Juan 6:31 - Dios Iwene

³¹ Damötjö Moisésma ujulu i̧sebijetö da'dödöminenö pjabatö. Ökwödö da'dödöminema, jojodö deobe ja̧nö maná mikwi̧ kwiabijadötö, mölejȩbetjö kwakwawa tjoduwi̧ma. Jejenö laebobe Dios iwenetjö, Mölejȩbetjö kwakwawa iyijetö, jö̧ba̧lö— yötjawinobe.

Juan 6:31 Referans Kwoze

Juan 6:49

Da'dödöminema mölejȩbetjö tjoduwi̧ maná mikwi̧ kwiabijadötö jojodö deena ja̧nö. Ja̧ maná mikwi̧ tjukwinajayonö ju'winö ö'wö babibijadötö jobadöma— yöawinobe Jesúsma.

Éxodo 16:35

Ja̧danö, Israel jojodöma lekwe möle, cuarenta o̧bi̧ya̧ baledibanö mölekwena kwiabijadötö ja̧ kwakwawa, maná mikwi̧ma, jojodö tjuju̧kwobekwö, Canaán niji ö'öbö tjichibenanö kabatö.

Apocalipsis 2:17

Chömöledö, a̧ja̧kwaduwi biya̧, Dios O̧'wo̧ Luwo̧ yöawi̧, okobe deinö ötjönö ösödö ko̧ko̧kwa̧lö tjö̧baji̧tenia ju̧kwadönöma. Baikwö yöawobe: Sulabetjö juluwinadönö otiwanö chiyakwo̧sa. Mölejȩbetjö kwakwawa, mana mikwi̧, ajayi tojawa kwakwawatjö, chiyakwo̧sa. Ju'wi jawabi chiyakwo̧sa, sulabetjö juluwinadönöma. Bakwo̧nökwena sulabetjö juluwo̧nöma inawa dewawa chiyakwo̧sa, iteda imi, 'yayi̧ imi wȩyukwawa. Ja̧wa wȩyukwa imima, chiyökweda öwaisakwo̧, iteda 'yayi̧ imima. Chömöledö, jejenö Dios O̧'wo̧ Luwo̧ma yöawobe okobe deinö ötjönö ösödadönö, ko̧ko̧kwa̧lö tjö̧baji̧tenia ju̧kwadönöma, jö̧ba̧lö yöawobe isa̧pi̧ bakwachakwadanö sȩapi̧ juna̧lo̧ma ökwödönöma— jejenö chedökwema weijatö ötjönöma, iteda yöawi̧ wȩyudö wetobö Pérgamo jojodötjö itenö ösödadönö te'ada̧lakwawa jojonö, ite'ada̧lawö̧nö yöawobö.

Deuteronomio 8:3

Jau chömöledö, Juluwöködösa, jö̧ba̧lö kwöwaisachibaduwakobetjö̧, ajayinö a̧wi̧chi̧löji̧ weinobe, ikenama mölejebetjö tjoduwi̧ Mana ötjabi̧ kwawawa iyinobe, ökwödöbi kwa'dödöbi wajwiköbinaduwa jawa kwakwawa kwukwaduwobö iyinobe. Jejenö ba̧ja̧dö iyinobe chömöledö, kwöwaisachibaduwakobetjö̧, –Sule kwakwawa kwanödama otiwanö jö̧ködö jojodöma, okobe jwiinö Isabenö Jo̧ yöawi̧ da̧ja̧kwitjö̧da otiwanö dö̧jakwedösa, –jö̧ba̧lö kwöwaisachibaduwakobetjö̧.

1 Corintios 10:3

Ja̧danö, okobe deinö bakobe Dios iyina pan tjukwinobe, ¿jö̧tö?

Juan 6:58

Ötjödasa mölejȩbe kwakwawa wanekwacho̧ma. Ja̧danö, ötjönö kwadöma ö'wö batjibökakwedö, damötjö kwa'dödömine, mölejȩbetjö tjoduwi̧ maná mikwi̧ kwinadö ö'wö batjibinadanöma. Ötjönö kwadöma ba̧kwȩlö̧jatebö tjuju̧kwakwedö— yöawinobe Jesúsma.

Josué 5:12

Ja̧danö, ida̧ökö tjitebo jawa kwakwawa tjukwobö jo̧betjö̧, mölejebetjö tjoduwi̧ kwakwawa Mana ötjabi̧ kwakwawama tjoduwö kaatinobe. Jemi ikena mölebi, tupakwöbi la'akatjöda tjoduwinokobe ja̧ Mana ötjabi̧ kwakwawama, ja̧danö ja̧ kwökönö, canaan niji jawa batjo wa̧ji̧da tjukwinobe.

Juan 6:32

Ikenama Jesúsma yöawinobe: —Isabenö yötawaduwakwö. Moisésma inesö mölejȩbe jawa kwakwawa iyijökötö. Jo̧bama 'dö̧ibaji̧ kwakwawada iyijetö. Jo̧kwaijayonö Chabe'do Diosma inesö mölejȩbe jawa kwakwawada iyo̧, ökwödönöma.