Juan 7:28 - Dios Iwene

²⁸ Ja̧danö Jesús, Dios eju okwa ja̧nö, jojodö tjomukwati̧ waisö labinö yöawinobe: —Isabenö ¿ötjönö kwöwaisaduwiji̧? Ötjö chitebo kwöwaisaduwiji̧, ötjö chichinemima?— abebö a̧ja̧kwinobe—. Ötjö chomukwati̧da ja̧tobö chichinokobe baima. Ötjöma Dios, isabenö jo̧ weinökwesa. Chedemi ökwödöma jo̧banö wajwiköbaduwobe— yöawinobe—.

Juan 7:28 Referans Kwoze

Juan 8:42

—Dios ökwödö kwabe'doduwi ö̧jitjö̧ma, ötjönö kwösödaduwena, jo̧ba ö̧jobetjö böjȩkwö ichino̧chobetjö̧. Jo̧ba wei̧da a̧ja̧kwö chichijatö böjȩkwö. Ötjömaö̧kö̧, Jojodö tjujukwobekwö chi̧'yobö jö̧ta̧la, jö̧ba̧lö, omukwatinökösa. Jejenömaökö. Chabe'do Diosda weinökwesa ötjöma— Jesús yöawinobe.

Juan 8:19

Jejenö jö̧a̧liawö̧: —¿Kwabe'doma daida?— atjebiökwe: —Ökwödöma yelösöda ötjönöbi, Chabe'donöbi wajwibadöja. Ötjönö kwöwaisaduwitjö̧ma Chabe'donöbi kwöwaisaduwena— jö̧a̧linobe Jesúsma,

Juan 8:26

Ja̧danö, ökwödö kwusuladuwi̧ edö lȩekwa wene yötawobö ji̧jayonö babema jejenöma yötawokobe. Babema ötjönö webinanöda, jo̧ba yöawi̧da yötawobe böjȩ jojodönö. Jo̧ba webinama isabenö jo̧— jö̧a̧linobe Jesúsma.

Juan 8:14

—Ötjödada yöta̧lijayonö, omönama yöta̧lokobe. Ötjöma chichinemibi, chi̧'yakwemibi waiso̧sa. Jo̧kwaobetjö̧ yötawaduwakwö, ötjö yöta̧li̧ma omöna yöta̧lokobe. Jo̧kwaijayonö ökwödöma, ötjö chichinemibi, chi̧'yakwemibi wajwiköbaduwobe.

Juan 17:3

Ja̧danö, ba̧kwȩlö̧jatebö ja̧kwawa juna̧ladöma, ökwönö waisö, Diosma Isabenö Jo̧, jö̧ba̧lö, ösödadö. Ja̧danö, ba̧kwȩlö̧jatebö ja̧kwawa juna̧ladöma ötjö, Jesucristonöbi waisö ösödadö, ökwö weköbinökwenöma— aebinobe—.

Juan 12:49

Ötjöma ötjö chomukwati̧da yötawokobe. Dabe'do Dios yötawobö wei̧da yöbawo̧sa.

Juan 5:43

Ja̧danö, Chabe'do weinobe ötjönöma, böjȩkwö chichobö. Böjȩkwö chichobö weinajayonö kwöpöjödaduwobe ötjönöma. Jo̧kwaijayonö, jelo̧, itedada omukwati̧ omukwatö icho̧nö edö, Iteda Dios weinökwe, jö̧ba̧lö, jo̧banö kwösödaduwobe.

Mateo 11:27

Jojodönö yöawinobe Jesúsma: —Chömöledö, chabe'doma okobe jwiinö ötjönö iyajabe, la'aka luwo̧ batibanö. Ötjönö Dios itji̧nö isabenö waiso̧ma bakwo̧da chömöledö, Chabe'do Diosda, ja̧danö Chabe'do Diosnö waisadöma, sule ötjö Dios itji̧da, ja̧danö ötjöda chösödi̧danö chi̧sebawö̧da— jö̧ba̧lö yöawinobe.

1 Juan 5:10

Ja̧danö chö̧ja̧wo̧dö, Jesúsnö ösödo̧, Jesúsma Dios Itji̧, jojodö tjö̧jibinö pjaatobö weinökwe, jö̧ba̧lo̧ma öwaisobe o̧'wo̧ luwo̧nö, Diosma jweinö yöawinobe Itji̧nöma, jö̧ba̧lö. Jo̧kwaijayonö Dios yöawi̧ öpöjödo̧ma, Diosma omöna yöbawo̧, jö̧ba̧lö, yöa̧lobe, Dios iteda Itji̧nö yöawina öpöjödobetjö̧.

Hebreos 6:18

Chömöledö, Dios jejenö yöbawö junö jö̧a̧lina omukwatö ökwödönö pjaatobe domajadenö, Dios yöbawö junö jö̧a̧li̧danö isabenö badekwachakobe. Balewachökakobe, jö̧ba̧lö. Ja̧danö dötölataja jawa, balewachökö jawa, laebobe Dios jejenö yöbawö ujuninatjö. Abönö jawa biya̧: Diosma yöbawö ujuninobe, Pjatatocha, jö̧ba̧lö. Döwaisa, Diosma omöna yöba̧lökö ¿jö̧tö? Jo̧kwaobetjö̧ döwaisa, Dios jö̧a̧li̧ma balewachökakobe. Isabenö badekwachakobe, jö̧ba̧lö. Jemi ikenama Dios ju'wi jawabi jö̧a̧linobe, wanedakwawö yöbawö. Ötjö jö̧ta̧li̧danö badekwachökötjö̧ma ötjöda jawa. Ja̧danö ötjödada lȩtebakwawakwo̧sa, jö̧ba̧lö, wanedakwawö yöawinobe. Jejenö a̧ja̧kwö döwaisachiba chömöledö, Dios jö̧a̧li̧ma la'akatjöda balewachökakobe, jö̧ba̧lö. Do̧'wo̧ luwo̧ okwanö ösöwö, juluwachibanö ja̧dösa chömöledö, Dios jö̧a̧li̧danö isabenö badekwachakobe, jö̧ba̧lö. Chömöledö ja̧ dötölataja jawa, Dios yöbawö ujuninabi̧, Dios ja̧ wanedakwawö yöawinabi la'akatjöda balewachökakobe. Jo̧kwaobetjö̧ chömöledö ökwödö, Dios ö̧jobekwö döbibajinadöma, jo̧banö do̧'wo̧ wana̧lö, do̧'wo̧ luwo̧ okwanö ösöwö juluwachibanö di̧'yaduwo, Ökwödöma Dios yöbawö ujunina badekwachakwa̧ te'ada̧ladösa, jö̧ba̧lö. Jelobekwö domukwatobö jwiobe, Aaa, Dios jö̧a̧linadanö badekwachökena, jö̧ba̧lö. Isabenö chömöledö, Diosma omöna yöawoböma jwibo̧. Jo̧ba yöbawö ujuninadanö, wanedakwawö yöawinama isabenö badekwachakobe. Jo̧kwaobetjö̧ ökwödö jo̧banö do̧'wo̧ wana̧lö di̧'yobö jo̧be, do̧'wo̧ luwo̧ okwanö ösöwö juluwachibanö, Dios yöbawö ujuninama balewökönö waekwökakobe, jö̧ba̧lö.

Tito 1:2

Ja̧danö, Dios omudawö ujuninawö̧nö chöba̧ja̧dobe, Diosnö tjo̧'wo̧ wana̧lö tjomukwatobö, Aaa, isabenö ökwödöma ba̧kwȩlö̧jatebö ja̧kwawa dujuna̧lakwedösa, Dios jö̧a̧li̧danö, jö̧ba̧lö tjomukwatobö. Ja̧ ba̧kwȩlö̧jatebö ja̧kwawa dujuna̧lakwa̧ wenema omöna yöba̧lö̧kö̧ Diosma yöbawö ujuninobe, ina böjȩ otidakwa̧ abönö.

2 Corintios 1:18

Chömöledö, kwöwaisaduwa, Dabe'do Diosma jweinö yöba̧lo̧, omöna yöba̧lö̧kö̧, ¿jö̧tö? Ja̧danö, Dios jweinö yöa̧li̧danö jweinö yötawaduwakwö chömöledö, dötölatajanö waedabinöma yöba̧lö̧kö̧sa chömöledö, ba̧kwȩlö̧jatebö jweinöda yöta̧lobö chisakwobe chömöledö.

Romanos 3:4

Ja̧maökö chömöledö, okobe deinö böjȩ jojodö jö̧tja̧li̧ waekwijayonö, Diosda kabatökönö jö̧a̧li̧danö ja̧bo̧ma chömöledö. Dios iwene wȩyudinama, biya̧ wene iwȩyudinobe, Diosnö iwȩyudenama. Baikwö iwȩyudinobe: Dios, ökwö yöka̧lenama, otiwanö öwawachibakobe, jweinöda yöba̧lo̧ja jö̧ba̧lö. Ja̧danö, lȩekwa luwedö tjöba a'otjö yöka̧lenama, lȩekwa luwedöbi yötjawakwedö, Bitema isabenö jweinö yöba̧lo̧, jö̧ba̧lö, jö̧ba̧lö iwȩyudinobe.

Romanos 1:28

Chömöledö, bidöma, Diosnö tjomukwatoböma tjöpöjödobe. Ja̧danö, sulabeda tjomukwatiökwe jobadönö kaatibobe Diosma, Wainö sulabenö tjomukwati̧da ja̧bö ju̧kwadö, jö̧ba̧lö. Jo̧kwajabetjö̧, taba lö̧ji̧ jojodö ja̧awökö jawada i̧sebö ju̧kwadö.

Hechos 17:23

Bemi kwiteboduwi kwebachö chedijatö kwo̧'wo̧ kwöwana̧laduwi̧ juwö iyajiköbaduwemima. Ja̧danö, bakwemi chedijatö, Bemima wajwidökwenö do̧'wo̧ döwana̧lemi, jö̧ba̧lö, wȩyukwobe. Babema yötawa ökwödönöma. Jo̧banöda, ökwödö wajwiköbaduwonö kwo̧'wo̧ kwöwana̧laduwökwenöda yötawa.

Juan 17:25

Jweinöda Omukwato̧ Chabe'do, sule bö̧jȩda jojodöma ökwönö wajwibadö. Jo̧kwaijayonö ötjöma chöwaisa ökwönöma. Ja̧danö, böjȩ jojodöma wajwitjijayonö, bidö, chöba̧ja̧di̧ waisachadöma tjöwaisobe, Diosma Jesúsnö weinobe, jö̧ba̧lö.

Juan 16:3

Jobadöma Dabe'do Diosnöbi, ötjönöbi wajwitjobetjö̧ jejenö inia tjököbaduwinö ja̧tjakobe.

Juan 14:31

Ja̧danö, ötjöma Chabe'do ötjönö weina otiwanö chö̧jakwo̧sa böjȩnö ju̧kwadö tjöwaisachibobö, Isabenö itema abe'donö jwiinö ile nibebo̧, jö̧ba̧lö. Tjo̧wi̧ta belöma di̧'yaduwo— yöawinobe Jesúsma öba̧ja̧di̧ waisachadönöma.

Juan 14:10

Felipe ¿wajwiköbiji̧? Dabe'do Diosbi, ötjöbi bakwo̧dabo̧sa. Ötjö yötawi̧ma ötjöda chomukwati̧ma yötawokobe. Dabe'do Dios yöawi̧da yöbawo̧sa. Bakwo̧dadobetjö̧ ötjö otidi̧ma Dabe'do Diosda otidobe, iteda ösödi̧ma—yöawinobe Jesúsma—.

Juan 10:36

¿tajawedö, Ötjöma Dios Itji̧sa, jö̧ba̧lö yöta̧lena jwökeba̧laduwobeda, Ökwöma sulabenö yöka̧la, jö̧ba̧lö? Ötjöma Dabe'do Dios omudawö böjȩkwö weinökwesa, jo̧ba wei̧ otidö chö̧jobö.

Juan 8:16

Jejenö, jojodö ja̧tji̧ yötawököjayonö, yötawitjö̧ma jweinö yötawena. Ötjöma jo̧dawa'ye edö yöbawö̧kö̧sa. Ötjökwö, ötjönö webinakwö, du̧ju̧taja yöbawadösa.

Juan 5:32

Jo̧kwaobetjö̧ jelo̧bi ötjö jawa yöbawo̧ma ö̧jobe. Ja̧danö, jo̧ba yöawi̧ma isabenö yöawobe. Jo̧bama Dios. Ja̧danö, chöwaisa, Diosma ötjö jawa yöawi̧ma isabenö yöawobe— yöawinobe Jesúsma.

Juan 3:33

Jo̧kwaijayonö jojodötjö ju'wedöma jo̧ba yöawi̧ a̧ja̧kwö tjösödobe, Jweinö yöbawo̧, chösödökwe, jö̧ba̧lö. Jobadöma, Dios isabenö jo̧, jö̧ba̧lö, yöbawadö.

Juan 3:2

Ja̧danö, jo̧bama Jesús ö̧jobekwö i̧'yinobe, yö̧te ja'ö. Ichibö jö̧a̧linobe Jesúsnö: —Ba̧ja̧dakwawa jojo, döwaisa ökwönöma, Dios weinökweja, jö̧ba̧lö, jojodönö kwöba̧ja̧dobö weinökweja, jö̧ba̧lö, ökwöma— jö̧a̧linobe—. Ökwöma Dios ujulunö i̧sebo̧ja, Diosma ökwökwö pjabatö ö̧jobetjö̧. Jelo̧ Dios weinökökwema, jejenöma i̧sebö̧kö̧, ökwö kwi̧sebi̧danöma— jö̧a̧linobe Nicodemoma.

Juan 1:46

Jejenö yöawökwe: —¿Dakwö baibajö?— jö̧a̧linobe Natanaelma—. Nazaretnöma jo̧kwadabedöda tjuju̧kwobe— jö̧a̧linobe. Ja̧ jö̧ba̧löma, Jobe jö̧kö̧ Moisés iwȩyudinökwema, Dios yöawi̧ yöbawinadö tjiwȩyudinökwema, jö̧ba̧lö, omukwatinobe Natanaelma. Jejenö jö̧a̧lökwe Felipema Natanaelnö öibinobe: —Kwedo ichi— jö̧ba̧lö. Ja̧danö, Natanaelma Felipekwö Jesús ö̧jobekwö i̧'yinobe.

Lucas 10:22

Ikenama Jesúsma yöawinobe: —Chömöledö, Chabe'doma okobe jwiinö ötjönö iyajabe, la'aka luwo̧ batibanö. Ötjönö Dios itji̧nö isabenö waiso̧ma bakwo̧da chömöledö, Chabe'do Diosda, ja̧danö Chabe'do Diosnö isabenö waiso̧ma sule ötjö Dios Itji̧da, ja̧danö ötjöda chösödi̧danö chi̧sebawö̧da— jö̧ba̧lö yöawinobe Jesúsma.

Lucas 2:51

Ja̧danö jemi ikenama, Jesúsma jobetjö labebö, jobadökwö Nazaretbe ȩwa̧jinobe, ja̧danö, jobadökwö ja̧nö otiwanö wetji̧ a̧ja̧kwö ö̧jinobe. Ja̧danö, ojo'do Maríama okobe jwiinö ja̧ Jerusalénnö baledina jawa jomajadenö omukwatö jö̧jinobe, ¿dakwö jö̧ba̧lo̧jö? jö̧ba̧lö.

Lucas 2:39

Ja̧danö Josébi, Maríabi okobe jwiinö Duluwo̧ weinasa'ye laebi̧danö ja̧tjinobe, ja̧danö ja̧bö kabatajadö, tjitebobe Galilea niji comunidad Nazaretbe tjȩwa̧jinobe.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Lucas 2:4

Ja̧danö, emperador jejenö weibiökwe, Joséma a'dömine David itebo comunidad Belenbe wȩyukwö i̧'yobö ji̧nobe, Joséma Davidmine itji̧ tupadanö jojoinobetjö̧. Jo̧kwajabetjö̧, itebo Galilea niji comunidad Nazarettjö labebö, Judea niji comunidad Belenbe i̧'yinobe jobetjö iwȩyukwobö,

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

1 Samuel 2:12

Eli i̧tji̧muma, isabenö sulabenö otidö tjö̧jinobe. Diostjö jojodötjö tjö'da̧de pjabatö tjotidinajayonö, Isabenö Jo̧nö otiwanöma tjomukwatinokobe, ja̧danö wei̧ma tja̧ja̧kwinokobe.

Juan 7:14

Ja̧danö, pjiesta ö'wejenö baledena Jesúsma ichibö teachinobe Dios eju okwa, yöbawö.

Mateo 26:55

Ikenama, Jesúsma jo̧banö do̧tjatobö ichajadönö abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧? Mölekwena Dios ejutjö ba̧nö jojodönö chöba̧ja̧dijatö. ¿Tajawedö jobetjö ötjönö do̧katinaduwöködaja̧?

Juan 6:42

Öpöjödo yötja̧lakwawinobe, idödada: —Bitema José itji̧ Jesús ¿jö̧tö? Abe'donöbi, ojo'donöbi döwaisobe. ¿Dakwö yöba̧lo̧, mölejȩbetjö ichino̧sa, jö̧ba̧lö?— öpöjödö yötja̧lakwawinobe.

Juan 9:29

Dios Moisésnö yöawinama döwaisa. Jo̧kwaijayonö ¿jo̧ba Jesús? Jo̧ba ichinabi wajwibadösa—jö̧tja̧liökwe: