Juan 6:70 - Dios Iwene

⁷⁰ Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.

Juan 6:70 Referans Kwoze

Juan 13:27

Ja̧danö Judas, panpja̧ do̧batö ukwena Awetjama Judas o̧'wo̧ luwo̧nö teachibinobe. Ikenama Jesús jö̧a̧linobe Judasnö: —Tjo̧wi̧. Kwomukwato jö̧ka̧laja̧ma juluwanö ja̧bi— weinobe Jesúsma Judasnöma.

Juan 13:2

Ja̧danö, ja̧ yi̧bena Jesúsma öba̧ja̧di̧ waisachadökwö tjukwinobe. Ömöayedötjö bakwo̧, Simón itji̧ Judas Iscariote mikwo̧ma ida̧ökö Jesúsnö iyö loakwa̧ma omukwatinobe, Awetja jejenö o̧'wo̧ sulinö edobö weinökweobetjö̧.

Juan 17:12

Ina aebinobe: —Bidö, ökwö kwiyinawö̧kwö ja̧nö ökwö kwujulunö te'ada̧liachijatö Chabe'do, tjo̧'wo̧ luwo̧nö jelobekwö tji̧'yapji, jö̧ba̧lö. Jo̧kwaijayonö bakwo̧ma jelobekwö ile'dewibijatö, ba̧kwȩlö̧jatebö usula emawakwo̧ baibanö. Jo̧banöma damötjö Dios yöawi̧ tjiwȩyudinobe. Ja̧ tjiwȩyudinama badekwachinö jo̧bama jelobekwö ile'dewibijatö— aebinobe Jesúsma Abe'donö—.

Juan 13:18

Ja̧danö, ökwödötjö okobe deinöma yötawökö. 'Da̧batö chujuninawö̧nöma chöwaisawö̧. Jo̧kwaijayonö ökwödötjö bakwo̧ ötjönö iyö loakwo̧ma. Jo̧bama benada bo̧, Dios iwene damötjö yöawinadanö badekwachakobetjö̧. Baikwö yöawobe Dios iwenema: Bakwo̧ ötjökwö kwo̧ma ötjönö iyö loakwo̧, jö̧ba̧lö, yöawobe Dios iwenema, damötjö tjiwȩyudinama.

Juan 6:64

Jo̧kwaijayonö ökwödötjö ju'wedöma öpöjödadöja, Bitema Dios weinökökweena, jö̧ba̧lö— yöawinobe. Ja̧danö, Jesúsma jobadökwö ajayinö jamatö ö̧jena öwaisinobe jobadötjö öpöjödadönö. Ja̧danö, öwaisinobe bakwo̧nö, itenöda iyö loakwo̧nöma.

1 Juan 3:8

Jau, sulabenö ja̧bökönö 'yo̧ma Dios wei̧ a̧ja̧kwö i̧'yobe. Jo̧kwaijayonö sulabenö ja̧bö 'yo̧ma Awetjada öibökwe, Awetjakwöda dötewinö 'yo̧. Isabenö chömöledö döwaisa, ajayitjöda babe baibanö Awetjama sulabenö ja̧böda jo̧, jö̧ba̧lö. Jo̧kwaobetjö̧ sulabenö ja̧bö 'yo̧ma ¿tikwö i̧'yobeda? Awetjakwöda dötewinö 'yo̧, Awetja sulabenö ja̧i̧danö ja̧bö. Ja̧danö chö̧ja̧wo̧dö, Dios Itji̧ma böjȩkwö ichinobe Awetjanö ujuluwobö, jo̧ba jojodönö sulabenö ja̧tjobö öibi̧ma juluwokobö.

1 Timoteo 3:11

Pjaatakwawa luwo̧ baibanö otidakwo̧ ilekwobi ja̧danö, otiwanö ja̧bö ju̧ju. Ja̧danö, jojodönö sulabenö yöba̧lökuju, ja̧danö nöinö nio ojwiyo owa̧lökuju.

Hechos 1:17

Jo̧ba Judasma, jejenö Jesúsnö iyö loinajayonö ajayinö ökwödökwö kwebachiainobe. Jo̧banöbi Jesúsma do̧batö ujuninobe, iteda weina otidobö, ökwödökwö.

Juan 15:19

Ökwödöma jojodö tjomukwati̧danö, böjȩ jawada omukwatö kwö̧jaduwitjö̧ma jojodöma ökwödönö tjösödena, Bidöma ökwödödanö omukwatadö, jö̧ba̧lö. Jo̧kwaijayonö ökwödöma böjȩ ja̧wada omukwatöködöja. Jejenö, böjȩ jawada kwomukwatiaduwiököwö̧ tjöpöjödakobe. Ja̧danö, ötjöma böjȩnö ju̧kwadötjö omudawö chujuninobe ökwödönöma, böjȩ jawa omukwatökönö kwo̧'wo̧ luwo̧duwi jawada omukwatadö bakibaduwinö ja̧bö. Jejenö ja̧nö kwomukwatiaduwiawö̧ yelösöda tjöpöjödakobe ökwödönöma—yöawinobe—.

Juan 15:16

Ja̧danö, ötjöma omudawö chujunijatö ökwödönöma ötjö chömöledö bakibaduwanö. Ökwödömaökö. Ötjönö omudawö juninöködöja. Ötjödasa. Ja̧danö, ökwödönö 'da̧batö chujunijatö ötjö yötawi̧ jojodönö yöbawö kwi̧'yaduwobö. Wanedö yötawa: Jojodöma ba̧jekwadö, nöinö wa̧ji̧danö, ökwödö yökawaduwi̧ a̧ja̧kwö ötjönö tjösödakobe. Ja̧ wa̧ji̧ma kököbachibö woökönö ba̧kwȩlö̧jatebö 'wa̧jakobe— wanedö yöawinobe—. Chömöledö, jejenö jojodönö yöbawö 'ya̧nö, okobe jwiinö ötjö chiminö Chabe'donö akebaduwinö jo̧bama a̧ja̧kwö pjaatakwo̧.

Juan 13:21

Jejenö yöawaja̧ ikena o̧'wo̧ tjo̧bekwibö yöawinobe: —Isabenö yötawa. Ökwödötjö bakwo̧ iyö loakobe ötjönöma— yöawinobe Jesúsma.

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.

Tito 2:3

Ja̧danö, ya̧dö damöbedönöbi baikwö ja̧bö tjö̧jobö kwöba̧ja̧dodönö: Ja̧bö tjö̧ji̧ma otiwanö Diosnö ösödadö ja̧bö tjö̧ji̧danö ja̧bö tjö̧jobö. Ju'wedönö omöna yöba̧lö tjoma'apekwönöma yötja̧loko, ja̧danö nio ojwiyo 'dukwachinö owa̧löma tjö̧joko, wainö ja̧bö tjö̧jobö kwöba̧ja̧dodönö, otiwa jawa ba̧ja̧dadö baibanö tjö̧jobö.

Hechos 13:10

jö̧ba̧lijetö: —Awetja itji̧ja. Ökwöma jojodö tjoma'apekwönö ja̧bo̧ja. Jojodönö jelobekwö yöba̧lö sulabenö ja̧bo̧ja. Okobe jwiinö Dios jawa, otiwa jawa öpöjödo̧ja. Ökwöma ba̧kwȩlö̧jatebö pjeanö yöawi̧kwö Duluwo̧ jweinö yöawi̧kwö pjabacha̧lö yöbawo̧ja.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 6:67

Ikenama Jesús yöawinobe iteda öba̧ja̧di̧ waisachadönö, a̧li̧nösamutjö̧ du̧ju̧tajanö: —¿Ökwödöja? Ökwödöbi ötjönö kabatibö kwȩwa̧jaduwiji̧?— abebö a̧ja̧kwiawö̧ jobadötjö bakwo̧, Simón Pedro:

Juan 6:71

Jejenö jö̧a̧lena, öba̧ja̧di̧ waisachadö a̧li̧nösamutjö du̧ju̧tajatnötjö bakwo̧, Simón Iscariote itji̧ Judasnö yöa̧linobe, Jesúsnö iyö loakwo̧nöma.

Juan 20:24

Ja̧danö, jobadö Jesús 'da̧batö ujuninawö̧ a̧li̧nösamutjö du̧ju̧tajatjö bakwo̧, Tomás mikwo̧, Morocho, ötjabökwema, deinobe Jesús jobadönö öwawachenama.