Jueces 10:4 - Dios Iwene

⁴ Jo̧ba Yairma itji̧mu ömadö treintabedönö ujuna̧linobe, ja̧danö jobadöma tjabe'donö pjatjatinobe, israel jojodö tjuluwedö ja̧nö. Jobadö treintabedö Yair itji̧muma, bakwo̧nökwena tjajwikwena bulo oma'anö kwetjachinobe, ja̧danö bakwo̧nökwena Galaad niji comunidadkwena la'aka luwedö tjö̧jinobe. Ja̧ treinta comunidadbiya wetjinemima, babe mölȩ baibanö Yair comunidadbiya jö̧ba̧lö ötjabobe, Yair itji̧mu jobe ja̧nö wetjinobetjö̧.

Jueces 10:4 Referans Kwoze

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,

Jueces 5:10

Okobe deinö ja̧ baledaja̧ wene yöbawö lo̧köbaduwo, ökwödö nöinö juna̧ladö sabana'wo otiwa'wo wa̧nibö, dewadö bu̧lu̧dö tjoma'anö kwebachadöbi, jo̧kwadabedö tjömasapiyanö kwebachadöbi, okobe deinö ösödinö lo̧köbaduwo.

Deuteronomio 3:14

Ja̧danö, Manasesaso jojo Yair mikwo̧ma, ömöledönö öbibö, okobe jwiinö Basan niji Argob ötjabemi ujuluwinobe, guesureos jojodö tjitebo ö'öböbe ichibanö, ja̧danö macateos jojodö tjitebo ö'öböbe ichibanö. Ja̧danö, jemi ikenama ja̧ ujuluwaja̧ niji Basanma, iteda iminö imidinobe, Javot Yair jö̧ba̧lö. Jo̧kwajabetjö̧ babe mölebi ina ja̧ nijima imidinadanö Javot Yair jö̧ba̧lö mikwobe.

Jueces 10:3

Ja̧danö, Tola ö'wö baibaja̧ ikenama, Galaad niji jojo Yair mikwo̧ israel jojodönö pjaatinobe, veintidos o̧biya baledibanö.

Jueces 10:5

Ja̧danö, Yair ö'wö baibenama, Camon comunidadnö jo̧banö tjo̧tji̧nobe.

2 Samuel 16:2

Jejenö ichibiökwe, Davidma Sibanö abebö a̧ja̧kwinobe, —Bi̧ya, ¿dai e'ewö kwi̧'ya? —jö̧ba̧lö. Abebö a̧ja̧kwökwe, Siba atadinobe, —Bidö bu̧lu̧döma, ökwö la'aka chuluwo̧ kwömöledö tjöwanobö chichejebejabe, ja̧danö pan öpji̧yabi, higo waji̧bi, kwömöayedö tjukwobö chichebajabe, ja̧danö ubasobuma, jojodö deobe kwekachaduwonö me'dawadö tjowobö chichejebajabe, —jö̧ba̧lö atadinobe Sibama.