Juan 6:9 - Dios Iwene

⁹ —Bena bakwo̧ tjemu ujuna̧la pan, sebacatjö otikwa pan, bakwamu jawa ö̧pji̧ya. Ja̧danö, ba̧i̧ du̧ju̧tajanöbi ujuna̧la— jö̧a̧linobe—. Jo̧kwaijayonö ja̧ ujun, a̧li̧ma ja'yube. Okobe deinöma tjukwökena— jö̧a̧linobe Andrésma Jesúsnö.

Juan 6:9 Referans Kwoze

Lucas 9:13

Yötja̧liökwe, Jesúsma atadinobe: —Ökwödöda tju̧kwa kwakwawa iyaduwi tjukwobö— jö̧ba̧lö atadinobe Jesúsma. Jojodö ba̧jekwadö jobe tjö̧jinobe, jobadötjö ömadöda cinco mil jenanö tjö̧jinobe, jo̧kwajabetjö̧: Jobadönö kwakwawa kwiyaduwo, jö̧ba̧lö Jesús yöa̧liawö̧, Jesús webawedöma tjatadinobe: —Duluwo̧, bidönö kwakwawa diyoböma jwibadösa, sule pan ö̧pji̧ya bakwamu jawa ö̧pji̧yada, ja̧danö ba̧i̧ du̧ju̧tajanöda dujuna̧lobe. Sule kwakwawa emö di̧'yitjö̧da bidönö diyobö dujuna̧lena, babe dujuna̧li̧tjö bidönö diyobö jwidobe— jö̧ba̧lö tjatadinobe. Jejenö yöta̧lijayonö, Jesúsma iteda webawedönö weinobe: —Jojodönö wainökwena cincuentakwena jenanö nijinö tjöbamatobö webaduwi— jö̧ba̧lö.

Marcos 6:38

jö̧tja̧liökwe jö̧ba̧lijetö Jesúsma: —¿Dokwa nöinö panma kwujuna̧laduwa? Ba̧ja̧dö edajaduwi—webijetö. Ikenama edö ȩwa̧jö jö̧ba̧lijadötö: —Panma bakwamu jawa ö̧pji̧yada dujuna̧la. Ja̧danö, ba̧i̧ma du̧ju̧tajanöda—jö̧ba̧lijadötö.

Mateo 14:17

Yöa̧lawö̧, tjatadinobe: —Kwakwawa jobadönö diyoböma jwibadösa, sule pan ö̧pji̧ya bakwamu jawa ö̧pji̧yada, ja̧danö ba̧i̧ du̧ju̧tajanöda dujuna̧lobe— jö̧ba̧lö.

Mateo 16:9

¿Ina chujulu kwöwaisachibaduwökiji̧? ¿Bakwamu jawa ö̧pji̧yatjö cinco milbedönö kwakwawa chiyina kwomukwataduwökiji̧? Jejenö chiyenama, ji̧baja̧ ¿dokwa ba̧jekwayu̧ wi̧lȩyu̧bi̧ya kwoko̧ko̧daduwinada?

Marcos 8:19

Pan jelemutjö bakwamu jawa ö̧pji̧yatjö nijawö jojodönö cinco mil jenanö chiyinama ¿kwo̧'wo̧ jwiköbinaduwaji̧? Ja̧ mölema ¿dokwa ba̧jekwa oyu̧ wi̧lȩyu̧bi̧yama pan u'yukwaja̧ma kweminaduwada?— abebö a̧ja̧kwijetö Jesúsma. Jejenö abebö a̧ja̧kwawö̧ atadijadötö: —A̧li̧nösamutjö doyu̧latajanö demijatö— atadijadötö.

2 Corintios 8:9

Isabenö pjabatö kwiyaduwobö otiwa chömöledö, baikwö yötawa: Kwöwaisaduwa chömöledö, Duluwo̧ Jesucristo mikwa jwiinö otiwanö iyina wenema, ¿jö̧tö? Jau chömöledö, jo̧bama nöinö ujuna̧linajayonö, ujuna̧li̧ junibö, jwibo̧danö usulaso̧ baibinobe, ökwödönö pjabatö. Jejenö baibinobe, ökwödöma jo̧ba usulaso̧ ö̧jinatjö nöinö juna̧ladö bakibaduwakobetjö̧.

Deuteronomio 8:8

Ja̧danö ju'wibi, ja̧ nijitjö trigobi, cebadabi otiwanö pokwö wa̧jo̧be, ja̧danö ubabi, higosbi, granadosbi, otiwanö wa̧jobe. Ja̧danö olivos towibiyabi otiwanö wa̧jobe jobema, ja̧danö wayo̧bi nöobe jobema.

Apocalipsis 6:6

Ikenama iwene ökwöi̧ cha̧ja̧kwijatö, tjöbajalebiya a̧tja̧bayedöda ju̧kwawö̧ tjuju̧kwemi ö'wejetjö ökwöobe. Biya̧ iwene ökwöi̧ cha̧ja̧kwijatö: —A̧wi̧chö̧lö̧ji̧ baledakobe. Baledena kwakwawama 'dö̧ibajakobe okobe deinö jojodö tjukwoböma. Ja̧danö, kwakwawa nöinöma jwiobetjö̧, nöinö mikwawakobe. Bakwöta möle otikwa jawabi emawökakobe, nöinö mikwawobetjö̧. Harina de trigo bakwöta kilobi emawökakobe. Ja̧danö, sebana wa̧pötakwa kilobi emawökakobe, bakwöta möle otikwa jawanöma. Jejenö ji̧jayonö o̧tebi, ubasobubi, jwiinö baibanöma ja̧köbaduwoko, jö̧ba̧lö— jejenö ökwöi̧ cha̧ja̧kwijatö.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 6:7

Ja̧danö Felipema atadinobe: —Idöma ba̧jekwadö. Balada nöinö, doscientos ö̧pi̧bi̧yabi dujuna̧litjö̧ma sule pjei̧kwena demena tjukwakwa̧ panma— atadinobe Felipema.

2 Reyes 7:1

Jobekwö yöa̧liökwe, Eliseoma yöawinobe: —Baikwö kwa̧ja̧kwo, Isabenö Jo̧ yöawi̧ma, baikwö yöawobe Isabenö Jo̧ma: –Itekwai babedajayenö, cinco kilos harinaso̧pja̧ otiwi̧ma, baladasa̧pi̧ platatjö otikwa̧pi̧ bakwapi̧nöda tjiyakobe. Jadanö diez kilos cebada jawama, baladasa̧pi̧ platatjö otikwa̧pi̧ bakwapi̧nöda tjiyakobe. Jobekwö mikwanö tjiyakobe itekwai mölema, Samaria comunidad apjudetjö, —jö̧ba̧lö yöawinobe Eliseoma.

1 Reyes 4:28

Ja̧danö, sule jojodö tju̧kwakwa̧da tjichejebinokobe, okobe deinö bakwo̧nökwena, tjichejobö weinadanö, kabayudö tjukwakwa̧ meje'yebi, cebadabi ichejebiatjinobe.

Deuteronomio 32:14

Ja̧danö tja̧jwi̧mu pa̧ka̧yadötjö lechesa'be tjowobö iyinobe, ja̧danö tja̧jwimu chivodötjö leche tjowobö iyinobe, ja̧danö obejadö o̧tewadönö tjukwobö iyinobe. Jau, Basan nijitjö ajikwakwawedö inesö otiwadö pakayadönöbi, obejadönöbi tjujuna̧lobö iyinobe, ja̧danö inesö otiwi̧ trigo tjukwobö iyinobe, ja̧danö inesö otiwobö ubasobu tjowobö iyinobe.

Juan 6:11

Ikenama Jesúsma pan emibö, Diosnö ösödö aebinobe, Otiwanö kwiyajabe, jö̧ba̧lö. Diosnö aebaja̧ ikena pan ö̧pji̧ya 'delawö iyabinobe jojodö ba̧jadönöma. Ja̧danö, ba̧i̧ du̧ju̧tajanöbi okobe deinö tjukwobö 'delawö iyabinobe, tjukwobö tjösödi̧da iyö.

Juan 21:9

Ja̧danö, tjolanö lamatö, isowitjö mebibö tjedemi ökwöla tjedinobe, ö̧kwö̧'i̧a̧tjöda ubola, ba̧i̧ söawola. Panbi tjedinobe.

Juan 21:10

Ja̧danö Jesús jobadönö aebinobe: —Jwoköbaduwajawö̧tjö iyaduwitjö— aebinobe.

Juan 21:13

Ikenama Jesúsma pan 'delawö iyabinobe jobadönöma. Ja̧danö ba̧i̧bi 'delawö iyabinobe.