Juan 7:41 - Dios Iwene

⁴¹ Ja̧danö, ju'wedöma, Bitema Dios weinökwe, jö̧ba̧lö, tjösödinobe. Jo̧kwaijayonö ju'wedöma wainö omukwatö jö̧tja̧linobe: —Bitema Galilea jojo, Dios weiökökwe. Dios weakwo̧ma Galileabetjö ichokobe.

Juan 7:41 Referans Kwoze

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

Juan 1:46

Jejenö yöawökwe: —¿Dakwö baibajö?— jö̧a̧linobe Natanaelma—. Nazaretnöma jo̧kwadabedöda tjuju̧kwobe— jö̧a̧linobe. Ja̧ jö̧ba̧löma, Jobe jö̧kö̧ Moisés iwȩyudinökwema, Dios yöawi̧ yöbawinadö tjiwȩyudinökwema, jö̧ba̧lö, omukwatinobe Natanaelma. Jejenö jö̧a̧lökwe Felipema Natanaelnö öibinobe: —Kwedo ichi— jö̧ba̧lö. Ja̧danö, Natanaelma Felipekwö Jesús ö̧jobekwö i̧'yinobe.

Juan 7:31

Ja̧danö, jojodötjö ju'wedöma tjöpöjödijayonö, ba̧jekwadö Jesúsnö tjösödinobe. Jobadöma ösödö jö̧tja̧linobe: —Bitema Dios ujulu nöinö i̧sebobe dedijatö. Ja̧danö, Dios weinökwe, jojodö tjö̧jibinö pjaatobö weinökwema, jejenö i̧sebo̧ ¿jö̧tö? Jo̧kwaobetjö̧ dedemi biteda Dios weinökwema— ösödö jö̧tja̧linobe.

Juan 6:69

Ökwö yökawi̧ a̧ja̧kwö dösödijatö, Jweinö yöbawo̧, jö̧ba̧lö. Döwaisachibijatö, Ökwöma suli̧ jwibo̧ja, Dios weinökweköbobetjö̧, jö̧ba̧lö— jejenö atadinobe Simón Pedroma.

Juan 4:42

Ja̧danö, yötjawinobe tjömöledösujunö: —Ajayinöma sule ökwö yökawi̧da a̧ja̧kwö dösödijatö bitenöma. Babema bite yöawi̧ a̧ja̧kwö, ökwödöda omukwatö dösödanö, Isabenö böjȩnö ju̧kwadö tjö̧jibinö pjabato̧— jö̧tja̧linobe Samaria jojodöma tjömöledösujunöma.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Juan 4:25

Ikenama, jobujuma jö̧ja̧linobe Jesúsnö: —Ötjöma chöwaisa, Dios weakobe dö̧jibinö otido̧nö, jö̧ba̧lö. Jo̧ba, Dios weakwo̧ma ichakobe. Jo̧bama Cristo, jö̧ba̧lö, ötjabökwe. Jo̧ba ichenama okobe jwiinö i̧sebakobe ökwödö döwaisachibanö— jö̧ja̧linobe.

Juan 1:49

—Ba̧ja̧dakwawa jojo, ökwöma Dios Itji̧ja. Ökwöma Israel jojodö tjuluwo̧ja— jö̧a̧linobe Natanaelma.

Juan 1:41

Ja̧danö, jo̧bama ju'wi dewachö, te'ada̧lökönö jobetjö i̧'yinobe, öpöe Simón Pedronö yöbawö. Ja̧danö, öpöenö yöawinobe: —Chöpöe, döbadekwanötö, Dios jojodö tjö̧jibinö pjaatobö weinökwenö— yöawinobe Andrésma öpöe Simón Pedronö.

Juan 7:27

Jo̧kwaijayonö bite iteboma döwaisa. Döwaisa ichajobema. Jejenömaökö Dios weakwo̧ma. Dios weakwo̧, jojodö tjö̧jibinö pjaatakwo̧ ichenama wajwidakwedösa iteboma—jö̧tja̧linobe jojodöma.