Juan 9:1 - Dios Iwene

¹ Jemi ikenama, Jesúsma iteda öba̧ja̧di̧ waisachadökwö kweachemi öbajale tjewawökwenö edinobe. Jo̧bama la'akatjöda öbajale tjewawökwe ji̧na.

Juan 9:1 Referans Kwoze

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Juan 9:2

Ja̧danö, Jesús öba̧ja̧di̧ waisachadöma, öbajale tjewawökwenö edö, Jesúsnö abebö tja̧ja̧kwinobe: —Ba̧ja̧dakwawa jojo, ite öbajale tjewawökwema ¿ti sulabenö ja̧iökwe öbajale tjewawo̧ baibanö Diosma lȩebobeda? ¿Itedada? ¿Ite abe'do, ojo'do sulabenö ja̧tjiökwe öbajale tjewawökweda öbötjachoböma?—

Isaías 35:5

Jobekwö pjabatö ichenama, tjöbajale tjewawadöma tjedakwedö, ja̧danö tjölakiyu a̧ja̧kwöködöma tja̧ja̧kwakwedö.

Mateo 9:27

Jobetjö labebajo̧, Jesúsma tupakwö kweachinobe. Ja̧danö, jo̧ba ökömanö du̧ju̧taja tjöbajale tjewawadöma lutja̧libinobe, ja̧danö Jesúsnö jwötjeba̧linobe: —Ökwö David itji̧ tupadanö jojo, ¡ökwödönö lȩlö̧jinö edö pjabati!— jö̧ba̧lö jwötjeba̧linobe.

Mateo 20:30

Jobe tji̧'yonö, du̧ju̧taja tjöbajale tjewawadöma mana ö'öbönö tjö̧binobe. Jobadö tjöbajale tjewawadö Jesús öbaledi̧ wene tja̧ja̧kwenama, labinö jwötjeba̧linobe: —Duluwo̧ David itji̧ tupadanö jojo, ¡lȩlö̧jinö edö pjabati ökwödönö!— jö̧ba̧lö.

Marcos 9:21

Ikenama Jesúsma abebö a̧ja̧kwijetö tjemu abe'donö: —¿Dokwa lekwe bejenöma ö̧jinada?— jö̧ba̧lö. Jejenö abebö a̧ja̧kwökwe tjemu abe'doma atadijetö: —Ina tjemuayi—atadijetö —.

Lucas 8:43

Ja̧danö, Jesúskwö 'ya̧jadötjö bakwuju a̧li̧nösamutjö döbalataja o̧biya ku̧kwinö usula emawujubi ji̧'yinobe. Jobujuma lekwe o̧biya usula jemawinobe, ja̧danö okobe jwiinö jitea balada 'dö̧jibajenanö kabatö ba̧jekwadö dötölödönö pjatjatobö jimidinobe, jo̧kwaijayonö, waekwinobe. Jwaikwöda ku̧kwi̧nö usula jemawinobe.

Juan 5:5

Ja̧danö, bakwo̧ 'wabo̧ma jobe bi̧nobe, lekwe trentiocho o̧bi̧ya jenanö 'yö̧kö̧ma.

Hechos 9:33

bakwo̧nö, Eneas mikwo̧nö, edijetö. Jo̧bama kwebachiabinö̧kö̧. Ja̧danö, lekwe jelemutjö wa̧pötakwa o̧biya kwebachiabinö̧kö̧. Kamapjonöda bo̧, a̧laibökönö.

Hechos 14:8

Jobe, Listranö bakwo̧, ömasapiya 'wabo̧ma ji̧jetö. Jo̧bama la'akatjöda ömasapiya sulina, la'akatjöda kwebachinö̧kö̧.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.