteba'odanö jo̧, jö̧ba̧lö.

Proverbios 3:32

Chitji̧, Isabenö Jo̧ma jwiinö öpöjödobe jelobekwö sulabenö omukwatö jo̧nöma. Jo̧kwaijayonö Isabenö Jo̧ma, iteda wei̧ a̧ja̧kwö jo̧nöma nöinö ösödo̧, yö̧ne ötjö chömöledöso̧, jö̧ba̧lö.

Juan 14:23

—Ötjönö ile nibebö ju̧kwadöma ötjö weti̧ a̧ja̧kwö ja̧badö. Ja̧danö, Chabe'doma jobadönö ile nibebö jo̧. Ja̧danö, ötjö, Chabe'do, jobadönö ichö, jobadökwö dö̧jakwedösa.

Jueces 13:24

Ja̧danö, Dios yöawaja̧danö, Manoa ilekwoma jitji̧nö jeminobe, ja̧danö jitji̧nö tjimidinobe Sanson jö̧ba̧lö. Ja̧danö, Sansonma otiwanö ö̧da̧peachinobe, ja̧danö Isabenö Jo̧ma otiwanö pjaatinobe Sansonnö.