Juan 6:52 - Dios Iwene

⁵² Jejenö yöawiawö̧ judío jojodöma, idödada labinö atada̧lö yötja̧lakwawinobe, bakwainö omukwatökönö: —Bitema, ¿dakwö yöba̧lo̧, Ötjönö kwukwaduwo, jö̧ba̧lö? ¿Iteda iteba'oda iyakwa̧ji̧ dukwoböma?— yötja̧lakwawinobe.

Juan 6:52 Referans Kwoze

Juan 10:19

Jejenö yöawawö̧ yemidanö judío jojodöma, bakwainö omukwatökönö, nöinö yötja̧lakwawinobe.

Juan 9:16

Jejenö atadawö̧ fariseo jojodötjö ju'wedöma: —Jo̧ba Jesúsma Dios weinökökwe, jojodö tjotidökö möle otidobetjö̧— jö̧tja̧linobe. Jo̧kwaijayonö jobadötjö ju'wedöma: —Jo̧bama sulabenö ja̧bö̧kö̧. Sulabenö ja̧bo̧ma ¿jejenö Dios ujulu i̧sebenaji̧? I̧sebö̧kö̧ sulabenö ja̧bo̧ma— jö̧tja̧linobe fariseo jojodötjö ju'wedöma. Ja̧danö, bakwainö tjomukwatinokobe.

Juan 6:41

Jejenö, Ötjödasa mölejȩbetjö tjoduwi̧, ba̧kwȩlö̧jatebö ja̧kwawa iyi̧ kwakwawa, jö̧ba̧lö, yöawiawö̧ tjöpöjödinobe judío jojodöma.

1 Corintios 2:14

Jau chömöledö, Dios O̧'wo̧ Luwo̧nö juna̧löködöma Dios O̧'wo̧ Luwo̧ iyi̧ma emöködö, tjedemi mikwa jwii̧ jawa jö̧ba̧lö. Jau chömöledö, jobadöma Dios O̧'wo̧ Luwo̧ iyi̧ tjedenama, inesö mikwawi̧ma wajwibadö, ja̧ jawa mikwawi̧ma Dios O̧'wo̧ Luwo̧ öba̧ja̧dawö̧tjokobetjö̧.

Hechos 17:32

Jejenö yöawiawö̧, Diosma tjeachajinö ja̧inobe, jö̧ba̧lö, Atenasnö ju̧kwadötjö ju'wedöma oböda obijadötö Pablonö. Jo̧kwaijayonö ju'wedöma: —Yemidanö da̧ja̧kwobö jö̧da̧la ja̧ yökawaja̧ma— jö̧ba̧lijadötö.

Juan 4:11

Jejenö yöawoko jobujuma jö̧ja̧linobe Jesúsnö: —¿Dakwö waköbobö, waawa'do jwiköbobema? Be'doma möe'do. Ojwiyoma nijibeda okwobe—jö̧ja̧linobe Jesúsnö—. Ja̧ yöka̧laja̧ ojwiyo, ba̧kwȩlö̧jatebö ja̧kwawa ojwiyoma ¿Delö waköbenada?

Juan 3:9

Jejenö yöawökwe, Nicodemo yemidanö aebinobe Jesúsnöma: —¿Dakwö ji̧da kwa̧tjöma?—aebökwe:

Juan 3:4

Jejenö yöawökwe: —¿Dakwö ja̧enada bakwo̧, ida̧ökö pöema? Yemidanö ojo'do jemiboböma jwiobe. ¿Jukwa'wo okwa yemidanö teachibakwa̧ji̧, jo̧banö yemidanö jemoböma? Jwiobe— jö̧a̧lökwe:

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.