Jueces 1:35 - Dios Iwene

³⁵ Ja̧danö ju'wibi amorreos jojodöma ina Heres mösa'o comunidadnöbi, Ayalon comunidadnöbi, Salbin comunidadnöbi tjö̧jinobe, jobetjö labebökönö. Jo̧kwijayonö Jose iti̧mu tupadanö jojodö Efrainsaso jojodöbi Manasessaso jojodöbi tjujuluwachibanö juluwadö batjibenama, jobadönö tjujuluwinobe, ja̧danö 'diinö tjotidobö wetjinobe.

Jueces 1:35 Referans Kwoze

Josué 19:42

Sagalbin comunidadbi, Ayalon comunidadbi, Jetla comunidadbi,

Jueces 12:12

ikenama Elonma ö'wö baibinobe, ja̧danö jo̧banö Zabulonsaso niji comunidad Ayalontjö tjo̧tjinobe.

Josué 10:12

Ja̧danö, ju'wibi baledinobe ja̧ möle, Isabenö Jo̧ israel jojodö amorreo jojodönö tjujuluwobö pjaatina mölema. Ja̧ möle ju'wedö israel jojodö tja̧ja̧kwonö, Josuema Isabenö Jo̧nö aebinobe, —Jawo̧ma meajökönö Gabaon wame ö̧jobö chösöda, ja̧danö yöte jawo̧ma Ajalon wabeko wame kwebachökönö ö̧jobö chösöda, —jö̧ba̧lö aebinobe.

1 Reyes 4:9

Ben Decar mikwo̧ma, Macaz comunidadbi, Salbin comunidadbi, Bet Semes comunidadbi, Elo Bet Janan comunidadbi la'aka luwo̧ ö̧jinobe.

Jueces 1:34

Ja̧danö Dansaso jojodö ba̧ba̧lawobe tji̧'yobö jö̧tja̧lena, jobe ju̧kwadö amorreos jojodöma ölakwabikwawö wetjinokobe, ölakwabikwawö Dansaso jojodö mösa'iju jȩminöda tjö̧jobö tjujuluwinobe amorreos jojodöma.

Jueces 1:36

Jobadö amorreo jojodö tjitebo nijima bi̧ya, Acrabim mösa'o nöchakwawemitjö, Sela comunidadbe baibanö, ja̧danö jobetjö mösa'iju jȩmi niji baibanö.

1 Reyes 9:21

Ja̧danö, jobadö tji̧tji̧mu tupadanö jojodönöda iteda wei̧ 'dii̧nö otidadö batjibanö omudawö ujuninobe Salomonma, jadanö babe mölebi baibanö, ina jejenö israel jojodö tjömöayedö ju̧kwadö.

Josué 19:43

Elon comunidadbi, Timnat comunidadbi, Ecron comunidadbi,