Juan 8:15 - Dios Iwene

¹⁵ Ökwödöma jojodö ja̧tji̧ edö, otiwanö ja̧tjojobö, sulabenö ja̧tjojobö kwomukwataduwi̧da yökawaduwobe, jobadönö lȩebakwawama. Jweinöma yökawaduwokobe, ökwödöda kwomukwataduwi̧da yökawaduwobetjö̧. Ötjöma jojodö ja̧tji̧ma, otiwojobö, sulojobö yötawobö chichinokobe.

Juan 8:15 Referans Kwoze

1 Samuel 16:7

Jo̧kwaijayonö, jejenö omukwatiökwe, Isabenö Jo̧ma Samuelnö yöa̧linobe, —Jo̧banö edö wame jawa omukwatökönui, Aaa, bitema otiwo̧, otiwanö möbo̧ jö̧ba̧lö. Ötjöma jo̧banö omudawö junö̧kö̧sa. Ötjö Isabenö Jo̧ma jojodö wamenö tjedi̧danöma edö̧kö̧sa, ötjöma jojodö tjomajadenö tjomukwati̧ edo̧sa, —jö̧ba̧lö yöa̧linobe Diosma Samuelnö, bitemaökö jö̧ba̧lö.

Juan 12:47

Ötjö yötawi̧ a̧ja̧kwö ja̧böködönö lȩekwa yötawokobe. Jejenö lȩekwa jawa yötawoböma chichijökötö böjȩkwöma. Böjȩ jojodö tjö̧jibinö pjatatoböda chichijatö.

Juan 7:24

Yökawaduwi̧ma, Biya̧ ja̧awa otiwa, biya̧ ja̧awa sula, jö̧ba̧lö, jweinö yökawaduwokobe. Juluwanö, wame jawa edöda kwomukwataduwobe, Ja̧ma sula, sulabenö ja̧a, jö̧ba̧lö. Jejenömaökö. Jojodö tjomajade okwa tjomukwati̧ kwöwaisaduwobö kwisakwaduwo, jweinö, waisachibö yökawaduwobö— yöawinobe Jesúsma judío jojodönöma.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

Juan 18:36

—Böjȩma ötjöma webö chö̧bököjȩ. Böjȩma ötjöma webö chö̧böjȩ ji̧tjö̧ma chöba̧ja̧di̧ waisachadöma judío jojodönöma ölakwabikwawö kwakwatjakwawena, ötjönö iyö lotjapji jö̧ba̧lö. Jo̧kwaijayonö böjȩma ötjö webö chö̧bököjȩ— yöawinobe Jesúsma Pilatonö.

1 Corintios 2:15

Ja̧danö, okobe deinö Dios O̧'wo̧ Luwo̧nö juna̧ladöma, okobe jwiinö edö tjöwaisobö juna̧ladö, Aaa, biya̧ma mikwa ji̧, mikwawökö ji̧ jö̧ba̧lö. Ja̧danö, jejenö edö tjöwaisijayonö, Dios O̧'wo̧ Luwo̧nö juna̧löködöma jobadö juna̧ladönö edö tjöwaisoböma jwibadö, Aaa, bitema mikwawo̧, mikwawö̧kö̧ jö̧ba̧lö.

Romanos 2:1

Chömöledö, babe sulabenö ja̧badö ja̧tji̧ wene yöta̧laja̧ kwa̧ja̧kwaduwenama, idöma sulabedö jö̧ka̧laduwena, Diosma jobadönö lȩebitjö̧ma otiwena, sulabenö ja̧tji̧ mikwa, jö̧ba̧lö. Jejenö jö̧ka̧laduwenama, isabenö idöda jawada jö̧ka̧laduwokobe, i̧seböbi kwi̧sekwaduwobe, Dios ökwödönöbi lȩebobö jo̧be, jö̧ba̧lö. Jobadö ja̧tji̧ma, sula jö̧ba̧lö kwöwaisaduwijayonö, ja̧tji̧danö ja̧badöja ökwödöbi. Ja̧danö, Diosma ökwödönöbi lȩebobö jo̧be, jö̧ba̧lö kwi̧sekwaduwobe.

Juan 8:11

—Bakwo̧bi deobe, Chuluwo̧— jö̧ja̧liökwe: —Ökwönö lȩebakwawa ötjöbi yötawokobe. Kwejube daji. Yemidanö suli̧ ja̧köboko— weinobe Jesúsma jobujunöma.

Santiago 2:4

Chö̧ja̧wo̧dö, jejenö kwomukwataduwitjö̧ma ¿otiwanö kwomukwataduwenaji̧? Otiwökö. Jejenö, Bidöma otiwadö, bidöma sulabedö, jö̧ba̧lö, kwedaduwitjö̧ma kwo̧'wo̧ luwo̧duwinö sulabenö omukwatö kwedaduwobe. Jojodönö, juna̧ladönöbi, jwibadönöbi bakwainö kwedaduwobö jo̧be chö̧ja̧wo̧dö.

Lucas 12:14

Yöa̧lökwe Jesúsma atadinobe: —Chömöledöso̧, jejenö webö̧kö̧sa ötjöma. Ötjöma ja̧ weawa luwo̧ baibanöma tjujuninökökwesa— jö̧ba̧lö.

2 Corintios 5:16

Jo̧kwajabetjö̧ chömöledö, jojodönö domukwatenama, böjȩ jojodö wame jawa tjomukwati̧danöma domukwatokobe babema. Jau chömöledö, isabenö ajayinöma jojodö tjomukwati̧danö, wame jawada domukwatijatö, ja̧danö ajayinö Jesúsnö dedenama, wame jawada omukwatö dedijatö, böjȩ jojo jö̧ba̧lö. Jo̧kwaijayonö babema sule wame jawadama omukwatöködösa.