Juan 3:9 - Dios Iwene

⁹ Jejenö yöawökwe, Nicodemo yemidanö aebinobe Jesúsnöma: —¿Dakwö ji̧da kwa̧tjöma?—aebökwe:

Juan 3:9 Referans Kwoze

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 6:52

Jejenö yöawiawö̧ judío jojodöma, idödada labinö atada̧lö yötja̧lakwawinobe, bakwainö omukwatökönö: —Bitema, ¿dakwö yöba̧lo̧, Ötjönö kwukwaduwo, jö̧ba̧lö? ¿Iteda iteba'oda iyakwa̧ji̧ dukwoböma?— yötja̧lakwawinobe.

Lucas 1:34

Yöawioko Maríama abebö ja̧ja̧kwinobe ángelnö: —Ja̧ yökawaja̧ma ¿dakwö baledakwa̧da? Ötjöma i̧so̧kwö jö̧kujusa. ¿Dakwö metu'wo batibakwa̧da?— jö̧ba̧lö.

Isaías 42:16

Ja̧danö, chömöledö tjöbajale tjewawadödanöbedönö pjatatocha. Jobadönö ötibakwo̧sa, mana edajitjökö mananö kwetjachobö. Ötjöda jobadönö jwetebakwo̧sa, ja̧danö tjöba a'otjö yȩa'woma, dewi̧ baibanö balewö lotakwo̧sa, otiwanö tjedakobetjö̧. Ja̧danö niji ya̧likwaobe inakoobema, ba̧ba̧ladö chotidocha, ba̧ba̧lawamanö otiwanö kwetjachakobetjö̧. Jobekwö isabenö chömöledönö pjatatakwo̧sa, ja̧danö jobadönö le'dedö lotökakwo̧sa.

Juan 3:4

Jejenö yöawökwe: —¿Dakwö ja̧enada bakwo̧, ida̧ökö pöema? Yemidanö ojo'do jemiboböma jwiobe. ¿Jukwa'wo okwa yemidanö teachibakwa̧ji̧, jo̧banö yemidanö jemoböma? Jwiobe— jö̧a̧lökwe:

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.

Juan 3:8

Wanedö yötawa: Jojodöma ¿jwa̧lȩ'epjo ichobema edadöji̧? ¿Jwa̧lȩ'epjo 'yo̧bekwöbi edadöji̧? Edöködö. Jwa̧lȩ'epjo jwa̧lȩ'ewi̧ma tja̧ja̧kwijayonö jojodöma edöködö. Nicodemo, jejenö jo̧be, Dios O̧'wo̧ Luwo̧ pjaati̧ma. Jwa̧lȩ'epjo ichobe, 'yo̧be öwawöködanö, Dios O̧'wo̧ Luwo̧ pjaati̧ma öwawökö, jojodö Dios i̧tji̧mu batjibinö pjaati̧ma— yöawinobe Jesúsma Nicodemonö.

Juan 3:10

—Nicodemo, ökwöma Israel jojodönö otiwanö ba̧ja̧dakwawa waiso̧ma, ¿jö̧tö? ¿Dakwö jö̧ba̧lö wajwiköba biya̧ yötawi̧ma?