Juan 8:49 - Dios Iwene

⁴⁹ Jejenö jö̧tja̧liökwe: —Ötjöma Awetja ömöayo̧ tjeachibinökökwesa— jö̧a̧linobe—. Ötjöma Chabe'do otiwanö omukwati̧da yöbawo̧sa. Jo̧kwaobetjö̧ ökwödöma otiwanö omukwatöködöja ötjönöma.

Juan 8:49 Referans Kwoze

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.

Juan 17:4

Ötjöma böjȩnö ja̧nö ökwö kwotiwi̧ma chi̧sebijatö. Ja̧danö, ökwö weköbina okobe jwiinö chotidijatö.

Juan 14:13

Ja̧danö, ökwödö okobe jwiinö ötjönö akebaduwi̧ chiyakwo̧sa, ötjö chiminö akebaduwi̧ma. Jejenö chiyakwo̧sa, jojodöma, ötjö chiyi̧ edö Chabe'do Diosnö tjösödobö.

Juan 11:4

Jesúsma jo̧ba yöawi̧ a̧ja̧kwö jö̧a̧linobe: —Ja̧ ö'wöchi̧tjö ö'wö baibökakwo̧ Lázaroma. Ja̧ ö'wöchi̧ baledi̧ma jojodö Dios ujulu i̧sebi̧ tjedobö ö'wöcho̧ jo̧bama. Ja̧danö, ötjö, Dios Itji̧, ötjö chujulu chi̧sebi̧bi tjedobö ö'wöchi̧ma baledobe jo̧banöma— jö̧a̧linobe Jesúsma.

Juan 8:29

Ja̧danö, ötjönö webinama ötjökwö jo̧. Ba̧kwȩlö̧jatebö jo̧ba ösödi̧ ösödö chö̧jobetjö̧, junibö le'dedibö̧kö̧ ötjönö, jo̧dawa'yema— yöawinobe Jesúsma.

Isaías 49:3

Ja̧danö, ötjönö yöa̧linobe Isabenö Jo̧ma: —Ökwöma ötjöda chömöayo̧ Israel mikwo̧ja, ja̧danö ökwönötjö ötjöda dejatinö chujulu chi̧sȩbakwo̧sa, —jö̧ba̧lö.

Isaías 42:21

Jau chömöledö, Isabenö Jo̧ Suli̧ Jwibo̧ Diosma jwaikwöda lȩebo jö̧a̧li̧danö lȩbebo̧. Jo̧kwajabetjö̧ iteda wei̧ yöawobö ösödinobe, —Bi̧ya ökwödönö weti̧ma inesö mikwawi̧, a̧ja̧kwö kwö̧jaduwobö jo̧be, —jö̧ba̧lö.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

Juan 7:20

Jejenö yöawiawö̧: —¿Dakwö yöka̧la? Ökwönö kwabö lodobö omukwatöködösa. Ökwöma kwo̧'wo̧ jwibo̧ja. Kwo̧'wo̧ luwo̧nö sulabo̧ ö̧jökwedanö yöbalo̧ja— jö̧tja̧liökwe:

Hechos 5:41

Ikenama Jesús webawedöma la'aka luwedö tjöba̧ja̧dobetjö labebijadötö. Ja̧danö, jobadöma tjo̧'wo̧ yelösöda ösöwanö jweinö omukwatijadötö, Ökwödöma Jesúsnö yödawobetjö̧ inia tjödajabe, jö̧ba̧lö.

1 Corintios 11:14

Kwöwaisaduwa chömöledö. Ömadö tjöwö'ye ödöa'ye tjujunalitjö̧ma, taba lö̧ji̧ jawa jo̧be jobadönöma, ¿jö̧tö?

1 Corintios 15:43

Ja̧danö, tjo̧tjenama, sulabesa'o ichejekwa'o, ja̧danö julu jwia'o tjödobe, jo̧kwaijayonö Dios tjeachajinö ja̧enama, otiwa'o, juluwa'o tjeachajakobe.