Juan 8:36 - Dios Iwene

³⁶ Jo̧kwaobetjö̧, Dios Itji̧da ökwödö, suli̧ ömöayedödanö ju̧kwadönö kwö̧jibaduwinö pjabato̧ma. Dios Itji̧da suli̧ wei̧tjö kwö̧jibaduwinö pjaatitjö̧ma, isabenö kwö̧jibaduwinö bakibaduwena— yöawinobe.

Juan 8:36 Referans Kwoze

2 Corintios 3:17

Jau chömöledö, Duluwo̧nö dösödenama, tjöekwado̧ kalebö loobe Duluwo̧ma, iteda salöinö ujulu dedakobetjö̧. Ja̧ Duluwo̧ jö̧ba̧lö yöta̧laja̧ma, Dios O̧'wo̧ Luwo̧nö yöta̧lobe chömöledö, bakwo̧dabedötjobetjö̧. Ja̧danö, baikwö yötawaduwakwö chömöledö: Dios O̧'wo̧ Luwo̧ do̧'wo̧ luwo̧nö ö̧jobetjö̧, tjöekwado̧ jwibadö dö̧jobe. Jau chömöledö, isabenö ja̧ tjöekwado̧ kalekwö loawa jo̧be, ja̧danö Israel jojodöbi tjöekwado̧ kalekwö lotjobö jo̧be, jo̧kwaijayonö Duluwo̧nö tjöpöjödobetjö̧, jwaikwöda tjöekwado̧ muchekwadöda tjö̧jobe.

Gálatas 5:1

Jau chömöledö, isabenö Moisés iwȩyudina ömöayedödanöböködösa ökwödöma, Moisés iwȩyudina ja̧bö dö̧jo jö̧ba̧lö, Cristoma Moisés iwȩyudina ömöayedödanö dö̧ji̧tjö dö̧jibinö ja̧inobetjö̧. Jo̧kwajabetjö̧ 'diinö kwö̧jaduwo, yemidanö Moisés iwȩyudina ömöayedödanö bakibaduwanö ja̧tjapji jö̧ba̧lö.

Romanos 8:2

Jau chömöledö, Jesúskwö a̧jö dö̧jobetjö̧, O̧'wo̧ Luwo̧ Dios ujulunöda dö̧jibinobe. Dios O̧'wo̧ Luwo̧ ujulunöda, sulabe dujuna̧li̧tjöbi, woawatjöbi dö̧jibinobe chömöledö. Ja̧danö, jejenö dö̧jibinobetjö̧, ba̧kwȩlö̧jatebö ja̧kwawa dujuna̧lobe babema Cristo Jesúskwö chömöledö.

Lucas 4:18

Duluwo̧ O̧'wo̧ Luwo̧ma ötjökwö jo̧, jo̧bada ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, ka̧lena ba̧jadönö ka̧lenatjö tjö̧jibakwa̧ wene yötawobö, ja̧danö tjöbajale tjewawadönö edadö batjibakwa̧ wene yötawobö, ja̧danö tjujuluwajawönö tjuluwedötjö tjö̧jibakwa̧ wene yötawobö.

Isaías 61:1

Isabenö Jo̧ O̧'wo̧ Luwo̧ma ötjökwö jo̧, Isabenö Jo̧ Diosda ötjönö omudawö ujuninobetjö̧, otiwa jawa wene usula jojodönö yötawobö. Ötjönö weinobe, tjo̧'wo tjo̧bekwö ju̧kwadönö tjo̧'wo ösöwachibanö pjatatobö, ja̧danö ölakwabikwawö juluwajö do̧tja̧tajawönö tjetjatakwa̧ yötawobö, ja̧danö ka̧lena ba̧jadönö ka̧lenatjö tjö̧jibakwa̧ wene yötawobö.

1 Corintios 7:22

Jau chömöledö, bakwo̧ jelo̧ ömöayo̧ Dios jwöinökwema, wamenö uluwo̧ ömöayo̧ ö̧jijayonö, o̧'wo̧ luwo̧nö uluwo̧ wei̧tjö Dios laebinökwedanö ichejekwa. Ja̧danö, jelo̧ ömöayo̧bö̧kö̧ Cristo jwöinökwema, Cristo ömöayo̧ baibanö jo̧.