Juan 7:18 - Dios Iwene

¹⁸ Bakwo̧ iteda ösödi̧, iteda omukwati̧ yöbawo̧ma o̧'wo̧ luwo̧ okwa sulabenö omukwato̧, itedada ösödi̧ma. Jojodö itenöda ösödö, Bitema jwiinö waiso̧, jö̧ba̧lö, tjomukwatobö isakwo̧. Jo̧kwaijayonö bakwo̧, jo̧banö webo̧ ösödi̧da ja̧bo̧ma, o̧'wo̧ luwo̧ okwa otiwanö omukwato̧, jojodöma webo̧nöda tjösödobö isakwö. Jobama jweinöda yöbawo̧— yöawinobe—.

Juan 7:18 Referans Kwoze

Juan 5:41

Ina yöawinobe: —Ja̧danö, böjȩ jojodö ötjönö ösödö otiwanö yötja̧loböma chisakwokobe— yöawinobe—.

1 Tesalonicenses 2:6

Ja̧danö jojodö ökwödönö otiwanö tjomukwatoböma yödawijökötö. Jau chömöledö, ökwödö otiwanö kwomukwataduwobö, ja̧danö ju'wedöbi otiwanö tjomukwatoböma yödawijökötö. Ja̧danö, Cristo webawedödobetjö̧, ökwödönö adebo jö̧da̧linena, ökwödönö pjabatö kwite'ada̧laduwo jö̧ba̧lö. Jo̧kwaijayonö, jejenö abebökönö dösölö̧jinö te'ada̧lö pjadatijatö ökwödönö, bakwuju ji̧tji̧munö jite'ada̧li̧danö.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

1 Pedro 4:11

Baikwö yötawa: Yöbawadöma, Dios yöawi̧ yötjawobö jo̧be, ja̧danö pjabatadöma, Dios ujulunö pjabatö tjö̧jobö jo̧be. Jejenö Dios iyinadanö ja̧bö kwö̧jaduwenama, Diosda ökwödönötjö pjaatobe jojodönö chömöledö. Ja̧danö Dios pjaati̧ edö okobe deinö Diosnö tjösödakobe, Jesucristo midawö woinobetjö̧ otiwanö pjabato̧ja jö̧ba̧lö. Jau chömöledö, Dabe'do Diosda ba̧kwȩlö̧jatebö dejatinö juluwo̧ma ja̧danö jo̧bada inesö la'aka luwo̧ma, babebi ba̧kwȩlö̧jateböbi, jejenö otiwa.

Mateo 6:9

Jo̧kwajabetjö̧, Diosnö akebaduwenama, baikwö akebaduwo chömöledö: Mölejȩbe jo̧ Dabe'do, jojodö otiwanö ökwönö tjomukwatobö dösöda, Diosma isabenö suli̧ jwibo̧ jö̧ba̧lö.

Proverbios 25:27

Ju'wibi jwebebö yötawa: Wa̧yo̧ nöinö nȩköboböma sulobe. Ja̧danö, ju'wi jawabi sulobe, jö̧ba̧lö, wanedö yötawa: Bakwo̧ma ömöledönö itenöda otiwanö yöba̧lö tjösödoböda isakwobe. Jao, ömöledöma jo̧banö, otiwanö jo̧ja, jö̧ba̧lö, otiwanö omukwato̧ja, jö̧ba̧lö, waiso̧ja, jö̧ba̧lö yötja̧lobö isakwo̧. Isabenö yötawa: Jobekwö isakwi̧ma sulobe.

Juan 11:4

Jesúsma jo̧ba yöawi̧ a̧ja̧kwö jö̧a̧linobe: —Ja̧ ö'wöchi̧tjö ö'wö baibökakwo̧ Lázaroma. Ja̧ ö'wöchi̧ baledi̧ma jojodö Dios ujulu i̧sebi̧ tjedobö ö'wöcho̧ jo̧bama. Ja̧danö, ötjö, Dios Itji̧, ötjö chujulu chi̧sebi̧bi tjedobö ö'wöchi̧ma baledobe jo̧banöma— jö̧a̧linobe Jesúsma.

Juan 8:54

Jejenö abebö tja̧ja̧kwiökwe: —Ötjödada, Jwiinö otiwo̧sa, jö̧ba̧lö, chomukwatitjö̧ma mikwawökena. Jo̧kwaijayonö ötjö chomukwati̧maökö. Chabe'do Diosda jejenö yöawobe ötjönöma, Bite chitji̧ma, jwiinö otiwo̧, jö̧ba̧lö. Jo̧bada, ökwödö, Dabe'do Dios, jö̧ba̧lö, ökabiduwökweda jejenö yöawobe ötjönöma— yöawinobe Jesúsma judío jojodötjö la'aka luwedönöma—.

Juan 12:43

Yötjawinokobe idödada tjomukwatinobetjö̧, Aaa jojodö ökwödönö otiwanö tjedoböma dösöda, jö̧ba̧lö. Ja̧danö, tjomukwatinokobe Dios edi̧ma jobadönö. Jobadöma Dios edemitjö o̧penönö tjösödinobe jojodö tjedi̧, jobadö la'aka luwedöma.

1 Juan 2:29

Chö̧ja̧wo̧dö kwöwaisaduwa, Cristoma jweinöda omukwato̧, jö̧ba̧lö. Jo̧kwaobetjö̧ Cristo jweinö omukwati̧danö jweinö omukwatö ja̧döma tji̧sekwobe, Ökwödöma Dios i̧tji̧musa, jö̧ba̧lö. Jau chö̧ja̧wo̧dö, Dios i̧tji̧muma Cristo jweinö omukwati̧danö jweinö omukwatö ja̧dö. Jo̧kwaobetjö̧ jejenö kwö̧jaduwo chö̧ja̧wo̧dö, Dios i̧tji̧mu tjö̧jobö ji̧ma, jweinö omukwatö, ja̧danö Cristokwö dötewinö 'ya̧nö. Jejenö kwö̧jaduwobetjö̧ taba jwiinö kwedaduwakwedöja Cristonö, yemidanö ichenama.