Jueces 1:33 - Dios Iwene

³³ Ja̧danö Neftalisaso jojodöma Bet Semes comunidad jojodönöbi, Bet Anat comunidad jojodönöbi a'dewö lotjinokobe, ja̧danö jobadö ajayinö ja̧ niji ju̧kwinadö cananeos jojodö tjö̧'da̧de tjö̧jinobe. Ja̧danö, Neftalisaso jojodöma Bet Semes comunidadnö ju̧kwadönöbi, Bet Anat comunidadnö ju̧kwadönöbi wetjinobe, tjömöayedö babibö 'diinö tjotidobö.

Jueces 1:33 Referans Kwoze

Jueces 1:35

Ja̧danö ju'wibi amorreos jojodöma ina Heres mösa'o comunidadnöbi, Ayalon comunidadnöbi, Salbin comunidadnöbi tjö̧jinobe, jobetjö labebökönö. Jo̧kwijayonö Jose iti̧mu tupadanö jojodö Efrainsaso jojodöbi Manasessaso jojodöbi tjujuluwachibanö juluwadö batjibenama, jobadönö tjujuluwinobe, ja̧danö 'diinö tjotidobö wetjinobe.

Jueces 1:30

Ja̧danö Zabulonsaso jojodöma Quitron comunidad jojodönöbi, Nalol comunidad jojodönöbi a'dewö lotjinokobe, jo̧kwajabetjö̧ Zabulonsaso jojodö tjö̧'da̧de tjö̧jinobe. Jobadönö tjujuluwijayonö, a'dewö lobökönö, tjömöayedö batjibanö labinö tjotidobö wetjinobe Zabulonssaso jojodöma.

Josué 15:10

Ja̧danö Balatjö, bakwachobema jalachibö, jawo̧ laebobekwö Seir mösa'obe dötewobe, ja̧danö jobetjö Jearin mösa'o, ju'wi imi Quesalon mösa'o u'dakwöchobenö dötewobe, Bet Semes comunidadbe ichibanö, ja̧danö Timna comunidad badeibö ichibanö.

Jueces 1:32

Ja̧danö, jejenö a'dewö lotjinokobetjö̧, Asersaso jojodöma jobadö cananeos jojodö, ajayinö ja̧ niji ju̧kwadö tjö̧'da̧de tjö̧jinobe.

Jueces 1:34

Ja̧danö Dansaso jojodö ba̧ba̧lawobe tji̧'yobö jö̧tja̧lena, jobe ju̧kwadö amorreos jojodöma ölakwabikwawö wetjinokobe, ölakwabikwawö Dansaso jojodö mösa'iju jȩminöda tjö̧jobö tjujuluwinobe amorreos jojodöma.