Juan 8:20 - Dios Iwene

²⁰ fariseo jojodönö, Dios eju okwatjö, balada tjiyi̧ a̧japjo jemi ö'öbö ja̧nö. Jobe ja̧nö yöawijayonö la'aka luwedöma ina do̧batö tje'ewinokobe jo̧banöma. Do̧batö tje'ewakwa̧ möle, Dios badedö ujunina möle ina badekwachokobetjö̧, ina Jesúsnö do̧batö tje'ewinokobe.

Juan 8:20 Referans Kwoze

Juan 7:30

Jejenö yöawawö̧ do̧batö tje'ewobö jö̧tja̧lijayonö do̧tjatinokobe. Ina, jo̧banö do̧tjati̧ möle, Dios ajayinö badedö ujunina möle badekwachokobetjö̧ ina do̧tjatinokobe.

Juan 7:8

Ökwödöda kwi̧'yaduwo pjiesta baledö. Ötjöma chi̧'yökö, ina chi̧'yoböma jwiobetjö̧— jö̧a̧linobe Jesúsma.

Marcos 12:41

Ikenama Jesúsma, Dios eju okwa balada iyawapjo jemi badeibö ba̧nö eda̧lijetö jojodönö, balada tjanobe. Ja̧danö, ba̧jekwadö tea juna̧ladö nöinö balada tjanobe eda̧lijetö.

Juan 7:44

Jobadötjö ju'wedö jo̧banö öpöjödadöma, Do̧batö de'ewo, jö̧ba̧lö, jö̧tja̧linobe. Jo̧kwaijayonö bakwo̧bi deinobe Jesúsnö do̧batö e'ewo̧ma.

Marcos 12:43

Jejenö janiökwe Jesúsma iteda öba̧ja̧di̧ waisachadönö jwöbö jö̧ba̧lijetö: —Isabenö jö̧ta̧la ökwödönö. Isu jilekwenö wobekwinajuma chedemi okobe deinö ju'wedö balada anajadötjöbi o̧penönö janatö.

Mateo 27:6

Ö'weje pjabatadö la'aka tjuluwedöma Judas loaja̧ balada ko̧ko̧dö emö yötja̧lakwawinobe: —Biya̧ baladama, ¿dakwö ja̧dakwa̧da? Biya̧ baladama jojonö kwabö lotjobö midawa baladaobetjö̧, Dios eju jawa balada baibanö diyobö jwiobe, Moisés iwȩyudina jejenö laebokobetjö̧. Jo̧kwajabetjö̧ ¿dakwö ja̧dakwa̧da?— jö̧ba̧lö.

Juan 10:39

Jejenö yöawawö̧ tjölabinobetjö̧ yemidanö do̧tjatobö jö̧tja̧lijayonö, do̧atakwawatjöma döibajinobe.

Juan 8:59

Jejenö yöawiawö̧ jwiinö tjölabinobe judío jojodöma Jesúsnöma. Jwiinö tjölabobetjö̧ inawiya emibö tjikwawo jö̧tja̧lijayonö, Jesúsma ju̧kwawibö laebinobe Dios ejutjöma.

Lucas 20:19

Jejenö yöa̧liawö̧, ö'weje pjabatadötjö la'aka tjuluwedöbi Moisés iwȩyudina ba̧ja̧dadöbi tjöwaisinobe, wanedö yöawaja̧ma, Ötjönö kwöpöjödaduwobetjö̧ Dios lȩebakwawö̧ja jö̧ba̧lö wanedö yöawobe jö̧ba̧lö, jo̧kwajabetjö̧ dameakwö, tjo̧'wo̧ sulinö juluwanö Jesúsnö do̧tjatobö tjösödinobe. Jo̧kwaijayonö, jojodö Jesúsnö tjösödiawö̧, Jesúsnö do̧tjatoböma yetjabinobe, Jojodö tjöba a'otjö Jesúsnö do̧datitjö̧ma, jojodötjö wene baibena, ökwödönö tjölabena, jö̧ba̧lö yetjabinobe.

1 Crónicas 9:26

Levisaso jojodötjö ö'wejemubedö la'aka teada̧ladö tjö̧jinobe, okobe deinö, —Bidöma tjotido jö̧tja̧lidanö otidadö, —jö̧ba̧lö tjöwaisawö̧ma. Ja̧danö jobekwö jobadönö tjöwaisobetjö̧, Dios eju ȩkijubi, Dios eju jawa nöinö mikwawi̧ jawa teada̧ladö tjö̧jinobe.

Mateo 26:55

Ikenama, Jesúsma jo̧banö do̧tjatobö ichajadönö abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧? Mölekwena Dios ejutjö ba̧nö jojodönö chöba̧ja̧dijatö. ¿Tajawedö jobetjö ötjönö do̧katinaduwöködaja̧?

Lucas 21:1

Dios ejunö ja̧nö, Jesúsma pöbamö edinobe jojodö Diosnö tjiyi̧ma. Ja̧danö edemi, nöinö juna̧ladöma Diosnö iyawapjo okwa tjaninobe,

Juan 2:4

—¿Tajawedö ötjönö yöka̧la?— jö̧a̧linobe—. Ina chujulu chi̧seboböma jwiobe— jö̧a̧linobe Jesúsma ojo'donöma.

Juan 7:14

Ja̧danö, pjiesta ö'wejenö baledena Jesúsma ichibö teachinobe Dios eju okwa, yöbawö.

Juan 8:2

Ju'wi dewachö, jobetjö jwibachö, yȩayi, Dios ejube yemidanö yöbawö i̧'yinobe. Jojodöma ba̧jekwadö a̧ja̧kwö tjichinobe. Ja̧danö, Jesúsma ba̧nö ichajadönö yöawinobe.