Jueces 10:9 - Dios Iwene

⁹ Ja̧danö, ju'wibi amonitas jojodöma Jordan ojwe pebibö, Judasaso jojodökwöbi, Benjaminsaso jojodökwöbi, Efrainsaso jojodökwöbi tjölakwabikwawinobe, israel jojodö jwiinö usula tjemawinö.

Jueces 10:9 Referans Kwoze

1 Samuel 28:15

Ikenama, Samuelma Saulnö yöa̧linobe, —Tajawedö sulabenö wiludö chöwawachobö weköbaja̧da? —jö̧ba̧lö. Abebö a̧ja̧kwökwe, Saulma atadinobe, —Jwiinö cho̧'wo tjo̧bekwö chö̧jobetjö̧, ökwönö jwötajabe. Filisteo jojodöma ötjönö ölakwabikwawö tjichajabe, ja̧danö Diosma abebö cha̧ja̧kwi̧ma atadö̧kö̧, chi̧'wi̧dinöbi, yöawi̧ yöbawadönötjö̧bi atadö̧kö̧. Jo̧kwaitjö̧, ökwönö jwötajabe, otiwanö ja̧takwa̧ yökawobö, —jöba̧lö.

Deuteronomio 28:65

Ja̧danö, ju'wedö tjitebonö ja̧nö, la'akatjöda otiwanö wene jwiinö kwöjaduwökakwedöja chömöledö, ja̧danö jobe ja̧nö, la'akatjöda –Bemi nijima otiwanö ditebo, –jö̧ba̧lö jobe kwö̧jaduwobö kwösödaduwökakwedöja chömöledö. Ökwödönö lȩbebö, ba̧kwelöjatebö jobe ja̧nö yekabiduwobö weakobe Isabenö Jo̧ma chömöledö, ja̧danö, –Dakwö ja̧dakwajö? –jö̧ba̧lö, kwime'dawachibaduwakwedöja.

Jueces 10:8

Jo̧kwajabetjö̧ ja̧ o̧ba filisteo jojodöbi amonitas jojodöbi jamatö israel jojodönö tjujuluwinobe, ja̧danö usula tjemawinö ja̧tji̧nobe. Ali̧nösamu jelemutjö wa̧pötakwa o̧biya baledibanö, amorreo jojodö ajayinö tjö̧jinemi Galaad nijinö ju̧kwadö, Jordan ojwetjö jawo̧ laebobekwö ju̧kwadö israel jojodönö usula tjemawinö ja̧tjinobe tjöpöjojodöma.

Jueces 10:10

Jejenö balediawö̧, israel jojodöma Isabenö Jo̧nö tjubudekwinobe: —Duluwo̧ Isabenö Jo̧, kwöba a'otjö sulabenö kwöpöjödinö ja̧dajabe. Jau duluwo̧, ökwö, dösödo jö̧da̧lökwe Diosnö kabatibö, ju'wedö tjösödawö̧ Baal ötjabawö̧nöda sulabenö dösödajabe, —jö̧ba̧lö tjubudekwinobe Diosnö.

Jueces 11:4

Ja̧danö, lekwe möle jejenö Tob nijinö ö̧jajabema, Amonitas jojodöma israel jojodökwö tjölakwabikwawinobe.

Jueces 2:15

Kabatökönö israel jojodö tjölakwabikwawobö latjebenama, israel jojodönö pjabatökönö, tjöpöjojodanö ja̧nö, tjöpöjojodö jobadönö tjujuluwobö weinobe Isabenö Jo̧ma. Jejenö baledinama, Isabenö Jo̧ damötjö̧ yöawinadanö baledinobe. Damötjö̧ Isabenö Jo̧ma israel jojodönö yöbawö ujuninobe, —Ötjönö kakatibaduwitjö̧ma, ökwödönö lȩbebö kwöpöjojodö ökwödönö tjujuluwobö wetocha, —jö̧ba̧lö, ja̧danö yöawinadanö baledobetjö̧, jwiinö tjo̧'wo tjo̧bekwö usula tjemawinobe israel jojodöma.

Jueces 6:2

Jwiinö usula tjemawinö ja̧tjinobe madianitas jojodöma israel jojodönö, döbibajö tju̧ju̧kwawenanö kabatö. Sulabenö ja̧tjiawö̧, israel jojodöma mösa'ijubebi, inawa ötölabebi, jelobe tjöeba̧lakwawabebi döbibajö tju̧ju̧kwawinobe, jobadötjö tjö̧jibobö.

1 Samuel 13:6

Jejenö tjichiawö̧, israel jojodöma jwiinö yetjaibinobe, —Ökwödöwe, isabenö ökwödötjö bajalekwönönö juluwadö, —jö̧ba̧lö. Ja̧danö, israel jojodötjö ba̧jȩkwadö tju̧ju̧kwawinobe, ju'wedö inawa ötöla okwa, ju'wedö tebo towibiya 'da̧de, ju'wedö ojwe se'do okwa, ju'wedö o̧do okwa soawemi okwa, ju'wedö laju okwa tju̧ju̧kwawinobe.