Juan 4:30 - Dios Iwene

³⁰ Jejenö yöjawawö̧ jömöledöma jobe comunidadtjö labebö tji̧'yinobe, Jesús ö̧jobekwö.

Juan 4:30 Referans Kwoze

Romanos 5:20

Chömöledö, Diosma iteda wei̧ jojodö ja̧bö tjö̧jo jö̧ba̧lö wei̧ma Moisésnö iwȩyudobö weinobe. Jojodö Dios weökö jawa ja̧tji̧ma tjöwaisachibotö jö̧ba̧lö weinobe, ja̧ Moisés iwȩyudinama. Iwȩyudakwa̧ abönö, ida̧ökö Dios weökö jawa ja̧tjinajayonö, Moisés iwȩyudinelöda tjöwaisachibobö ji̧nobe, Aaa, Dios weökö jawa ja̧badösa, jö̧ba̧lö. Ja̧danö, jemi tupakwö, ina jwaikwöda sulabenö ja̧bö tjö̧jinobe jojodöma. Ja̧danö, jemi tupakwö jojodö sulabenö ja̧tji̧ma nöachinobe ichejekwa. Jo̧kwaijayonö, jojodö sulabenö ja̧tji̧ma nöachijayonö, Diosma ina lȩlö̧jinö edinobe jojodönöma. Ja̧danö, jojodö sulabenö ja̧tji̧ nöachemi o̧pekwönönö nöachinobe Dios lȩlö̧jinö edi̧ma ichejekwa. Ja̧danö lȩlö̧jinö edö, mikwa jwiinö otiwa jawa iyö, jojodönö pjaatinobe Diosma.

Hechos 13:42

Ikenama Pablo, Bernabé judío jojodö yötjaweju latjebena jejutjö ba̧nö a̧ja̧kwajadötjö ju'wedöma 'ya̧wibö ösödö abebijadötö: —Babe ikena semanabi yökawaduwo, ja̧ yökawaja̧duwama— ösödö abebijadötö.

Hechos 10:33

Jejenö weitjö̧ chömöayedönö wetijatö ökwönö öbibö tji̧'yobö baikwö kwichobö. Ökwöma otiwanö kwichajabe. Babema ökwödöma okobe deinö, Dios öba a'o bena dö̧ja da̧ja̧kwobö okobe jwiinö Duluwo̧ weina ökwönöma—jö̧ba̧lijetö Cornelioma.

Mateo 20:16

Jau chömöledö, ja̧ wanedö yötawaja̧danö, babe mikwawöködö jö̧ba̧lö tjomukwatawö̧ma, ju'wedötjö o̧penönö mikwawadö tjö̧jakobe, ja̧danö babe nöinö mikwawadö jö̧ba̧lö tjomukwatawö̧ma, mikwawöködö tjö̧jakobe— jö̧ba̧lö yöawinobe Jesúsma.

Isaías 60:8

Ju'wi baledakwa̧bi baikwö yötawa: Jwaibalawa lo̧bekwö edö, ojwiyo'wo pjolachö kweachi̧danö kwedaduwakwedöja, yunukudö ewa̧jö kötjobedanö ichejewi̧ma.

Hechos 28:28

Ina yöbawijetö: —A̧ja̧kwaduwitjö kwöwaisachibaduwinö. Ökwödöma, judío jojodöma Dios pjaatina kwöpöjödaduwijatö, jojodö tjö̧jibinö pjaatinama. Jo̧kwaobetjö̧ Diosma webijetö judío jojodöböködönö tja̧ja̧kwobö. Isabenö jobadöma tja̧ja̧kwobö jö̧ba̧ladö, Dios iwenema— yöbawijetö Pabloma.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Juan 4:31

Ja̧danö jobadö, Samaria jojosuju jömöledöma ina tjichonö Jesús öba̧ja̧di̧ waisachadöma jö̧tja̧linobe jo̧banöma: —Ba̧ja̧dakwawa jojo, kwidi— jö̧tja̧lökwe:

Juan 4:39

Ja̧danö jobe ju̧kwadö Samaria jojodöma ba̧jekwadö tjösödinobe Jesúsnö, Jweinö yöbawo̧, jö̧ba̧lö. Tjömöledösuju Jesúsnö yöjawawö̧, Jo̧bama, ötjö okobe jwiinö chö̧jina waiso̧, jö̧ba̧lö, tjösödinobe Jesúsnöma.