Juan 8:48 - Dios Iwene48 Ikenama, Jesús jejenö yöawiawö̧, judío jojodötjö la'aka luwedöma: —Jweinö yödawa, ökwöma judío jojobö̧kö̧ja. Samaritano jojoja. Awetja ömöayo̧ teachibinökweja— jö̧tja̧linobe, Jesús yöawi̧ a̧ja̧kwö öpöjödö. Gade chapit la |
Juan 8:48
18 Referans Kwoze
—Ojwiyo chowo iyitjö— aeboko: —Ökwöma judío jojoja. ¿Tajawedö akeba ötjönöma, Samaria jojosujunö ojwiyo chiyokwöbö?—abebö ja̧ja̧kwinobe jobuju, Samaria jojosujuma. Ja̧danö, judío jojodöma Samaria jojodönö tjöpöjödinobetjö̧ jejenö abebö ja̧ja̧kwinobe Samaria jojosujuma. Yöba̧löbi yöba̧liatjinokobe judío jojodöma Samaria jojodönöma. Jejenö omukwatö jobujuma abebö ja̧ja̧kwinobe Jesúsnö ¿Tajawedö akeba ötjönöma ojwiyo chiyokwöbö, jö̧ba̧lö.
Jau chömöledö, waisachadöma, jobadönö ba̧ja̧do̧danö ichejekwadö batjibobö ösödadö, ja̧danö bakwo̧ ömöayedöma tjuluwo̧danö ichejekwadö batjibobö ösödadö, ¿jö̧tö? Ökwödöbi ja̧danö chömöledö, ötjö chöba̧ja̧dawö̧köbaduwobetjö̧, ja̧danö ötjö chömöayedököbaduwobetjö̧, ötjödanö ichejekwadö bakibaduwobö jo̧be. Ja̧danö, ötjödanö kwichejekwaduwobetjö̧, isabenö ötjönö tjöpöjödi̧danö bakwainö ökwödönöbi tjöpöjödakwedö ötjönö öpöjödadöma chömöledö. Jo̧kwajabetjö̧ ötjönö, kwuluwo̧duwinö tjo̧'wo̧ luwo̧nö sulabedö la'aka tjuluwo̧ Awetja jö̧ba̧lö sulabenö ötjabitjö̧ma, ¿ökwödö chöba̧ja̧di̧ waisachadönö sulabenö yötja̧lökenaji̧? Isabenö sulabenö yötja̧lakwedö ökwödönö, ja̧tjö bajalekwönönö isabenö ökwödö chömöledönöbi sulabenö yötja̧lakwedö— jö̧ba̧lö yöawinobe Jesúsma iteda öba̧ja̧di̧ waisachadönö.
Ju'wibi chatadena jo̧banö: —Yöta̧lakwö. Ökwöma jweinö yöka̧lobe, Diosma isabenö ö̧jobe, bakwo̧da, jö̧ba̧lö. Isabenö, otiwanö yöka̧lobe. Jo̧kwaijayononö ¿ja̧ yöba̧löda yöka̧li̧ma kwi̧sekwobeji̧ Diosnö kwo̧'wo̧ wana̧lö kwö̧ji̧ma? Kwi̧sekwokobe. ¿Wajwiköbiji, Awetja ömöayedö isapjobedöbi jejenö yötja̧lobe, Diosma isabenö ö̧jobe, bakwo̧da, jö̧ba̧lö? Jejenö jö̧ba̧lö yebabinö tjö̧bawadö, Diosma lȩebakwo̧, jö̧ba̧lö. Jo̧kwaobetjö̧ sule yöba̧löda yöka̧litjö̧ma jobadö Awetja ömöayedö isapjobedö yötja̧li̧danö yöka̧lobe, Diosma isabenö ö̧jobe, jö̧ba̧lö. Yötawakwö. Yöba̧löda yöka̧loko. Kwo̧'wo̧ kwöwana̧li̧ kwi̧sebobö jo̧be, jojodönö pjabatö— jejenö chatadena.
Jau chömöledö, Cristobi iteda ösödi̧danöma ja̧inokobe, jo̧bada otiwanö ö̧jo jö̧ba̧lö. Baikwö laebobe Dios iwene, Cristo yöa̧linama: Ökwödö jojodönö sulabenö jwötjeba̧li̧, Sulabedöja, jö̧ba̧lö jwötjeba̧li̧ma, ötjönöda baibinobe, jö̧ba̧lö laebobe Dios iwene Cristo yöa̧linama. Ja̧danö, ökwödö usula demawo jö̧da̧linama, jo̧bada emawinobe.
Yötawaduwakwö. Ökwödöma ötjönö ökabiduwobe, Ba̧ja̧dakwawa jojo, jö̧ba̧lö. Ja̧danö, Duluwo̧, jö̧ba̧lö, ökabiduwobe. Jejenö ökabiduwi̧ma otiwanö ökabiduwobe. Ötjöma ökwödönö ba̧ja̧dakwawa jojosa. Ja̧danö, ökwödö kwuluwo̧duwisa ötjöma. Jo̧kwaobetjö̧ otiwanö ökabiduwobe, Ba̧ja̧dakwawa jojo, jö̧ba̧lö— yöawinobe Jesúsma—.
Isabenö Jo̧, Israel jojodönö tjöbeba̧lö pjabato̧, tjösödökwe suli̧ jwibo̧ma, baikwö yöa̧lobe tjitebotenia jojodö tjöpöjödökwe, ajayinö mikwawö̧kö̧ jö̧ba̧lö tjomukwatökwe la'aka luwedö tjö̧möayo̧nö: Ötjö ba̧kwelöjatebö yötawi̧danö ja̧bö jo̧ Isabenö Jo̧, Israel jojodö tjösödökwe Suli̧ Jwibo̧ Diosma ökwönö omudawö chujuninökweja, ötjöda chömöayo̧ bakibanö. Jo̧kwajabetjö̧, ju'winö inesö la'aka luwedöma ökwönö edö, kwöba a'o a̧la̧ibö tjöjamatakwedö, –Ökwöma mikwawo̧ja, –jö̧ba̧lö, ja̧danö ju'wedö luwedö kwöba a'o bȩbachibö tjö̧jakwedö, jö̧ba̧lö yöa̧lobe Diosma, iteda ömöayo̧nö.
Jo̧kwaobetjö̧ chömöledö, ajayinö domukwatina, Dios ajayi wei̧ da̧ja̧kwinama kadatakwawaduwo. Ja̧ domukwati̧ junibö kabatakwawö tupakwö di̧'yaduwo Jesúsnö do̧'wo̧ wana̧lö, jojodö tjö̧jemi tupakwö usula emawö wobinanö. Chömöledö, jwaikwöda di̧'yaduwo, do̧'wo̧ juluwachibanö jojodö ökwödönö öpöjödö otjenabi Jesúsnö dösödobetjö̧.
Ja̧danö baikwö yötawaduwakwö: Okobe deinö sulabenö ja̧badöbi, ja̧danö Diosnö sulabenö yöba̧ladöbi, sulabenö ja̧tjinajayonö ina Dios lȩebi̧tjö tjö̧jibobö jȩna. Sulabenö tjomukwatina kabatibö tjöbalewachiökwe jobadönö lȩbebökönö Diosma tjusula söbebö loena. Jo̧kwaijayonö, Dios O̧'wo̧ Luwo̧ ja̧i̧ edö, Awetja ja̧i̧da, jö̧ba̧lö sulabenö yöba̧ladöma, la'akatjöda Dios lȩebi̧tjö tjö̧jiboböma jwitjakwedö. La'akatjöda tjusula söbebö loökakwo̧ Diosma, isabenö lȩebakwo̧.
Piblisite