Juan 3:8 - Dios Iwene

⁸ Wanedö yötawa: Jojodöma ¿jwa̧lȩ'epjo ichobema edadöji̧? ¿Jwa̧lȩ'epjo 'yo̧bekwöbi edadöji̧? Edöködö. Jwa̧lȩ'epjo jwa̧lȩ'ewi̧ma tja̧ja̧kwijayonö jojodöma edöködö. Nicodemo, jejenö jo̧be, Dios O̧'wo̧ Luwo̧ pjaati̧ma. Jwa̧lȩ'epjo ichobe, 'yo̧be öwawöködanö, Dios O̧'wo̧ Luwo̧ pjaati̧ma öwawökö, jojodö Dios i̧tji̧mu batjibinö pjaati̧ma— yöawinobe Jesúsma Nicodemonö.

Juan 3:8 Referans Kwoze

1 Corintios 2:11

Jau chömöledö, wanedö yötawa: Ökwö kwomukwati̧ma ju'wedö jojodö edöködö, ¿jö̧tö? Jo̧kwaijayonö, ju'wedö tjedököjayonö, ökwöda kwo̧'wo̧ luwo̧ma öwaisobe, ökwö kwo̧'wo̧ luwo̧obetjö, ¿jö̧tö? Dios O̧'wo̧ Luwo̧bi ja̧danö, sule Dios O̧'wo̧ Luwo̧da okobe jwiinö Dios jawa waiso̧ma, iteda O̧'wo̧ Luwo̧obetjö̧.

Hechos 2:2

Ikenama jeju okwa tjö̧bajonö omönanö mölejȩbetjö ichö ökwöijetö jwa̧lȩ'epjo, labinö ichobe ökwöi̧danö. Jejenö ichi̧ma tjeju okwabi labinö ökwöijetö okobe jwiinö.

1 Juan 2:29

Chö̧ja̧wo̧dö kwöwaisaduwa, Cristoma jweinöda omukwato̧, jö̧ba̧lö. Jo̧kwaobetjö̧ Cristo jweinö omukwati̧danö jweinö omukwatö ja̧döma tji̧sekwobe, Ökwödöma Dios i̧tji̧musa, jö̧ba̧lö. Jau chö̧ja̧wo̧dö, Dios i̧tji̧muma Cristo jweinö omukwati̧danö jweinö omukwatö ja̧dö. Jo̧kwaobetjö̧ jejenö kwö̧jaduwo chö̧ja̧wo̧dö, Dios i̧tji̧mu tjö̧jobö ji̧ma, jweinö omukwatö, ja̧danö Cristokwö dötewinö 'ya̧nö. Jejenö kwö̧jaduwobetjö̧ taba jwiinö kwedaduwakwedöja Cristonö, yemidanö ichenama.

Hechos 4:31

Ja̧danö, abebö katjatena jobadö tjoko̧ko̧kwejunöma tjö̧ebijetö. Ikenama bakwo̧nökwena, iteda o̧'wo̧ luwo̧ okwanö Dios O̧'wo̧ Luwo̧ öba̧ja̧da̧lonö tabada̧lökönö yöbawijadötö Dios yöawi̧ma.

1 Corintios 12:11

Jejenö wainökwena iyijayonö, iyo̧ma bakwo̧da, Dios O̧'wo̧ Luwo̧da. Ja̧danö, jo̧bada ösödi̧danö okobe deinö bakwo̧nökwena wainökwena iyo̧, jo̧ba ujulunö ja̧bö tjö̧jo jö̧ba̧lö.

Juan 1:13

Dios i̧tji̧mu, jö̧ba̧löma, tjojo'do jobadönö jemi̧danömaökö. Dios i̧tji̧mu batjibi̧ma, tjabe'do, tjojo'do tjöbötjati̧danömaökö. Ja̧danö, tji̧lȩkwa̧mukwö tjö̧ji̧tjö baibanömaökö, Dios i̧tji̧mu batjibi̧ma. Wainö bötjachadö, Dios i̧tji̧muma. Jobadöma, Dios ajayinö omukwati̧danö iteda i̧tji̧mu babibö bötjachadö, Dios iteda omukwati̧tjöda.

Juan 3:7

Nicodemo, ¿tajawedö kwöbajale jalaka babiböma kwö̧jobö, okobe deinö yemidanö tjemawö̧ babibaduwi, jö̧ba̧lö, yöta̧lenama?

Juan 3:9

Jejenö yöawökwe, Nicodemo yemidanö aebinobe Jesúsnöma: —¿Dakwö ji̧da kwa̧tjöma?—aebökwe: