Juan 9:2 - Dios Iwene

² Ja̧danö, Jesús öba̧ja̧di̧ waisachadöma, öbajale tjewawökwenö edö, Jesúsnö abebö tja̧ja̧kwinobe: —Ba̧ja̧dakwawa jojo, ite öbajale tjewawökwema ¿ti sulabenö ja̧iökwe öbajale tjewawo̧ baibanö Diosma lȩebobeda? ¿Itedada? ¿Ite abe'do, ojo'do sulabenö ja̧tjiökwe öbajale tjewawökweda öbötjachoböma?—

Juan 9:2 Referans Kwoze

Lucas 13:2

Yötjawiökwe, Jesúsma atadö jojodönö yöa̧linobe: —Kwomukwataduwena, Aaa, jejenö baledi̧ma sule ju'wedötjö bajalekwönönö jwiinö sulabenö ja̧badönöda baledena, jö̧ba̧lö. Tjömöledötjö bajalekwönönö sulabedö tjö̧jinökötjö̧ma, la'akatjöda jejenö baledobö weoko jö̧a̧linena Diosma jö̧ba̧lö kwomukwataduwena, ¿jö̧tö? ¿Dakwö kwomukwataduwa chömöledö? Jobadö Galilea jojodötjö debö 'yi̧nadöma, okobe deinö ju'wedö Galilea nijinö ju̧kwadötjö bajalekwönönö sulabenö ja̧tjiökwe ¿jejenö baledobö weinaji̧ Diosma? Sulabedötjinökötjö̧ma, ¿jejenö baledoko jö̧a̧linenaji̧?

Juan 9:34

Jejenö jö̧a̧lawö̧, tjöpöjödinobe: —Ökwöma ökwödö, waisadönö ¿kwöba̧ja̧diji̧? Ökwöma sulabo̧ja. Kwojo'do jeminena baikwö sulabo̧ja. ¿Dakwö kwöba̧ja̧dobö ökwödönöma?— jö̧tja̧linobe. Ja̧danö, jejenö jö̧ba̧lö labebö lotjinobe jo̧banö, judío jojodö ba̧nö tja̧ja̧kwejutjö.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.

Éxodo 20:5

Ja̧jaye otikwa tjöba a'otjö kwöbaduwi bȩbachibö nijakwö kwuuduwinö kwösödaduwoko ötjöda Isabenö Jo̧chobetjö̧, Kwösödaduwökwe Dioschobetjö̧. Ile nibebo̧sa ökwödönöma, Ötjönöda kwösödaduwo, jö̧ba̧lö. Isabenö, o̧'wo jawa ösödadönöma lȩtebakwo̧sa, ja̧danö jobadönödamaö̧kö̧, ba̧kwȩlö̧jatebö̧ lȩtebakwo̧sa jobadötjö tupadanö jojodönöbi. Jao, ötjönö öpöjödö o̧'wo jawa ösödadö tji̧tji̧munöbi, tjö̧'dö̧dönöbi, ja̧danö tjö̧'dö̧dö tji̧tji̧munöbi, ja̧danö tupakwö, tjö̧'dö̧dö tjö̧'dö̧dönöbi lȩtebakwo̧sa.

Mateo 16:14

Aebawö̧, tjatadinobe: —Ju'wedöma ökwönö yötja̧lobe, Juan Ojwenö Bu̧dato̧ena, ju'wedöma Dios yöawi̧ yöbawina Elías mikwo̧ena, ju'wedöma Dios yöawi̧ yöbawina Jeremías mikwo̧ena, ja̧danö ju'wedöma Dios yöawi̧ yöbawadötjö jelo̧ena, jö̧ba̧lö yötja̧lobe ökwönö— jö̧ba̧lö tjatadinobe.

Mateo 23:7

Kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö.

Mateo 23:8

Jo̧kwaijayonö, ökwödöma jobadö ja̧tji̧danöma ja̧bökönaduwi chömöledö. Jojodö ökwödönö ba̧ja̧dakwawa luwo̧ jö̧ba̧lö yötja̧loböma webökönaduwi, ba̧ja̧dakwawa luwo̧ kwuluwo̧duwima bakwo̧daobetjö̧, ja̧danö ökwödö okobe deinö jo̧bada öba̧ja̧dawö̧köbaduwobetjö̧.

Juan 4:31

Ja̧danö jobadö, Samaria jojosuju jömöledöma ina tjichonö Jesús öba̧ja̧di̧ waisachadöma jö̧tja̧linobe jo̧banöma: —Ba̧ja̧dakwawa jojo, kwidi— jö̧tja̧lökwe:

Juan 9:1

Jemi ikenama, Jesúsma iteda öba̧ja̧di̧ waisachadökwö kweachemi öbajale tjewawökwenö edinobe. Jo̧bama la'akatjöda öbajale tjewawökwe ji̧na.