Juan 6:50 - Dios Iwene

⁵⁰ Ina yöawinobe: —Jau, ökwödö da'dödömine ja̧ mölejȩbetjö tjoduwi̧ kwakwawa tjukwinajayonö ö'wö babibijadötö. Jo̧kwaijayonö ju'wi mölejȩ kwakwawa jo̧be, jojodönö ba̧kwȩlö̧jatebö ja̧kwawa iyi̧ kwakwawama. Ja̧ kwakwawa kwadöma wotjökakwedö.

Juan 6:50 Referans Kwoze

Juan 6:33

Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧:

Romanos 8:10

Jau, ökwödö a̧tji̧yedö kwiteba'oduwima isabenö woakobe chömöledö. Ökwödö böjȩ jojodö sulabe dujuna̧lobetjö̧, diteba'oma isabenö woakobe. Ja̧danö, diteba'oma ida̧ökö woinobedanö jo̧be. Jau chömöledö, diteba'oma woinobedanö jo̧be, jo̧kwaijayonö, Cristoma ökwödö kwo̧'wo̧ luwo̧duwinö ö̧jitjö̧ma, kwo̧'wo̧ luwo̧duwima woökena, Diosma ökwödönö ja̧inobetjö̧, suli̧ jwibadö bakibaduwanö.

Juan 6:58

Ötjödasa mölejȩbe kwakwawa wanekwacho̧ma. Ja̧danö, ötjönö kwadöma ö'wö batjibökakwedö, damötjö kwa'dödömine, mölejȩbetjö tjoduwi̧ maná mikwi̧ kwinadö ö'wö batjibinadanöma. Ötjönö kwadöma ba̧kwȩlö̧jatebö tjuju̧kwakwedö— yöawinobe Jesúsma.

Juan 6:51

Ja̧danö, ötjödasa jojodönö ba̧kwȩlö̧jatebö ja̧kwawa chiyobö mölejȩbetjö ichino̧ma. Ötjönö, kwakwawa wanekwacho̧nö kwadöma isabenö ö'wö batjibökakwedö. Ba̧kwȩlö̧jatebö ja̧kwawa tjujuna̧lakwedö jobadöma. Ötjöma ötjödada chiyawakwo̧sa jojodö Dioskwö ba̧kwȩlö̧jatebö tjuju̧kwobö— yöawinobe Jesúsma.

Juan 8:51

Isabenö yötawa. Ötjö yötawi̧ a̧ja̧kwadöma la'akatjöda wotjökakwedö.

Juan 6:42

Öpöjödo yötja̧lakwawinobe, idödada: —Bitema José itji̧ Jesús ¿jö̧tö? Abe'donöbi, ojo'donöbi döwaisobe. ¿Dakwö yöba̧lo̧, mölejȩbetjö ichino̧sa, jö̧ba̧lö?— öpöjödö yötja̧lakwawinobe.

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Juan 3:36

Bakwo̧, Dios Itji̧nö ösödo̧ma ba̧kwȩlö̧jatebö ja̧kwawa juna̧lo̧. Ja̧danö, Dios Itji̧nö öpöjödö, jo̧ba wei̧ a̧ja̧kwö̧kö̧ma jwibo̧, ba̧kwȩlö̧jatebö ja̧kwawama. Jo̧bama Dios lȩebakwo̧— jejenö yöawinobe Juan Ojwenö Bu̧dato̧ma ömöayedönö.

Juan 5:24

Ina yöawinobe Jesúsma judío la'aka luwedönö: —Isabenö yötawa, ötjö yötawi̧ a̧ja̧kwadö, ötjönö webinanö ösödadöma, ba̧kwȩlö̧jatebö ja̧kwawa tjujuna̧lakwedö. Jobadöma lȩtebökakwawö̧. Wobajaletjö tjö̧jibanö babibö, ba̧kwȩlö̧jatebö tjuju̧kwakwedö— yöawinobe—.

Juan 6:47

Isabenö yötawa. Ötjönö ösödadö, Bitema Dios weinökwe, jö̧ba̧lö, ösödadöma ba̧kwȩlö̧jatebö ja̧kwawa tjujuna̧lakwedö.