Juan 7:48 - Dios Iwene

⁴⁸ Ökwödö la'aka luwedötjöbi, ökwödö fariseo jojodötjöbi, jo̧banö ösödo̧ma bakwo̧bi deobe.

Juan 7:48 Referans Kwoze

Juan 12:42

Baikwö iwȩyudinobe Isaíasma: Jojodöma tjöpöjödakobe Jesúsnöma, jö̧ba̧lö. Ja̧danö, Isaías iwȩyudinadanö jojodöma tjöpöjödinobe Jesúsnöma. Jo̧kwaijayonö jojodötjö ju'wedöma tjösödinobe. La'aka luwedötjöbi ju'wedöma tjösödinobe. Jobadöma Jesúsnö tjösödijayonö yebabinö yötjawinokobe fariseo jojodö jobadönö judío jojodö ba̧nö tja̧ja̧kwa̧lejutjö labebö lotjapji jö̧ba̧lö. Yemidanö ba̧nö tja̧ja̧kwa̧leju okwa tetjachobö jwiapji jö̧ba̧lö, yötjawinokobe, Jesúsnö dösöda, jö̧ba̧löma.

1 Corintios 2:8

Chömöledö, okobe deinö böjȩ luwedöma ja̧ Dios omukwati̧ma la'akatjöda wajwitjinobe. Isabenö yötawa, tjöwaisinatjö̧ma towisa'onö bȩtjoko jö̧tja̧linobe salöinö juluwo̧ Duluwo̧nö.

1 Corintios 1:20

Ja̧danö, jejenöobetjö̧, böjȩ jojodötjö waisadöma, ¿isabenö waisadötjobeji̧? Ja̧danö, nöinö waisachadöma ¿isabenö waisadötjobeji̧? Ja̧danö, nöinö ba̧nö yöa̧lakwawa luwedöma, ¿isabenö waisadötjobeji̧? Jobadöma isabenö waisadömaökö chömöledö. Diosma baikwö i̧sebinobe chömöledö, böjȩ jojodö: Aaa, biya̧ma waisakwawa ji̧ jö̧ba̧lö tjomukwati̧ma, isabenö waisakwawa jwii̧ jö̧ba̧lö.

Juan 7:26

Jo̧kwaobetjö̧ kwabö lotjobö tjomukwatobema ¿dakwö yöawobö benama, okobe deinö tjö̧jobema? ¿Tajawedö la'aka luwedöma yöawobö wetjobeda? Jobadöma tjomukwatena, Bitema Dios weinökwe, jojodö tjö̧jibinö pjaatobö weinökwe, jö̧ba̧lö.

Hechos 6:7

Ja̧danö, Jesúsnö ösödadöma kabatökönö yöbawiabijadötö Dios iwenema. Jerusalénnö ju̧kwadöma kabatökönö ju'wedö ju'wedöbi Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, Jesúsnö ösödadö baibanö, ba̧jekwadö babibijadötö. Ba̧jekwadö Diostjö jojodötjö ö'weje pjabatadöbi Jesúsnö ösödadö Dios iwene yötjawobe a̧ja̧kwö do̧batö emijadötö Jesúsnöma.

Juan 7:50

Ja̧danö fariseo jojodötjö bakwo̧, Nicodemo mikwo̧ ö̧jinobe, belö Jesús ö̧jobekwö yö̧te yöba̧lö 'yi̧nama. Jo̧bama jö̧a̧linobe ju'wedö fariseo jojodönö:

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Lucas 23:13

Ja̧danö, Jesús yemidanö Pilato öba a'o ö̧jobö tjichejebiökwe, Pilatoma jwöbö oko̧ko̧dinobe ö'weje pjabatadö la'aka tjuluwedönöbi, jojodö tjuluwedönöbi, ju'wedö jojodönöbi,

Juan 3:1

Bakwo̧ ö̧jinobe, Nicodemo mikwo̧, fariseo jojo, judío jojodötjö la'aka luwo̧.

Juan 7:49

Jo̧kwaijayonö ju'wedöma, ba̧jekwadö, jo̧banö tjösödobe. Jobadöma da'dödömine wetjina wajwibadö. Jo̧kwaobetjö̧ jobadöma Dios lȩebakwawö̧— jö̧tja̧linobe fariseo jojodöma.